العريس اسمه مناحي
بسم الله الرحمن الرحيم
هل تعتقدي ان اسم العريس له علاقة بنجاح الزواج اوفشله لاقدر الله إليكم هذه القصة الطريفة نقلتها لكم من احدى المنتديات .
مناحــي !!
ـــــــــــــــــــــــــــــــــ
جاني عريس علم وادب.. جاه ومنصب
مال وجمال..لله الكمال
نظرة عيونه اسرتني
وبسهام الحب رمتني
قلت خلااااااص.!! هذا هو المطلوب
رجال كامل مكمّل ومن كل البنات مرغوب
قالوا مهرها غالي
لكن عيونها وساع وسود
قال عريسنا عز الطلب!!
انا قدها وقدود !!
وجا اليوم الموعود.. يوم الشبكة والدبل
ماصدقت البنية .. مسكينة حبته ..
لين عودها ذبل!!
بس لاتنسون ..هو رجال بزنس
يعني دووووم مشغووول
يالله( ذبول) ادخلي لـ (مناحي) تراه مستعجل
وعنده موعد مع ناس من بلاد الغول !!
لحظة.. لحظة !!
منو مناحي؟؟؟؟؟
ياخوي انت نايم ولا صاحي ؟!
الا بجد وش اسم العريس؟ ((توها تفكر تسأل))
اخوي مهند : اسمه (مناحي)
بس وش عليك باسمه..ترى مايعيب الرجال الا (جيبه) و(اخلاقه)
وش هالكلام انا ماهمني جيبه واخلاقه
وش بيقولون عني الناس ؟!
حرم السيّد مناحي ؟!!!
لالا والف لا.. ماابيه خلاص رجعت بكلامي
وطارت مهب الريح وردية احلامي
بجلس في بيتنا اندب حظي واوهامي
وجلست لوحدي بغرفتي
اهون على نفسي مصيبتي
اتخيله عريس سعودي بس امه لبنانية!!
عشان كذا اسمه مناحي
اهله مقتنعين بالامور الوسطية !
ابوه كان يبي يسميه (نقول مشاري)
وامه كانت بتسميه منيح يعني وسيم باللبناني
وهانت عليا صدمتي شويا
واتخيلته بعيون خضرا أو عسليه !!
وبيصيروا عيالنا شقر وبشرتهم حنطية
يمكن بصيفية لبنان تصير (برونزية)!!
سكت وقلت في نفسي لحظة !!
توني شايفة امه..
تصلح له شماغه وكمّه
وعقاله المايل شويا !!
كنّي سمعتهم ينادونها (هيلة)
وحسب ثقافتي اللبنانية عندهم الحريم مايلبسون (الشيلة)
أي مشاري ..واي منيح
بس لو يتغير اسمه ولا انا ماراح استريح
قلبي ماطاوعني وش ذنبهم عيالي
يوم ينقال لولدي (بدر) يابو مناحي
ومن ذاك اليوم وانا اتعلمت درس
ولكل البنات بعلمه
وكل ماجاني معرس اسأل عن اسمه
قبل ادبه وعلمه
لكن للاسف ماصار نصيب
وكان املي دايم يخيب
ومن بعدك يامناحي ماعاد لي حبيب
ياحبيبي يامناحي
تعليق