السلام عليكم ورحمه الله وبركاته

ادري ولا واحد منكم يعرف يسوي بيض
انا بعلمكم اشلون اتسوونه
بس لحد يضحك

شوفوا اليوم وياكم الشيف الحسيني
وراح يعلمكم ثلاث انواع للبيض

اول نوع هو البيض العادي....
اول شي تروح او تروحين اتجيبون المقلايه طبعا اتغسلونها عدل (اكيد يغسلونها)
وثاني شي تروح للثلاجه وتفتحها وتطالع تشوف كم بيضه تكفيك
المهم تاخذ البيض الي تبيه
وتروح ترجع للمطبخ
تحط المقلايه على الطباخ وتحطلك شويه زيت (عافيه)
وتشغل النار وتروح تجيب ملح طبعا
بالوقت الي المقلايه فيه بتغلي اتكسر البيضات وتحطهم على المقلايه
اول ماتحطهم على المقلايه حط الملح وراه بس لاتسوون مثلي احط الملح كله
وتاخذ ملعقه اذا تبيه متفرق وتحركها بسرعه جنك اهبل لما يستوي وتدفي الخبز وتاكل
ولما تشبع احمد ربك وروح رجع الاكل للمطبخ وبعدين غسل الصحون

النوع الثاني خطير شلون خطير انا اقولكم
خطير لان البصل راح يتدخل فيه
المهم بعلمكم الطريقه تجيب بصل ماعرف سوالف المقادير انا المهم وتجيب فلفل اخضر بارد
وتقصصه على قطع صغيره والبصل و طماط على قطع صغيره
اتحطهم بالمقلايه كلهم شلون والله مادري دبروا انفوسكم
ويستحسن ان البيض يكون العدد بيضتين (للفرد)
وتحطون المقلايه على النار وزيت عافيه عليه بس بنسبه قليله وتحط البصل والفلفل الاخضر
والطماط
تنطرهم لما يقلون ومن بعدها حط البيض وجيب ملعقه واقعد بدع يمين ويسار جنك اهبل
ومن بعد هذا كله عاد تقول داخل نفسك ياريت ان الخبز موجود عندي مالي خلق اروح للثلاجه
المهم تجيب الخبز وتدفيه وتروح تاكل وبعد ماتخلص احمد ربك ورد الصحون للمطبخ وغسلهم الله يعينك

النوع الثالث وهو المريح جدا ً
هو بيض ( العيون) طريقته سهله جداً
انا اقولكم على السريع تجيب المقلايه والزيت وتحطهم على الطباخ وتجيب ملح
وتحط البيض فوقه وروح طالع التلفزيون واذا شميت ريحة حريقه اعرف ان البيض خلص
روح دفي الخبز واكل لما تشبع ومن بعدها احمد ربك طبعا اول شي البسمله وبعدين تروح تغسل المواعين

طبعاً هذا شغل عزابيه

ادري اني علمتكم وراح تشكروني على الطريقه
لكن انطروني بالوصفه الجديده الي هي انواع الكبسات
ياسمين وقطره لاتضحكون ترا انا والله ما اعرف اطبخ وكل اكلي بالمطاعم
يالله انطروني بالوصفات الجايه
تحياتي للجميع
امسممكم
عبدالله الحسيني