السلام عليكم ورحمة الله وبركاته اليوم
جبت ليكم التقلية على الطريقة المغربية
نبداو على بركة الرحمان :
نحتاجو الزيت.الملح.سكين جبير.الخرقوم البلدي .خرقوم عادي.كمون.بزار.3 دروس التوم
1 مطيشة
3 خيزو منقين ومقطعين دواءر
نصف حامضة
شوية الزيتون
شوية القزبر والمعدنوس
الكرشة والخل
دابا نبداو
نخويو شوية الخل على الكرشة ونخليوها واحد 5 دقايق
من بعد نغسلوها مزيان بالماء
ونصلقوها
من بعد نجروها مزيان بالموس من برا ولداخل ونقطعوها قطع صغير حسب الدوق
من بعد نعاودو تاني نغسلوها
صافي دابا نديروها تتقلى مع جميع العناصر لعندنا
ههيا تقلات
من بعد نرويو بالماء الكافي ليغدي يطيب لينا الكرشة
ملي نحسو بيها طابت نحلو لكوكوط ونرميو خيزو،الزيتون والحامض ونخليوهم يطيبو على خاطرهم
وهاهيا تقلية ديالنا وجدات
بالصحة والراحة
منقولة
تعليق