انفلونزا الخنازير, موجة الرعب, والموت الأسود
السلام عليكم ورحمة الله وبركاته
شلونكم ياغالين
اللي خلاني أنقل هالموضوع هو موجة الرعب اللي صايرة في الشعب الحين
لدرجة انه اتوقع لو يجي واحد مايدري عن انفلونزا الخنازير ويشوف الردود يحسب اللي طالع في العالم موجة جديدة للطاعون الأسود, او الـ Black Death مثل ما يسمونه الأجانب, اللي ارعب العالم فعلا لمدة 500 سنة, من عام 1348 وحتى 1800 ميلادي, وفي اول سنتين له ماتوا منه الملايين, بعض الدول الاوروبية مات من سكانها اكثر من 60% خلال اول موجة له فقط
ما ادري ليش كل هالخوف؟ شايفين نسبة الوفيات كبيرة؟ نقول 90% مثلا من اللي صابهم المرض ماتوا؟
نسبة الوفيات من المرض في العالم كله للحين ماوصلت حتى 1.5% , إيه واحد ونصف ماهو 15
عدد الإصابات تقريبا 350 ألف إصابة من بداية المرض, وإجمالي الوفيات ماوصل حتى 4 الآف وفاة
نجي للانفلونزا الموسمية, اللي تنتشر عندنا كل سنة مع موسم الحج
عدد الوفيات منها سنويا يوصل 500 ألف وفاة, في أمريكا لوحدها عدد الوفيات يوصل 40 ألف
يعني رقم ماتقدر حتى تقارنه مع عدد وفيات انفلونزا الخنازير
لكن الفرق بين الانفلونزا العادية وانفلونزا الخنازير شيء واحد فقط
هو انه انفلونزا الخنازير تنتقل بسهولة من شخص الى ثاني حتى بدون أي احتكاك بينهم يعني لو جلست مع شخص مصاب فيها تكون اصابتك شبه مؤكدة, ولكن الانفلونزا العادية ممكن تجلس مع شخص مصاب فيها بدون ماتنتقل لك
الشيء الثاني اللي ابغى اقوله هو انه هذي ماهي اول سنة ينتشر فيها فيروس انفلونزا الخنازير
في عام 1998 فيروس الانفلونزا اللي كان منتشر هو H1N1, في عام 2003 و 2005 نفس الشيء كلها كانت أغلب إصابات الانفلونزا هي بسبب هذا الفيروس, وما كانت فيه هذي البلبلة والضجة اللي حوله, بسبب انه ماكانت فيه ازمة اقتصادية, لكن حاليا مع الازمة الاقتصادية يبغون يمشون سوق شركات الأدوية
أدري راح يجيني واحد ويقول وش دليلك انه الأزمة الاقتصادية هي سبب البلبلة والضجة هذي؟
إجابته بسيطة, لأنه إنتاج اللقاح اللي يقولون انه العلاج الوحيد للانفلونزا كان محتكر لشركة واحدة فقط, ممنوع انتاجه من أي دولة او اي شركة أدوية ثانية, بعد ماشبعوا فلوس قالوا يالله خلوا العالم ينتجونه بعد
اكثر من 200 مليون عبوة من التاميفلو انباعت, سعره في أغلب المواقع بعد البحث بين 50 و 100 دولار للعبوة اللي فيها 10 حبات, خلونا نحسبها على الأقل ونقول انها كلها بـ 50 دولار, كم مكسب الشركة المنتجة له؟ احسبوها انتم
ما ودي اطول بالكلام أكثر, هذي بعض المعلومات عن الانفلونزا بشكل عام
هذا الفيروس ممكن يصيبك حتى لو تجلس في جزيرة لحالك وماتقرب من احد, لأن فيروس الانفلونزا له عدة أشكال وإصابتك بشكل محدد تعتمد على نوع الفيروس المنتشر في هذا الموسم, وتحددها عدة عوامل منها الظروف الجوية, وأشكال الفيروس هي :
