انا فتاة في الـ 15 من عمري..

أعاني من مشكلة .. وهي أنني عندما أحب شخصا أيا كان بنت أو ولد ع طوول أستحي منه
يعني يوم أكون مع الي احبه استحي إيدي ترتجف و نبضات قلبي اتزيد وماقدر أطالع الي احبه في ويهه . وأتم كذا ساكتة
كلامي الي ابا اقوله ماقدر أطلعه. والله هالمشكلة معذبتني ماني قادرة استحمل عشان كذا قررت اني ما احب مرة ثانية.
وبعد أنا وايد طيبة لابعد الحدود . وما احب الناس تغلط علي احبهم يعاملوني نفس ما اعاملهم. لاني معاملتي مع الكل اووكي
يوم احد يغلط علي واسكتله ع طول يجيني بعدها ظيق في النفس . وفالمدرسة البنات يقولون عني مغرورة لاني احب ايلس بروحي مرات . احب الناس هي الي تييني ما احب اذل عمري واسير عندهم .
يوم أمشي برووحي ما احب حد يقول عني أوه كسرت خاطري البنية ماشية بروحها ما عندها ربع. بلعكس انا عندي بس
ما احب اروح عند حد . يعني هم الي يووني . وأنا مرات ماعرف ارد على الناس يعني مثلا بنية تغلط علي اسوي طاف
محد يفهمني دايمن يقولون غير الي ف داخلي.. انا ف داخلي وايد طيبة وحبوبة بس الناس دوم تفهمني غلط.
يوم مثلا اكون مابا اسوي هالشي ربيعاتي يقولون عني جبانة . وأنا أسوي طاف.
ويوم توصل حدي أظارب.
ويوم أكون ويا شلة بنات أو مجموعة ما احب اقعد بينهم وما احب ارمس . احب امشي ويا بنت او بنتين او ثلاث. اما اكثر ما احب. ودايمن احب اكون انا كل شي شخصية و انا برووحي الكل في الكل. حتى حركاتي وشكلي يقولون عني مغرورة وشايفة عمرها . مع إني غير بلعكس. وانا بثق فالكل وهاي اكبر مشكلة فيني. احس نفسي غبية مدري ليش.
واحس نفسي مرات اني اكره الكل ما احب حد ومرات العكس. وعندي بنية فالصف تعلقت فيها وايد وحبيتها من كل قلبي
حتى صرت مرات اغار عليها ما اباها تعرف حد . وهي شعبيتها واسعة ماشا الله يعني.

المهم اباكم تفيدوني. وسوري ع الاطالة.