قصة غرام
اخواني الأعزاء وصلتني هذه القصيدة عن طريق رسالة جوال ولا اعلم من شاعرها .... فلست انا من كتبها
ولا لي علاقه بها إلا أنها اعجبتني فاحببت أن انقلها لكم
لعلها تنال اعجابكم
=================================
لعنبـو قصـة غــرام كــل ابـوهـا كلمتـيـن
ابتدينا عنـد احـبـك وانتهيـنـا عنـد بــاي
تـونـا مابـعـد مشيـنـا فالـهـوى لوخطـوتـيـن
وانتها الموضوع كله ماعـرف وشو خطـاي
انتهـى الموضـوع هيـك بكـل سهولـه تحكمـيـن
وين احبك ؟ وين اريدك وين ساكن في حشاي ؟؟
يمكـن انـك ماوفيـتـي يــوم جيـتـي تعشقـيـن
ويمكن انك تحسبينـي بتبعك مـن دون راي
ويمكـن اصـلا ماعشقتـي بـس كنـتـي تلعبـيـن
ويمكن انـك ماوصلتـي في هـواك لمسـتواي
ويمكـن انـي ماعرفتـك فالحقيقـه ويــش تبـيـن
ويمكن اني خنـت نفسي..يـوم اعطيتـك وفـاي
علمينـي فالـهـوى ياجاهـلـه ويــش تعرفـيـن
تعرفين انك غديتـي شي يجـري فـي دمـاي
علمينـي فالعطـاء والتضحـيـه ويــش تفهمـيـن
لعنبووو حيـك عشانـك سبـت اقـرب اقربـاي
كنـت احطـك فـي عيونـي تسرحيـن وتمرحـيـن
كنت اشيل هموم قلبك وارمـي همومـي وراي
كنت اطيـر مـن السعـاده يـوم اشوفـك تضحكيـن
كنت ذايب في هواكِ مثل سكـر وسـط ماي
كنـت نايـم فالعسـل وارسـم مـن الفرحـه سنيـن
كنت اظنك قلب عاشـق ماسكـن وسطه سـواي
ماوعـيـت الاوانـتـِي فــي خفـوقـي تطعنـيـن
ماوعيـت الاوسيفـك بالحشا....رايـح وجـاي
وردة اي والله ورده بــس عرفـتـي تجـرحـيـن
كـل شـي فينـي جريـح الافخامـةوكبريـاي
ما تأثرت ابغيابك ويـش يعنـي دمعتيـن ؟؟
بكره انسى صدقيني وارجـع بكامـل قـواي
ادري ان حنا افترقنا بـس ابفهـم حاجتيـن
علميني وش كسبتي ؟؟ وعلميني وش خطاي
اصلاً الموضوع كلـه مـا تعـدى كلمتيـن
التقينا عند ( احبـك) وفترقنا عند (بـاي)
تعليق