التلفونيرن ولما رديت واحد يقولي / إنت حمد ......
المهم.. عنده رسالة من صديق لي قديم ذكرني بيه وأخذ عنوانصندوق البريدوأرسلها لي وسألت عنه وقال لي إنه توفى إلى رحمة الله وإنه وصاه بأنيرسلالرسالة هذه لي بعد وفاته وهي من ضمن رسائل عديدة تصل إلى اكثر من اربعمائة أوخمسمائة رسالةلأصدقائه ومن ضمنهم رسالتي . المهم وصلت رسالتي وأخذتهاوعالبيت ومكتوبعالظرف من الخارج / الأخ والصديق / حمد .... لا يفتح إلا بعد وفاتي . قلت في بالي الله يرحمه سوا فيها رأفت الهجان .. وصلت البيت وعالمكتب دغري وجلستعالكرسيوحطيت الرسالة عالماصة وأتمغطت وأتنفست شوية فجأة تأملت في لوحة قداميمكتوبعليها سورة ( الاخلاص ) وسألت يا ترى إيش فيها الرسالة وتذكرت ( منصـــور )وحكايته .
منصورمن اب وام غير شرعيين كانوا عايشين في حارة في قديمالزمانوكانوا يحبوا بعض وكان ابو منصور كثير الخروج عن الحارة والغياب بالاياموالشهوروالعودة مرة أخرى لحارته وكان مع شلة مشهورة بالفساد وكان هو زعيمهم وكانوايأتونللحارة ويأخذونه ويذهبوا لخارج المدينة لوكر لهم بين الجبال وفي الصحراءفالمهمتقدم ابو منصور للزواج من ام منصور ولكن والدها رافض وجميع أهل الحارةمؤيدينهعلى ذلك وام منصور تحت طوع والدها ولكن مع اللقاءات بينهم والايام وشقاوةابومنصور وفهلوته وضعف إرادة ام منصور وانه مافي إلا الأمر الواقع ينجبوا طفل يربطبينهم وعملواالعملة وبعدها أختفى ابو منصور خوفاً من والدها ومن الشرع ووووالمهم سترالاب على الفضيحة وحبس البنت إلا ان انجبت الولد وقيد بإنه لقيط وجدهوالدأم منصور عند باب المسجد وطالب بحضانته وتربيته وتبنيه وسماه منصور وكبر الولدفيالحارة وكان ابوه يجي متخفي ويشوف الولد كل بعد فترة وطبعاً امه تزوجت من نفسالحارةوالولد عند جده ومرت السنين وكبر الولد وتعلم ويشتغل في نفس الوقت خباز معصاحبمحل فرن ومرض ابومنصور واشتد المرض عليه وكتب وصيته في رسالة وطلب من اقربالناسإليه ثقة ان يوصل الرسالة ويسلمها إلى منصور البالغ من عمره الان 19 عاماوتوفىالأب وراح صديقه الموثوق للحارة وسلم الرسالة لمنصور ومكتوب عليها ( إلىإبنيمنصور .. مع التحية والسلام .. والدك ) . اندهش منصور ولكن المرسول حذر منصوربأنلا يخبر أي كان عن هذه الرسالة وأخذ منه العهد واليمين . وفي البيت فتح منصورالرسالة / ومكتوب عليها / أعذرني يا إبني إني حرمتك من حنان الابوة ولكني عوضت لكبالورثوهذه خريطة لصندوق ملئ بالذهب والمجوهرات تعز بيها نفسك وعيالك وعيال عيالككمانولا أوصيك في أمك التي ربتك .
منصورما صدق على الله طب في كنز . المهم الصندوق في بئرماءفي الصحراء داخل البئر والبئر مليان مويه وصاحب البئر رجل عجوز وعنده بنت عنمئةراجل بدوية من جد وذكية وترعى الغنم والجمال بنفسها دون خوف وتخدم والدها وهيالوحيدة . وصل لهم منصور وطبعاً ما يقدر يقولهم إنه في صندوق وووو ومن هذا الكلامولكنجاهم بطريقة إنه فقير وفعلاً هو كذلك ويبغى مويه وإنه تائه ويبغى شغل . وثقفيهالعجوز فنظرته ما تخيب ان الولد شكله طيب وامين ومحتاج العجوز لخادم يخدمهم ويحرسهم ويرعى حلاله والبنت كبرت وخايف عليها .. المهم اشتغل عندهم منصور وكان دائم التردد على البئر فلاحظت البنت الشئ هذا منه وراحت قالت لابوها وابوها قال لها يابنتي سيبيه في حاله ولا تهتمي بيه وبأفعاله وتصرفاته .
ومرة من المرات راح منصور للبئر ولقي البنت جالسة هناك ووقف منصور وقال في باله . والله مشكلة البنت هذي جالستلي بالمرصاد وانا لي كم يوم وما قدرت انزل البئر واخذ الصندوق والمشكلة إني ما اعرف اسبح واغوص . وراح منصور للبئر وقالت له البنت . انا اشوفك دائماً تجلس عند البئر إيش الحكاية فقال لها لأني احب الموية ونفسي اتعلم السباحة والغوص . فردت بسرعة ودون تردد انا اعرف السباحة والغوص . ففرح منصور وقال اكون شاكر ومديون لك لو تعلميني . خجلت البنت وراحت تجري على بيتها . مرت الايام وما ردت البنت خبر ومنصور في حيرة ومستعجل وفي النهاية قال منصور : لازم اصارحها بالحقيقة واعطيها نسبة من الكنز مقابل تعليمها لي ومساعدتي . وفعلاً صارحها ولكنها رفضت المقابل بنسبة وطلبت النص بالنص ورفض منصور القسمة بالنص لأنه ليس عدل فالصندوق ورثة له وكيف إنها تشاركه بالنص لمجرد مساعدة وتعليم ولكنها اقنعته بأن الصندوق أساساً من مصدر حرام وسرقة وليس ورث حلال ووو سوت فيها محاضرة . قال منصور أفكر في الامر وارد خبر ويومين وثلاثة ولقي منصور الحل . وراح للبئر يجري وقابل البنت وقال لها : انا موافق ولكن بشرط . نتزوج .
