تكملة راشد@خلود(2)

Collapse
X
Collapse
 
  • صفحة من 1
  • الوقت
  • عرض
Clear All
new posts
السابق template التالي
  • ورده حلوه
    عضو متميز
    • Sep 2007
    • 507
    #1

    تكملة راشد@خلود(2)

    التكمله للقصه عشان عيونكم نقلتها

    بلليل

    وتقوم خلود الساعه 9 ونص بليل وتركض لي نافذتهاا وتفتحها و تشوف راشد قدامها ينتظرهاا ..

    خلود : من متى انت هني ؟؟

    راشد : انا هني من اول ما خليتني ..

    خلود : شنووو

    راشد : أي والله تميت عند ا النافذة من اول ما خليتيني .. انتظرك ..

    خلود : بينها وبين نفسها ( يا بعد عمري ) ما ادري شنو اقولك ..

    راشد : لا تقولين شي كلميني عن روحك انا الى الحين ما اعرف شي عنك..

    خلود : انا يا راشد انسانه مثل أي انسانه في الدنيا حبيت واحد لكن للاسف طلع خاين ..

    راشد : بس هادا مو اخر العالم .. والحمدالله انك في اخير كشفتينه ..

    خلود : حمدالله على كل خير وان شاء الله الله يعوضني في الي احسن منه ..

    راشد : ( يسكت وينزل راسه ) لا يكون عبالك انا راح اكون ..

    خلود : ( يحمر خدها خجل ) ومن قال .. ( وترتبك ) انا اصلا ما فكرت فيك ولا اهتميت لك وهي كله مجرد سوالف واذا تبي اسكر نافذتي ولا راح تسمع صوتي مره ثانيه ..

    راشد : ( يلف راسه لي اتجه ثاني عن خلود ) يكون احسن ..

    خلود : اننصدمت ولا قدرت تقول شي

    راشد : يلتفت لها والدموع على عينه .. انا اسف .. مع السلامه ..

    خلود :راشد لا تروح ابيك ..

    راشد : نعم ..

    خلود : راشد ممكن نكون اصدقاء .. ولا يكون غير هذا بينا .. انا محتاجه لك يا راشد..

    راشد : بس

    خلود : هذه المره بس ( وتمسح دمعه من خدها وتضحك )

    راشد : يضحك .. ويقول لها الله يقطع ابليسك .. و انا بعد احتاج لك..

    خلود : خلاص كل واحد فينا محتاج لي الثاني .. انتهت المشكله ..

    راشد :عيل خلاص .. اصدقاء ..

    خلود : زين انت ما كلمتني على روحك ؟؟

    راشد : انا يا خلود وحيد امي وابوي مات من زمان انا ما شفته مات وانا توني صغير ..

    خلود : الله يرحمه ..

    راشد : وكنت وايد متفوق في الدراسه لين تخرجت من ثانوي ولما دشيت جامعه ما خلصت غير كورس واحد وياني مرض .. وانا الحين على هذه حاله .. صار لي سنتين ..

    خلود : الله يشفيك ..

    راشد : زين انتي صدق عندك اخوان او اخوات ..

    خلود : أي عندي اخت وحده وامي منفصله من ابوي صار لهم اربع اسنين ..

    راشد :عيل وين اختك ما اشوفه ..

    خلود : والله اختي من ربع الانترنت اربع وعشرين ساعه في غرفتها مقابله ..

    راشد : وانتي ما تدشين النت ؟؟

    خلود : لا..

    راشد : ( يضحك ) ليش؟

    خلود : بس كذيه ..

    راشد : زين شلون ويا الدراسه ..

    خلود : والله كل شي اوكي ما عاده ماده وحده ملعوزتني مكرهتني الدراسه ..

    راشد : شنو هي ؟

    راشد : مادة الفلسفه ...

    راشد : الله يعينك والله .. شنو رايك اساعدك ..

    خلود : بس شلون؟

    راشد : انتي باكر عليك هذه الماده ..

    خلود : لا

    راشد : عيل ارمي علي كتابك.. ولا عليك ..

    خلود : لا يا راشد ما ودي اعقدك ويها ..

    راشد : لا تعقيد ولا شي ..

    خلود : شلون مو تعقيد وهي ام التعقيد كله ..