النوع A وتندرج تحته عائلة كاملة او سلالة من الفيروسات هي, H1N1 ,H2N2 ,H3N2 ,H5N1 ,H7N7 ,H1N2 ,H9N2 ,H7N2 ,H7N3 ,H10N7
هذي كلها عائلة فيروس الانفلونزا النوع A
يجي بعدها النوع B وهذا عقيم, ماعنده عائلة فيروس وشكل واحد فقط
وأخيرا النوع C وهذا مثل اللي قبله عقيم, وما فيه الا شكل واحد له
وشوف الصورة هذي مقارنة بين انفلونزا الخنازير ( H1N1 ) وانفلونزا الطيور ( H5N1 )
لاحظ ميزة كل سلالة, انفلونزا الخنازير تنتشر بسهولة, ولكن نادرا يموت منها شخص وماراح يموت الا اللي عنده مشكلة اساسا في جهاز المناعة او مرض مزمن يؤثر على مناعته, لأنه لو صاب شخص بالحالة هذي تكون انفلونزا الخنازير على قولتهم القشة التي قصمت ظهر البعير
وش تسوي إذا صابتك الانفلونزا؟
انفلونزا الخنازير فيه شيء يميزها عن غيرها بعد الإصابة وهو سرعة تطور الأعراض, بعكس الأنواع الثانية اللي ممكن تجلس أيام على ما تتطور اعراضها مثلا الحرارة ماتوصل فيها 38 او 39 الا بعد يوم او يومين, لكن انفلونزا الخنازير خلال ساعات ممكن توصل الحرارة الى 39
لذلك أهم شيء اذا صابتك او صابت أحد تعرفه لا قدر الله علاج الحرارة
والرسول صلى الله عليه وسلم اعطانا علاجها : ( الحمى من فيح جهنم ، فابردوها بالماء )
وطبعا تستعمل الادوية اللي تنصرف لك من المستشفى, وما انت شايف الا العافية باذن الله
وأكثر من 80% من المصابين بالمرض يتشافون منه بدون استعمال أي ادوية
أخيرا, أتمنى انه الموضوع هذا ينهي خرافة شبح انفلونزا الخنازير عند البعض
الله يحمينا واياكم من الأمراض
منقول
شلونكم ياغالين
اللي خلاني أنقل هالموضوع هو موجة الرعب اللي صايرة في الشعب الحين
لدرجة انه اتوقع لو يجي واحد مايدري عن انفلونزا الخنازير ويشوف الردود يحسب اللي طالع في العالم موجة جديدة للطاعون الأسود, او الـ Black Death مثل ما يسمونه الأجانب, اللي ارعب العالم فعلا لمدة 500 سنة, من عام 1348 وحتى 1800 ميلادي, وفي اول سنتين له ماتوا منه الملايين, بعض الدول الاوروبية مات من سكانها اكثر من 60% خلال اول موجة له فقط
ما ادري ليش كل هالخوف؟ شايفين نسبة الوفيات كبيرة؟ نقول 90% مثلا من اللي صابهم المرض ماتوا؟
نسبة الوفيات من المرض في العالم كله للحين ماوصلت حتى 1.5% , إيه واحد ونصف ماهو 15
عدد الإصابات تقريبا 350 ألف إصابة من بداية المرض, وإجمالي الوفيات ماوصل حتى 4 الآف وفاة
نجي للانفلونزا الموسمية, اللي تنتشر عندنا كل سنة مع موسم الحج
عدد الوفيات منها سنويا يوصل 500 ألف وفاة, في أمريكا لوحدها عدد الوفيات يوصل 40 ألف
يعني رقم ماتقدر حتى تقارنه مع عدد وفيات انفلونزا الخنازير
لكن الفرق بين الانفلونزا العادية وانفلونزا الخنازير شيء واحد فقط
هو انه انفلونزا الخنازير تنتقل بسهولة من شخص الى ثاني حتى بدون أي احتكاك بينهم يعني لو جلست مع شخص مصاب فيها تكون اصابتك شبه مؤكدة, ولكن الانفلونزا العادية ممكن تجلس مع شخص مصاب فيها بدون ماتنتقل لك