تفاجأت وجري عالبيت . ويومين ثلاثة وردت عليه بالموافقة . وشرط منصور بأنه اول شئ نطلع الصندوق من البئر عشان نحتفل بأكبرإحتفال وزواجنا يكون على كل لسان بين القبائل . منصور ذكي وعرف يضحك عالبنت وكان ناوي يطلع الصندوق من البئر ويعطيها نسبة منه وتقلب وجهها وهو يروح في حال سبيله برغم انها جميلة وما يعيبها شئ ولكن الطمع بينهم يالطيف فرق النيات . يأخذ الكنز ويبيعه ويروح يشوف الدنيا بلا بئر بلا صحراء وبلا جمال وغنم يبغى يهج يروح يتقدم للدول المتقدمة بدل ما يتقدم عالبنت هذي ويلقى نفسه راجع وراء . تفكيره تفكير حضاري وتقني وعالمي . والبنت تفكيرها بالقسمة وفرصة عمر جات لحدها شاب وسيم وصاحب ورث ومجنونة لو فرطت في الفرصة هذي . جلست البنت في غرفتها تفكر بدهاء ولقيت الحل وراحت لابوها وقالت له : ارسل يا بويا منصور للمدينة يجيب اغراض ناقصة في البيت . المدينة بعيدة يعني منصور لازم يغيب يوم كامل . وفعلاً راح منصور وفي الليلة نفسها نزلت البنت البئر وطلعت الصندوق بعدما وضعت قليل من المجوهرات في صندوق صغير من عندها في البئر واما الصندوق الاساسي والكبير المليان ذهب ومجوهرات دفنته بين الرمال . رجع منصور من المدينة مستعجل ومبسوط لانه في الليلة هذي حينزل يأخذ الصندوق . وفعلاً نزلوا البئر ولقيوا الصندوق وطلعوه . وأستغرب منصور من حجم الصندوق وكمية الذهب . ماهي الكمية إللي كانت على باله وإللي ابوه كاتبها في الرسالة إنها تعزه وتعز عياله وعيال عياله ووو . منصور ماهو مقتنع وشك في الموضوع وطالع في البنت ولكنها ذكية ما أظهرت له أي علامة او ملامح تدل عليها وعلى علمها بشئ من ذلك القبيل . كمية مجوهرات تنصرف في سنة وبعد سنة يلقى نفسه منصور الخباز او راعي غنم وجمال واتحطم المسكين واتحطمت آماله وأحلامه وطموحاته وكل شئ برغم ان الكمية يحلم بيها أي فقير مثله ولكن كلام والده في الورقة طمعته . بعد ايام جات البنت وقالت له :
إنت طلبتني للزواج وما ادري شايفك منشغل بتفكيرك في امور اخرى . رد منصور وقال : وهل ترضين بالزواج من فقير وصبي لديكم وهذه القسمة وزعتها بالنص بيننا . قالت : نعم اتزوجك وراضية بيك . وفعلاً حصل الزواج . وبعد شهر عسل في ربوع الصحراء . البنت تولعت بحب منصور اكثر واكثر واكثر حتى صارحته بالحقيقة . منصور ما صدق وفعلا شاف الصندوق وفرح فرح محد يتصوروا وجاء له مولود وفي احد الايام قال لزوجته إنه مسافر لعمل تجاري وسوف يتأخر لشهر وشهرين بالكثير وأخذ منصور نص المجوهرات والذهب وترك لها النص وراح راح راح راح لأحلامه وطموحاته وآماله للتقدم للحضارة للتحرر وترك الزوجة والولد وترك لها القسمة بالنص .وبعد خمسة عشر عام رجع منصور من الخارج وهو في حالة مرضية يرثى لها وراح لبيت زوجته وسمع إنها ماتت قهر وشاف الولد ما شاء الله صار رجال وما صارحه بأنه ابوه طبعاً لأنه طلع اب نذل ولكن أعطاه رسالة ومكتوب عليها من الخارج / ( إلىإبنمنصور .. مع التحية والسلام .. والدك ) . أخذ الولد الرسالة وفرح وفتحها بعجلة ومكتوب عليها ( أعذرني يا إبني إني حرمتك من حنان الابوة ولكني عوضت لكبالورث بشركات ومصانع في الدول الفلانية ...... ) وأخذ إبن منصور ملابسه وأغراضه وما صدق على الله إنه يسافر للخارج ولديه شركات ومصانع تنتظره ..,..
وسافر إبن منصور .. أوه ه ه فاضيين اكمل لكم ولا ارجع لرسالتي . نرجع لرسالتي وفتحتها وقلت يارب يمكن صديقي هذا افتكرني بنسبة من صناديقه فهو مليونير وأخذت الورقة وفتحتها ولقيت .....
جملة وهي / أخي وصديقي . حمد ... أرجوا أن تقرأ علي الأن ( سورة تبارك ) .
وقرأت السورة .
أفضل من صناديق الدنيا كلها من ذهب ومجوهرات وأموال لأنها تنجيه من عذاب القبر .
شكراً لكم على سعة بالكم وصدركم .
( وَإِنْ عَزَمُواْ الطَّلاَقَ فَإِنَّ اللّهَ سَمِيعٌ عَلِيمٌ ) البقرة .