    راشد : انا اصلا كانت ماده هذه عندي سهله عطينيه واذا يتي من دوام اعطيك كتاب وانا ملخصه لك.. ومخطط عليه بعد ..

    خلود : اوكي ابي اعطيك ايه..

    وترمي كتاب الى راشد ويمسكه

    خلود :عيل اخليك الحين ابي انام ساعه الحين يت 12 بليل ..

    راشد : اوكي تصبحين على خير اشوفك باكر..

    خلود : اوكي مع السلامه

    راشد : مع السلامه ..<<<يتبع
    انتظر ردودكم اوكي
    تحيتي
    ورده حلوه
    كلمات بحث: لا شيء
    • The crown
      عضو متميز
      • Mar 2007
      • 2396
      #2
      الرد: تكملة راشد@خلود(2)


      متــــــــــــــــــــــــــــابعه

      و بانتظار الجديد

        تعليق

        • ورده حلوه
          عضو متميز
          • Sep 2007
          • 507
          #3
          الرد: تكملة راشد@خلود(2)

          مشكوره كراون بس ابي ردووود عشان اكمل القصه لااازم
          انتظر الردود
          تحيتي
          ورده حلوه

            تعليق

            • امونه الدوحه
              مشرفة الأناقة والجمال
              • Oct 2006
              • 1328
              #4
              الرد: تكملة راشد@خلود(2)

              مشكوووره اختي ورده
              شوقتيني بليــز نبي التكمله
              امونـــه الدوحــــه

                تعليق

                • ورده حلوه
                  عضو متميز
                  • Sep 2007
                  • 507
                  #5
                  الرد: تكملة راشد@خلود(2)

                  مشكوره امونة الدوحه على مرورك الرائع والحين احطلك التكمله
                  تحيتي
                  ورده حلوه

                    تعليق

                    • ورده حلوه
                      عضو متميز
                      • Sep 2007
                      • 507
                      #6
                      الرد: تكملة راشد@خلود(2)

                      تكملة راشد@خلود(3)

                      اليــوم التالي ,,

                      وقعد راشد الصبح وجلس يفتح كتاب الفلسفه .. ويقراء فيه ويحول يلخص لكن شاف اول حرف لاسم محمد مكتوب في كل صفحه تقريبا .. وبدون شعور مسك القلم ومسح كل حرف لي محمد من الكتاب .. وتم يلخص الكتاب لي ساعه 5 العصر لين انهى المنهج كله .. وبعد التعب مسك راشد الكتاب وضمه على صدره وتمدد على السرير .. وبعد لحظات سمع صوت نافذة خلود تفتح .. ويقوم ويحول انه يمشي بصعوبه الى كرسيه المتحرك ويتجه الى نافذته ويفتحها .. ولقى خلود ماسكه في ايدها ورده حمراء ..

                      راشد : ( يطالع خلود ولا قدر يفرق من احلى الورده او خلود ) مساء الخير ..

                      خلود : هلا مساء النور .. شلونك راشد.

                      راشد : حمدالله طيب .. وانا توني الحين خلصت من تلخيص المنهج ما عليك الا تحفضين التلخيص .. وادعيلي بعدها ..

                      خلود : خلني اشوف عيل ارميه علي ..

                      راشد : ( يرمي كتاب الى خلود ) خلي بالك لا يطيح

                      خلود : ( تمسكه ) ما عليك تراني احسن وحده تسد كتب ولا كتاب قدر يفلت مني ..

                      راشد : ( يضحك )ههههههه.. تصلحين حارس مرمه ..

                      خلود : ( تفتح كتاب ) أي اف عليك .. ( تنطر الى كتاب ) والله ما ادري شنو اقولك ..

                      راشد : شنو ليكون ما قدرت الخص عدل اعذريني صار لي فتره .. والله سويت الي قدرت عليه انا اسف

                      خلود : لالالا انت فهمتني غلط .. ما شاء الله عليك تلخيصك وايد حلو وهم خطك واضح جداا..

                      راشد : ( يحط ايده على قلبه ) أي شوه الحمدالله اني قدرت الخص لك عدل ..

                      خلود : واحسن شي سويته ..

                      راشد : شنو ؟

                      خلود : انك مسحت اسم زفت محمد ..

