طبعا ً كل واحد منا .. تمر عليه أوقات يحس بإحساس معين ..
يمكن يكون هالإحساس حلو .. ويمكن يكون مش ولا بد ..
انا في هالموضوع بتكلم عن شوية من الأحاسيس ..مو كلها ..
يمر عليك موقف و تحس برهبة .. أو خوف أو ارتباك .. أوحتى فرحة ..
الإحساس الأول ..
إحساس بشع...
في هالإحساس .. تحس انك وهبت كل ما فيك لشخص معين أو لمجموعة من الأشخاص .. وتكون حاط فبالك انك الأهم عندهم ..
بس للأسف ... انت ولا شي بالنسبالهم ...
الإحساس الثاني ..
إحساس ممل..
في هالإحساس .. تشوف الأنانية بعينك في كل مكان وكل شي .. كل انسان يقول نفسي أولا ً ..
الإحساس الثالث ..
إحساس مقزز ..
في هالإحساس انت تعرف ان الناس اللي حواليك كانو فيوم من الأيام من أقرب الناس لك .. بي للأسف كان همهم مصلحتهم وبس وما كان في بالهم انهم يحافظون على مصلحتك .. ونصيحتي للي يمرون بهالإحساس .. إن لم تكن ذئبا ً أكلتك الذئاب ... قوي شخصيتك ولا تخاف إلا من رب العالمين .. لان الساكت عن الحق شيطان أخرس ..
الإحساس الرابع ..
إحساس مخيف جدا ً..
صاحب هالإحساس فاقد حنان بكل معنى الكلمة ..وقت ما هو محتاج لاحد يوقف معاه .. يتلفت وما يلقى حد عنده ..
نصيحة :: توجه بالدعاء لرب العالمين .. عسى الله يفرج همك ويزيح عنك كربتك !! ..
الإحساس الخامس ..
إحساس مزعج ..
صاحب هالإحساس مر بخيانة قوية .. ومن منو ؟؟ من الإنسان اللي كان في ما مضى أعز وأقرب الناس لقلبه !! .. وتعلم درس انه ما يوثق فأنسان مهما كان قريب .. وهالشي ممكن يسبب عقدة نفسيه .. خلك من الناس ومن كلامهم .. ترى اللي راح راح .. واعمل بدنياك انك تغير الصورة اللي رسمها هالشخص للناس عنك .. ودعوة المظلوم مستجابة .. ادعي ربك ينصرك ويثبتك .. ولا تنسى ان الله مع الصابرين .. والله يمهل ولا يهمل ..
الإحساس السادس ..
إحساس مرهق ..
أخونا راح وتعب ودور وضيع وقته وعمره وهو يحاول يوصل لمنصب معين أو يوصل فكرة للناس .. بالأخير يجي واحد وياخذها باردة مبردة ..
وصاحبنا راح وطي ..
الإحساس السابع ..
إحساس قاسي ..
أخونا عايش قصة قيس وليلى ... والبكاء عالأطلال .. (( أمر على الديار ديار ليلى .. أقبل ذالجدار وذا الجدارا.. وما حب الديار شغفن قلبي.. ولكن حب من سكن الديارا))
وبالأخير لقو قيس ميت في الصحرا ..من كثر الهم والتفكير .. والحبيبة ليلى ما أذكر شو صار فيها ..
الله يعين كل عاشق ولهان ..
الإحساس الثامن ..
إحساس مرعب ..
دقايق تفصلك عن القرار اللي ممكن يغير حياتك للأبد .. لازم تتوقع الأسوأ عشان تكون مستعد نفسيا ً للصدمة .. أنا ما أقول لا تتفائل .. بس لا تتناسى الإحتمال اللي يمثل الـ 50 % الثانية... وهو الفشل ...
الإحساس التاسع والأخير ..
إحساس مؤسف ..
المار بهالإحساس .. يكون مر بتجربة فظيعة .. النفاق من أقرب الناس ..
يبينونله المحبة .. بس من الداخل .. حقد وغيره وكراهية ..
يا ريت كل واحد فيكم لو مر بواحد من هالأحاسيس يخبرنا ..
يمكن نلقاله حل مع بعض .. وبالأخير كلنا أخوان .. نساعد بعض ونتعاون ..
للأمانة الفكرة مستوحاة من إيميل وصلني .. خذت الصور وضفت الكلام من عندي ...
تعليق