مساء الخير انا ما ادري وش احكي؟ كيف اشكي من امي واخواني
بس من جد عذبونا
ابوي متوفي من فتره وترك لنا خير واحنا 4 بنات واخواني اثنين
امي تظلمنا وتاخذ فلوسنا وتعطي اخواني ويلعبون فيها ويصلحون سيراتهم ويشترون اللي يبغون واحنا لا واللي يبغى يسافر يسافر لو يطلب اي مبلغ تعطيه
والغبن انه حقنا وما نشوف منه ريال واحد واذا سالناها ليش تقول مالكم شغل انا امكم اتصرف في فلوسكم غصب عنكم ...وتسرق فلوسنا عيني عينك بالالاف... وكمان تقول لاخوانها يدورون لنا عرسان عشان تتخلص منا واحنا مو قاصرنا شيء لكن هي مريضه نفسيا واختي الكبيره تعبي راس امي وتقول لها ليش بناتك ما تزوجوا؟ واحنا اكبر وحده فينا عمرها 23
وامي تعبي راس اخوي الكبير والصغير علينا ...
واخواني كل يوم والثاني يتكلمون علينا بكلام يسم البدن ويدعون علينا وكمان امي تدعي علينا بالموت
تخيلوا واحنا والله ما سوينا لهم شيء
وحاكرينا في البيت مالنا لا روحه ولا رده حتى التلفزيون حاطين لنا سبيس تون شايفينا صغار واصغر وحده فينا عمرها 16
اخوي الكبير انسان ما يحب البنات ابدا يعني(معقد) وش الحل مع اهلي ؟؟؟؟؟؟
وحتى لو حاولنا نكلم عمي ما نقدر لان اخوي الكبير بيرجع ويذبحنا وحده وحده
الحل تكفون اكتب ودموعي على خدي احد يعطيني حل؟؟؟