                      راشد : ( يسكت وينزل راسه ويطالع لي اتجه ثاني )

                      خلود : تعرف شنو ابي احط بداله ..

                      راشد : ( يلتفت لها ) شنو؟؟

                      خلود : لحظه .. وتكتب بخط عريض اسم راشد على اول صفحه .. وتوريه له ..

                      راشد : شنو هدا..

                      خلود : هذا اسمك .. هو يستاهل ان ينكتب ( وتقول حق روحها والله اول ما كتبته..اكتبه على قلبي يا بعد قلبي )

                      راشد : مشكوره ..

                      خلود : لا عادي..

                      راشد : ( يضحك لما دمعت عينه )

                      خلود : الله ضحكتك وايد حلوه ..

                      راشد : بس مو احلى من صوتك.. انا اول ما سمعته مدري شنو صار فيني ..

                      خلود : ( تستحي ) لا شدعوا ..

                      راشد : أي والله يا خلود ..

                      خلود : تسلم وخلاص تراني مافيني بعد تراني الحين اصدق عمري

                      راشد : ( يضحك ) .. بس صدقيني بدون شعور لقيت روحي امسح حرف محمد ..

                      خلود : ليش مستحته صدق..

                      راشد : لانه ما يستاهل وحده مثلك..

                      خلود : أي والله .. وانا اتحسف على كل لحظه مضيته وياه ..

                      راشد : خلاص انسيه ولا تذكرينه لانه ما يستاهل حتى تذكرينه ...

                      خلود : اوكي ..

                      راشد : أي صدق متى عيد الحب ..

                      خلود : بسرعه.. باكر .. و ليش تسال؟؟

                      راشد : لاني ما عمري في حياتي ما عيدت فيه ..

                      خلود : وشنو ودك تعايد فيه ؟؟

                      راشد : أي .. ودي ..

                      خلود : ( وهي تبتسم ) وحق منو الهديه راح تيب ..

                      راشد : حق امي ..

                      خلود : ( تبدلت ابتسامتها الى خيبت امل ) اها .. زين تسوي تستاهل امك ..

                      راشد : وانتي راح تعطين هديتك حق منو؟؟

                      خلود : ( بغضب ) طبعا حق امي .. يالله راشد اشوفك على خير ( وتسكر النافذة ) وتجلس على الارض وهي معصبه .. وتقول شنو فيها لو اهدأء لي هديه ..

                      وفي ناحيه ثاني يجلس يفكر راشد شنو يجيب هديه وجت على باله انه يجيب دبدوب وباقة ورد صناعي .. وينزل من الشقه وهو يمشي وحط ايده على طوف العماره وبكل صعوبه يجر خطواته والتعب يبين عليه .. لين وصل محل الهدايه الي كان تحت العماره ولما دخل محل شاف خلود واقفه محتاره شنو تشتري مدت ايدها على دبدوب لونه احمر وبين ايدينها قلب مكتوب فيه I love You وسرحت يد راشد لها وقال لو سمحتي هادا لي ولما التفت خلود انصدمت و ارتبكة ولا قدرت تقول شي ,,,

                      راشد : وهذه بعد باقة ورد صناعي ابي اخذها,,

                      خلود : وكل هذا حق امك ..

                      راشد : انا اكتشفت انه امي ما تحب هذه سوالف وتقول كل هادي خرابيط وانا على هادا راح اهديه لك انتي ,,,

                      خلود : حست روحها تطير من فرحه .. وحتى انا بعد امي ما تحب عيد الحب وعلى هذا انا راح اهديك هذا القلب الكرستالي ومكتوب اول حرف من اسمي K .. يالله انا ابي اروح واشوفك باكر .. بليل ..

                      راشد : ان شاء الله ..

