جلست مع واحد من الشيبان عندنا في العمل وقعد يسولف لي عن ايام زمان والعادات الي في المجتمع في الرياض قبل 30 او 40 سنة من ضمن ماقال لي قال انه يوم كان عمره حول العشر سنين جاء رجال لابوه وضيفه الابو وقهواة وقال الرجال ترا جارنا ابومحمد استعجل في تمليك بنته على نويصر وقال الابو وراه ؟؟ قال الضيف : الظاهر انه راعي مطاعم !!!!!!!!!!!!!!!!!!!!!!
واذا شافوا واحد لابس عقال قالوا هو فلان بيعرس ؟؟

وقال لي هالشويب انه عندنا ذيك الايام مايزوجون الي ياكل في المطعم وقال بعد : اذا جاء يروح لمطعم يماني حولهم اني اتلطم وعلى باب المطعم حاطين ستارة !! علشان مايشوفهم احد واذا جا يطلع الواحد منهم يفتح اليماني الباب ويشيك على الطريق ثم يعطيه الامان ( كن الواحد جالس في خمارة !!)

ومن ضمن ماقال لي انه ذيك الايام توه طالعة عندهم حلاقة التواليت ( عريف في علو الراس ) ولا يحلقه الا شويين الي يتيم ماعنده ابو والا الي ضغط على ابوه وكانت تجيهم مجلات لبنانية من ضمنها مجلة الجمهور وكان فيها طبعا دعايات ومن ضمن هالدعايات فيه واحدة لصابون لوكس توه نازل ومكتوب في دعايتها صابون لوكس للتواليت !!
ربعنا .. هالقراوى كل واحد محلق تواليت قام يشتري منه ويغسل به راسه

-------------
وين شيبانا يشوفون اليوم وش الي صار في هالمجتمع من تغيرات جذرية !!!!!!