معــانات امرأة مظلومـة
قصيدة لإمرأة ظلمها زوجها وعندما مرضت رماها في أحد المستشفيات وحرمها من رؤية أولادها فكانت تذكرهم في كل لحظة بالرغم من السنين الطويلة التي قضتها على فراش المرض ولم تراهم لا حول ولا قوة إلا بالله العظيم 00
تكفين يا طيـــــــور الحرار افزعيلى
ابي عن ديار الأهل منك أخبار
تكفين حومي فوقهم وارجعيلى
وإلا ان حصل لك حومه داخل الدار
تكفين حول بيوتهم دوري لى
سبعة فروخ يوم أخليهم صغار
شوفي ضناي وعودي وانكفي لي
وش لونهم يا علهم صارو كبار
قولي لهم ان أمكم له عويلي
خمسه سنين دمعها دوم مدرار
وقولي لهم إني علي طول ليلي
أنوح وليا قرب الصبح أنهار
وقولي عيوني دايم (ن) له هميلي
تبكي ليا شافت من الناس زوار
كل يوم أقول أغدي حديهم يجيني
راحت سنيني مابهم واحد(ن) زار
وأنا اللي من سبت سوات الحليلي
حالي تردت كل ماله وتنهـار
وفرقا ضناي اللي تردت بحيلي
كني على شوفتهم أصلاء على نار
ياويلي كان الله عجل رحيلي
وانا لي سنين ابي لوهي أخبار
ياعونة الله من يبي يرتكي لي
جارت علي بأمر الله كل الأقدار
تنكروا من يدخلون الدخيلي
واللي بوسط ديارهم يأمـن الجار
وانا اللي لبراق الخيال استخيلي
وقول ياعل ديرتهم للأمطار
تكفين وسط ديارهم صوتي لي
شوفي عسى لأسمي مع الناس تذكار
وقولي لمن نسيانهم يستحيلي
ياللي نسيتوها ترى الوقت دوار
ياهيه ياللي بالسما لك هديلي
ردي خبر تكفين يكفي امرار
شوفي هاك اللي نومهم في شليلي
من أذان المغرب لوقت الأسحار
شوفي هاك اللي ماتهنا في مقيلي
إلا مقيل معهم كبار وصغار
وانا يتولاني كريم(ن) جليلي
ياعلني في جنّة وسط الأبرار
آمين
تعليق