                      وتطلع خلود بعد ما حاسبت على اغراضها .. ويصعد راشد الدرج لانه كان ا لفت مسكر .. وبعد ما وصل الى الغرفة حس انه ما يقدر يمشي خطوه وحده .. وسقط على باب غرفته وبعد صعوبه قدرت امه تشيله وتحطه على افراشه وهي تعاتبه ليش نزل .. وهو ولا يقدر ياخذ نفس .. قال كان ودي ايب هديه يا يمه لشخص عزيز علي .. وتطلع امه والدمعه على خدها حزن على ولدها<<<يتبع
                      تحيتي
                      ورده حلوه

                        تعليق

                        • امونه الدوحه
                          مشرفة الأناقة والجمال
                          • Oct 2006
                          • 1328
                          #7
                          الرد: تكملة راشد@خلود(2)

                          يسلمووو يااحلى ورده
                          وننتظر الجديد
                          امونــــه الدوحــــــه

                            تعليق

                            • ورده حلوه
                              عضو متميز
                              • Sep 2007
                              • 507
                              #8
                              الرد: تكملة راشد@خلود(2)

                              تكملة راشد@خلود(4)
                              نبدأ
                              اليوم الثاني الساعه 10 بليل

                              راشد : ( يفتح نافذته في نفس لحظه خلود تفتح نافذتهااا...

                              خلود : راشد وينك العصر ماشفتك ؟؟

                              راشد : والله يا خلود ما قدرت اقوم من فراشي كله من التعب الي تعبته بسبت الدرج وروحت المحل..

                              خلود : انا اسفه يا راشد ..

                              راشد : لا يا صديقتي ما صار الا كل خير .. على فكره وايد عاجبني القلب مشكوره عليه ..

                              خلود : وهم الدبدوب وايد حلو نومته وياي امس حظنته على صدري .. وباقة ورد حطيته يم راسي علشان كل يوم اجدد يومي فيها ,,

                              راشد : وحتى قلب الكرستال مالك حطيته يم راسي .. بس صدق ما سئلتي روحك ليش اهديتك ورود صناعيه مو طبيعيه ؟؟

                              خلود : مو مهم صناعي ولا طبيعي المهم منك ..

                              راشد : لا مهم .. لانه طبيعي يذبل بسرعه اما صناعي يدوم ولو جاء يوم وذبل الي في قلبي لك ما يذبل وحبي لك عمره ما يذبل ,,

                              خلود : ( تسكت وتبتسم ) توك قدرت تقوله وانا هم احبك يا راشد.. وكل عام وانت بخير يا حبيب عمري ..

                              راشد : وانتي بخير يا عمري ..

                              كانت هذه ليله اسعد ليله لراشد وحس انه الدنيا صدق حلوه وصار يتغنى بما قالته له خلود ( ابتسم واضحك تره الدنيا حلوه ) ,,,

                              اليوم التالي المغرب

                              خلود : ( بصوت خفيف ) تنادي راشد راشد راشد راشد : يفتح النافذة . هلا خلود اعذريني كنت بره الغرفه ..

                              خلود : هلا بعمري شنو رايك فيني وانا متزينه ولبسه احلى ملابسي ..

                              راشد : رووعه والله .. ما شاء الله عليك ..

                              خلود : مشكوره بس انا لبسه لاني ابي اروح لي عرس بنت خالي .. وقلت اول واحد راح يشوفني هو راشد وترخص منه اني اروح .. والحين بعد ا اذنك ممكن اروح ,,,

                              راشد : طبعا لا خليك وياي ..

                              خلود : خلاص عيل ابي اغسل ويهي وسكر الباب واقعد وياك لين الفجر

                              راشد : تعالي وين رايحه اضحك وياك ..

                              خلود : راشد والله لو بغيت اني اقعد اقعد .. هو بيني وبينك القعده وياك تسوى الدنيا ومافيها ..

                              راشد : بس هذه بنت خالتك ..

                              خلود : ويعني .. انت لا تعتبر انه في احد في الدنيا احبه اكثر منك .. والله الي خلقني وخلقك اني احبك انت اكثر شخص عندي في دنيا خلود لو حطوا ميزان وزنوا حب ناس كله بعضهم ووزنوا حبي لك انت لي صار حبي هو اثقل .. انت ما تعرف شكثر احبك .. شنو اسوي علشان اثبت اني احبك

                              راشد : انك تروحين عرس بنت خالتك .. وتديرين بالك من عمرك وتقرين المعوذات قبل لا تدشين العرس .. تره عيون الناس ما ترحم يا حياتي ,,

                              خلود : ان شاء الله .. وحاضره .. وما طلبت شي .. ويالله مع السلامه .. واشوفك بليل

                              راشد : ان شاء الله بس لا تطولين علي انا راح اتم انتظرك .. ولا راح ارتاح لين اشوفك ..

