السلام عليكم ورحمه الله وبركاته

انا حابه انكم تساعدوني وتشوفون هل انا اعاني من مرض نفسي

انا بصراحه لي شهر ونص وانا دائما افكر بالموت لكن بشكل دائم يعني 24ساعه افكر بالموت واني الحين بموت فقدت متعتي بالحياه ماعاد في شي حلو بنظري حتى اكل ماصرت اكل نفسيتي دائما مسدوده وخصوصا وقت النوم اتعب كثير خفقان وثقل برجلي والم في بطني مع تقلصات ماادري هل هذا علامات قرب اجلي ام انا موسوسه

انا راح اذكر شنو صار معاي من شهرين تقريبا

كنت مع خطيبي جالسين نتغدى وكان التلفزيون جايب برنامج عن الموت وحاطين مقاطع لاشخاص تموت وكيف تطلع منهم الروح اذكر وقتها ماقدرت اكمل اكل وقمت وجاني خفقان وخوف من الي شفته وبعدها رجعت طبيعيه

وبعدها بكم يوم جاني هالتفكير

وحلمت من 4ايام اني انا وخطيبي انقلبنا بالسياره وطلعنا سالمين وقريت انت الحادث بالحلم قرب اجل وجاني خوف موطبيعي ووحده قالت لي ان الي بيموت تجيه ضيقه ويحس قبل 40 يوم


ووالله من وقتها انا حالتي حاله خايفه واتخيل الموت كل ثانيه حتى اكل مااكل

فقدت وزني والحياه بنظري سوداء

تكفون ساعدوني انا ايش فيني

ابي اعرف هل هو مرض نفسي ولاايش

مع العلم عمري 22سنه ومخطوبه وزواجي بعد4 شهور المفروض اني اكون متحمسه لزواج حتى ماجهزت ولاحجزت شي احس اني حموت ومراح اتزوج

وبس

اتمنى انكم تتفاعلون معاي