الشيء الثاني اللي ابغى اقوله هو انه هذي ماهي اول سنة ينتشر فيها فيروس انفلونزا الخنازير
في عام 1998 فيروس الانفلونزا اللي كان منتشر هو H1N1, في عام 2003 و 2005 نفس الشيء كلها كانت أغلب إصابات الانفلونزا هي بسبب هذا الفيروس, وما كانت فيه هذي البلبلة والضجة اللي حوله, بسبب انه ماكانت فيه ازمة اقتصادية, لكن حاليا مع الازمة الاقتصادية يبغون يمشون سوق شركات الأدوية
أدري راح يجيني واحد ويقول وش دليلك انه الأزمة الاقتصادية هي سبب البلبلة والضجة هذي؟
إجابته بسيطة, لأنه إنتاج اللقاح اللي يقولون انه العلاج الوحيد للانفلونزا كان محتكر لشركة واحدة فقط, ممنوع انتاجه من أي دولة او اي شركة أدوية ثانية, بعد ماشبعوا فلوس قالوا يالله خلوا العالم ينتجونه بعد
اكثر من 200 مليون عبوة من التاميفلو انباعت, سعره في أغلب المواقع بعد البحث بين 50 و 100 دولار للعبوة اللي فيها 10 حبات, خلونا نحسبها على الأقل ونقول انها كلها بـ 50 دولار, كم مكسب الشركة المنتجة له؟ احسبوها انتم
ما ودي اطول بالكلام أكثر, هذي بعض المعلومات عن الانفلونزا بشكل عام
هذا الفيروس ممكن يصيبك حتى لو تجلس في جزيرة لحالك وماتقرب من احد, لأن فيروس الانفلونزا له عدة أشكال وإصابتك بشكل محدد تعتمد على نوع الفيروس المنتشر في هذا الموسم, وتحددها عدة عوامل منها الظروف الجوية, وأشكال الفيروس هي :
النوع A وتندرج تحته عائلة كاملة او سلالة من الفيروسات هي, H1N1 ,H2N2 ,H3N2 ,H5N1 ,H7N7 ,H1N2 ,H9N2 ,H7N2 ,H7N3 ,H10N7
هذي كلها عائلة فيروس الانفلونزا النوع A
يجي بعدها النوع B وهذا عقيم, ماعنده عائلة فيروس وشكل واحد فقط
وأخيرا النوع C وهذا مثل اللي قبله عقيم, وما فيه الا شكل واحد له
وشوف الصورة هذي مقارنة بين انفلونزا الخنازير ( H1N1 ) وانفلونزا الطيور ( H5N1 )
لاحظ ميزة كل سلالة, انفلونزا الخنازير تنتشر بسهولة, ولكن نادرا يموت منها شخص وماراح يموت الا اللي عنده مشكلة اساسا في جهاز المناعة او مرض مزمن يؤثر على مناعته, لأنه لو صاب شخص بالحالة هذي تكون انفلونزا الخنازير على قولتهم القشة التي قصمت ظهر البعير
وش تسوي إذا صابتك الانفلونزا؟
انفلونزا الخنازير فيه شيء يميزها عن غيرها بعد الإصابة وهو سرعة تطور الأعراض, بعكس الأنواع الثانية اللي ممكن تجلس أيام على ما تتطور اعراضها مثلا الحرارة ماتوصل فيها 38 او 39 الا بعد يوم او يومين, لكن انفلونزا الخنازير خلال ساعات ممكن توصل الحرارة الى 39
لذلك أهم شيء اذا صابتك او صابت أحد تعرفه لا قدر الله علاج الحرارة
والرسول صلى الله عليه وسلم اعطانا علاجها : ( الحمى من فيح جهنم ، فابردوها بالماء )
وطبعا تستعمل الادوية اللي تنصرف لك من المستشفى, وما انت شايف الا العافية باذن الله
وأكثر من 80% من المصابين بالمرض يتشافون منه بدون استعمال أي ادوية
أخيرا, أتمنى انه الموضوع هذا ينهي خرافة شبح انفلونزا الخنازير عند البعض
الله يحمينا واياكم من الأمراض
منقول
تعليق