                              خلود : وانا ما راح اطول الساعه 10 ان شاء الله اكون هني ..

                              راشد : ان شاء الله

                              وتروح خلود ويتم راشد ينتظرهاا امام النافذة . ولما يت ساعه 10 قالت خلود حق امها انها راح ترد ويه السايق .. لكن امها رفضت لانه خايفه ترد خلود ويه السايق بروحها في الليل .. لكن خلود اصرت وراحت بدون لا تدري امها وردت ويه السايق .. وكان راشد ينطرها عند النافذة كان يروح ويرد في كرسيه وكانت خلود لحظتها تركض على الدرج الى ان توصل الى الشقه .. لكن كان راشد مل من كثر ما انتظر وقال حق روحه كيد ما راح تي وقام بصعوبه من كرسيه علشان يطفي ليت الغرفه .. ولا خلود تدش غرفتها بسرعه وتركض الى نافذتهاا وتفتحها .. وتشوف راشد يبي يسكر الليت ..

                              خلود : راشد انا رديت ..

                              راشد : التفت بسرعه وما قدر يوزن روحه ويطيح على ارض ..

                              خلود : راشد راشد !!!

                              راشد : ( بصعوبه يقترب من الكرسي المتحرك وهو يزحف لين ما ارتكز على حافت السرير وجلس على الكرسي ) سوري بس انتي فاجئتيني ,,

                              خلود : ( وهي حاطه ايدها على قلبها .. الله ياخذك قطعت قلبي .. لحظه خلني اقعد والله احس روحي طلعت..

                              راشد : لا سلامة قلبك يا يا بعد قلبي انتي ..

                              خلود : وانا ناقصه تخرع بروحي ..

                              راشد : عسى ما شر حياتي شنو فيك..

                              خلود : يا عمري انا طلعت من العرس وامي ما تدري علشان هي كانت رافضه ردتي بروحي ويه السايق ..

                              راشد : زين ليش ما سمعتي كلام امك!!!

                              خلود : ( وهي مبتسمه ومستحيه ) اول شي انا وعدتك اني أي الساعه 10 ولا اقدر اخالف وعدي ..

                              راشد : لا والله .. قولي صدق

                              خلود :صدق صدق ..

                              راشد : أي صدق صدق

                              خلود : لاني كنت مشتاقه لك موت والله تولهت عليك ولا قدرت حسيت روحي انه الدقيقه مثل الساعه والساعه مثل السنه عنك يا حياتي .. ما ادري شنو سويت فيني خليتني احبك ,,

                              راشد : ( صامت)

                              خلود : لو في كلمه اكبر من احبك كان قلتها لك بس يا حسافه ما فيه ... راشد...!!

                              احبك من كل قلبي ويا ليت يظهر كثر حبي لك ..

                              راشد : ( ساكت )

                              خلود : راشد .. شفيك ساكت

                              راشد : خلود والله احبــــــــــــك

                              خلود : يا بعد عمر خلود والله .. فديت عمرك والله ..

                              راشد : وعمرك يا حياتي .. لحظه ابي اوريك شي .. (ويورح الي زاوية الغرفه ويجيب في ايده قفص ذهبي اللون وفيه عصفورين من عصافير الحب واحد لونه احمر والثاني لونه اخضر ) حياتي شوفي

                              خلود : الله روعه شحلاتهم ..

                              راشد : هذه امي يابته لي اليوم بعد ما طلعتي على طول ..

                              خلود : وايد حلوين يا حياتي ..

                              راشد : ولا وسميتهم بعد .. الي لونه احمر هي انتي خلود والي لونه اخضر انا راشد ..

                              خلود : يت عمري انت والله ..وان شاء الله والي جمع هذا عصفورين في قفص ذهبي .. يجمعنا في قفص حياتنا .. وتكون لي حقي بروحي واكون لك انت .. بس متى يارب ..

                              راشد : حياتي عن قريب ان شاء الله وان شاء الله بعد ما ارجع من السفر ..

                              خلود : ( تقاطعه ) أي سفر ومتى راح تسافر ..

                              راشد : هذه السفره لي لندن راح اتعالج هناك .. وصفوني دكتور هناك متخصص مثل هذه الامراض النادره .. وراح اسافر بعد اسبوع ..

