مساعد:استفسارات عن جهازstar sat SR-X200Cl Plus
بسم الله الرحمن الرحيم
حبيت استفسر من الخبراء لاني الخبره والمعرفه عندي صفر من 100 وطبعاً الاسئله بالكيلو!!!
بعض المعلومات عن الرسيفر:
الرسيفر من نوع ستار سات موديل: star sat SR-X200Cl Plus.
برنامج التشغيل: الموديل ID : E224
نسخة ال H/W : 7.00
نسخة ال S/W : 12.71.4
الرسيفر فيه فتحه من قدام بي مافيه حديده.
*طبعاً ماغيرت فيه اي شيء من يوم شريته, وهو الرجال يشهد له مايقصر يفتح بعض القنوات المشفره بس الايام هذي مادري وش جاه قصر علينا بالملتي فيجن ماعاد يطلعها.
الاسئله:
1- من وين اجيب الشفرات الجديده وكيف طريقة تنزيلها؟ انا قريت في بعض المواضيع انها تجي مع السوفت وير؟
2- هل نوع الرسيفرات اللي تفتح القنوات المشفره بدون كرت او حديده هي اللي يسمزنها سوفت كام softcam؟
3- انا ودي اشترك بالشوتايم سواء بطريقه شرعيه او غير شرعيه بس ودي اعرف كيف طريقة ((الغير شرعيه)) اذا كان فيه طريقه؟
4- اذا كان مافيه غير الطريقه الشرعيه وش نسوي مالك الا خشمك ولو هو عوج ((حركات شياب)) بس المشكله ان ماعندي الحديده حقت فك التشفير وهنا نجي ((لمربط الفرس)) وش احسن نوع بنظر الخبراء لاني حسب عرفي انه فيه شي اسمه ماتركس وبعد دراجون وغيرها بس ماعرف الفرق وايهم احسن؟
5- ابغى معلومات عن الحديده من وين اجيبها في الرياض وبكم اسعارها التقريبيه؟
وفي النهايه والله شكل بعضكم يقول مابغى يخلص بس اسف على طول وكثر الاسئله بس مالنا الا انتم جعلكم ذخر, اتمنا انكم تفيدوني واكون لكم من الشاكرين.
تسلمي يامشرفنا الغالي وعلى سرعة ردك
تعليق