مطازيز بالملوخية والسكر ..مع الخل ومربىالمشمش
.......................................
والله يانتم مشاء الله عليكم ...علىطول صدقتو ....فيه بالدنيا مطازيز بالملوخية والسكر ..مع الخل ومربى المشمش...؟..

أكيد لا ...بس هذا العنوان حطيته ...علشان أوصلكم الطبخة الجديدة ..لهذا اليوم ...والله يسترنا ..
إسم طبق اليوم سلطة المعكرونة بالروبيان
المقادير
1:- سمياتي <==== شغالتنا
2:- ولد سمياتي ((لتكون سمياتي في جو عائلي وراحة نفسية)).
3:- مكرونة صغيرة حلزونية ..
4:- نصف كيلو روبيان ..مقاس وسط ..مو تجيبونلي أم الروبيان .
5:- ملعقة ونصف مايونيز.قودي..((لمقاطعة المنتجات الأمريكية ..إستخدم العلالي ))..
6:- علبة جبنة كرافت ..تشدر..أم 3 ريال.((ولمقاطعة المنتجات الأمريكية ..ممكن تختارو الصقر ..أو المراعي..أم ريالين))..
7:- علبة زبادي نادك ...أم ريال واحد ...بدون فواكه ..مثل المراعي الله يحوم كبده..ولأن نكهته باينه.
8:- مكعب ونصف جبنة كيري..((ولمقاطعة المنتجات الأمريكية ..لا تستخدمون ..أي نوع ثاني. )).
9:- إصبع زبدة..زغنووون..((يعني صغير للي مايعرفون عربي.))..
10:- مكعب ماجي..((حق الدجاج ..بعد الطحن.. ))..
11:- فلفل أسود...كمون ...ملح..حبس الغبره..عفواً..قصدي حسب الرغبة. ...
============
أول شي ...نسلق المعكرونة ....وأفضل شي ...نخلي المويه تغلي ..وبعدين نحط زيت فوق وجه المويه ...وبعدين ملح ...ونسقط المعكرونة الناشفه ..فيها لمدة 7..إلى 10.....دقائق..بش..بس..
...وبعدين ...نطلع العمركونة..قصدي المكعرونة...ونحطها بمصفايه ...ونحطها بالفليزر ..فوراً..
...................
ثاني ..شي ...نجيب ...خلاط كلينكس ..((مافيه داعي للمقاطعة لأنه مو أمريكي .))
نحط بالخلاط...ملعقة ونصف زبده...وملعقة ونصف مايونيز..وعلبة التشدر الصغيرة .((بدون العلبة ..الجبن بس ..وهي المادة اللي لونها أصفرفي داخل العلبة.))..وان كانكم ماتبون الخلاط...حطو العلبة كلها..
ونصف مكعب ماجي ..((أقول نصف مكعب مو مكعب لأن العلبة فيها مكعبين انتم ووجيهكم ...يعني ربع علبة..
))..
وتحطون ..مكعب الكيري ...بالخلاط بعد..مع علبة الزبادي كاملطاً..
+ملعقة صغيرة فلفل أسود...ومهم جداً..الكمون...((نوع من البهارات لا يوجد في جيزان))..
ويشغل الخلاط تدريجياً..علشان ما ينصدم ...وممكن إضافة ماء بمقدار ..ملعقة أو إثنتيس ..إثنتين ..
مو أكثر ...حتى يتجانس الخليط...
.....................
ثالث شي..يوضع نصف كيلو الروبيان ...في مقلاة ....مع قليل جداً..من الزيت النباتي ...وملعقة سمنه...صغيره ..أو زبده لأجل النكهة..ويقلي ...لمدة 10 دقائق فقط بالمقلاة .مع نصف مكعب ماجي آخر....لأن الروبيان ..مايبيله شي ...ويصير قرصان...لا تأخرونه على النار ..والى روحو لم هرفي ..وكولو هناك ....لأنه مافيه شلطة..
...........
وبعد ذلك..نأتي بالروبيان ...والخليط...والمعكرونة ...ونحطهم في جاط كبير نسبياً...علشان نضمن تجانسهم ..
وممكن نضيف إليهم بقدونس وملح حسب الرغبة ..ونشقلبهم ..كلهم ....وبعدين ...نحطهم في صحن ..أو صحون ..بليسات بالعنجليزي..وممكن تقدم هذي الطبخة ..فاترة ...أو بارده ...حسب مزاج اللي خلفكم ..
وبالخناء ..والكافيه.. .
على قدر ماتمشي الدجاجة حافية..
قدمت لكم هذه الحلقة ...برعاية..((أبو فاس))...
الراعي الرسمي لدورة الربو الأولمبية..
بإشراف... ..
<==== سمياتي فرحانه هي ووجهها اليوم ..مافيه تقطيع بصل..
..............ها شرايكم بطبختي...........................
=============
على فكرة الطبخات هذي من تأليفي...لأني نشرتها مره في منتدى بروووق قبل أن يلقى حتفه...مو يجي واحد والا وحده ويقولي سارقهم ...
911 وان عجبتكم الطبخة ...سويتلكم ثانيه يالله خلوها تبين معكم...