                              خلود : ( تسكت وتنزل الدمعه من عينها ) راح اشتاق لك وايد ..

                              راشد : لا تبكين يا حياتي .. راح ارجع لك ان شاء الله

                              خلود : ان شاء الله ..

                              وتمشي ايام ثقال على خلود وهي تتحسف على كل لحظه تبتعد عنها عن راشد الي درجه انها ما تنام غير ساعات قليله .. وكانت طول اليوم بقرب من راشد تكلمه .. وهو يواسيها ويوعدها انه راح يرجع لها                               <<<يتبع

                                تعليق

                                • امونه الدوحه
                                  مشرفة الأناقة والجمال
                                  • Oct 2006
                                  • 1328
                                  #9
                                  الرد: تكملة راشد@خلود(2)

                                  يسلموو اختي
                                  بانتظارج حبيبتي
                                  امونـــه الدوحــه

                                    تعليق

                                    • ورده حلوه
                                      عضو متميز
                                      • Sep 2007
                                      • 507
                                      #10
                                      الرد: تكملة راشد@خلود(2)

                                      تكملة راشد@خلود(النهايه)

                                      ليلة السفر

                                      خلود : ( وهي تبكي ) راح تسافر يا راشد ...

                                      راشد : والله يعز علي نفسي اني اخليك وراح اشتاق لك وايد .. بس شنو اسوي ..

                                      خلود : بس راح اشتاق لك وايد وما ادري شنو راح يصبرني على افراقك ..

                                      راشد : شوفي اذا اشتقي لي اقري من الكتب الي عطيتك ايها .. وراح تهون عليك..

                                      خلود : والله ما يهون علي احد غير شوفتك ..

                                      راشد : يا بعد عمري ما تخافين ما راح اطول .. بس حياتي عندي طلب .. من زمان كان ودي اقولها لك بس مستحي ..

                                      خلود : يا عمري والله .. عيوني لك والله امرني !!

                                      راشد: ابي تغني لي !!

                                      خلود : يا عمري بس هادا .. شنو تبي اغني لك ..

                                      راشد : أي شي تبينه ..

                                      خلود : يا عمري .. راح اغني لك اغنيه حقت نوال .. غالي غالي ..

                                      ( وتغني ) <<


                                      غالي غالي.........

                                      خلود : راشد والله انك غالي .. علي وراح اشتاق لك وايد .. اعذرني ما اقدر اكمل .. ( وتبكي )

                                      راشد ( يغني ويحاول ان دمعته ما تنزل )

                                      غاليه غاليه لو تبعد مها يطول الصد :: شوفة خلود ساعات.......

                                      خلود : ياعمري والله .. ( ويغنونها ساعات طويله لين ما انتصف الليل .. ) ورتاحت خلود شويه .. من ( الحزن )

                                      راشد : حياتي انا اسف بس لازم انام انا الحين ,,

                                      خلود : خلاص نام الحين وانا الصبح اقومك بس خل نافذتك مفتوحه..

                                      راشد : خلاص عمري لو قدرتي الساعه 8 الصبح قوميني علشان اقعد وياك شويه وبعدين اسافر الساعه 10 الصبح لازم اكون في المطار ..

                                      خلود : يعني تقعد وياي بس ساعتين ..

                                      راشد : خلاص الساعه ست قوميني ..

                                      خلود : يا عمري خلاص راح اتم سهرانه لين الساعه 6 الصبح ..

                                      راشد : لا عمري لا لازم تنامين ..

                                      خلود : لا حياتي .. ابي اقعد اقره كتابك الي كاتبه .. واقعد اتخيل روحي انا بطلة القصه .. وحول في عقلي اني اعدل في نهايه وتكون سعيده ..

                                      راشد : اذا كذا اوكي .. يالله تصبحين على خير ..

                                      خلود : وانت من اهل الخير ..

                                      وتجلس خلود تحت االنافذة وتمسك الكتاب وتقره فيه .. لين ما نامت وهي جالسه وتقوم الساعه 9.30 على صوت العصافير الي في قفص راشد وهي مفزوعه .. وتوقف على النافذة .. ويطيح عينها على قفص عصافير وعصفور اخضر ميت وعصفوره الحمره تغرد في صوت عالي وحزين .. وترقد بقرب من عصفور الخضر .. وتصيح خلود على راشد الي متمدد على الفراش ..

                                      خلود :راشد راشد ..

                                      راشد يا حياتي رد علي ..راشد شفيك راشد يا عمري .. رد روحي وتكلم .. يا راشد ...راشد وينك .. راشد حياتي امانه رد علي .. راشد ..راشد.. ليش ساكت ما ترد علي .. شفيك ..راشد راشد راشد.. وتدخل ام راشد على صوت صراخ خلود وتحرك راشد من فراشه ولا يتحرك تحول تكلمه ما يرد عليها .. لانه قبل ساعات قليله قد طلعت روحها الطيبه من جسمه .. قبل لايسافر ويتعالج .. وتصارخ خلود وبغير شعور تسقط خلود من نافذتهاا من الدور ثالث الى ارض العماره .. وتركض امها على صوت ضراخ الى ارض عماره وتحول تشيله وتسعفها الى اقرب مستشفى ..


                                      في غرفة العناية المركزه دكتوره سمــــر : ام خلود .. الحمدالله بنتك تعدت مرحلة الخطر .. والرضوض الي فيها ممكن تتعالج وتروح مع الايام .. بس

                                      ام خلود : بس شنو يا دكتوره ..

                                      دكتوره سمـــر : بس خلود ما تقدر تمشي بعد مره هادي.. انا اسف حاولنا على قدر ما نقدر بس ما في امل تمشي على رجولها مره ثانيه ..

                                      وتجلس تبكي ام خلود على حض بنتها الي تدمرت حياتها وهي في عمر الزهور ..

                                      وبعد عدة اسابيع ترد خلود لي شقه وفي نفس اللحظه تسكر ام راشد نافذة المرحوم راشد وتعزل من الشقه .. وتدخل خلود غرفتها وتقول حق اختها و امها ان يخلونها بروحها .. وتحرك خلود كرسيها المتحرك الى نافذتها وتفتحها .. وملامح الحزن باينه عليها .. وتجلس تنظر الى نافذة راشد .. وتمسك في يدها كتابه ويدها ثانيه على خدها وتنظر الى النافذه .. تنظر الى يجي اليوم الي يفتح فيه اسير النافذه نافذتها ,,,,

                                      الــنهاية

                                        تعليق

                                        • katten
                                          عضو بارز
                                          • Dec 2005
                                          • 1341
                                          #11
                                          الرد: تكملة راشد@خلود(2)

                                          قصه رائعه بس النهايه مره كانت محزنه
                                          ربي يعطيك العافيه ..


                                          تحياتي

                                            تعليق

                                            • جمانه
                                              عضو فعال
                                              • Jan 2007
                                              • 460
                                              #12
                                              الرد: تكملة راشد@خلود(2)

                                              كل الشكر والاعجاب اختي لما تقدمه اناملكي من جميل
                                              تحياتي واحترامي
                                              اختك جمانه
                                              لا تشكو للناس جرحأ انت صاحبه
                                              لا يؤلم الجرح الا من به الم

                                                تعليق

                                                السابق template التالي

                                                مواضيع مرتبطة

                                                Collapse
                                                جاري العمل...

                                                    نحن نعالج البيانات الشخصية لمستخدمي موقعنا عبر استخدام ملفات تعريف الارتباط (الكوكيز) وتقنيات أخرى، وذلك لتقديم خدماتنا، وتخصيص الإعلانات، وتحليل نشاط الموقع. وقد نشارك بعض المعلومات الخاصة بمستخدمينا مع شركائنا في الإعلانات والتحليلات. لمزيد من التفاصيل، يُرجى الرجوع إلى سياسة الخصوصية.

                                                    بالنقر على "أوافق" أدناه، فإنك توافق على سياسة الخصوصية وعلى ممارساتنا المتعلقة بمعالجة البيانات الشخصية وملفات تعريف الارتباط كما هو موضح فيها. كما تُقرّ بأن هذا المنتدى قد يكون مُستضافًا خارج بلدك، وتوافق على جمع بياناتك وتخزينها ومعالجتها في البلد الذي يُستضاف فيه هذا المنتدى.

                                                    I Agree