سلك التطوير أسمه RS232

أخوي المحلات التي تبيع السلك يعرفونه بأسم لاب لينك.
وفي الشرقيه موجود عند محلات مستلزمات الحاسب وليس عند محلات بيع الحاسب.
لو كنت من أهل الرياض كنت بافيدك أكثر، لكن جرب تسأل عنه بهذا المسمى و أنشاء الله تلقاه.
السلك متوفر في الخبر بكثره.

أزيدك معلومه أخرى

سعر السلك لايتعدى 25 ريال

بسيطه

السلام عليكم
مرحبا اخوي ولد الرياض
الحل انك تدور كيبل مثل اللي يستخدم مع السمارت ماوس بس يكون من الطرفين انثى
ويسمونه في المحلات سريال كيبل او كيبل ماوس ويباع تقريبا بعشرين ريال او خمس وعشرين
واذا لقيته واكيد راح تلقاه خذ الكيبل وقصه مع النص وسوله تعريه مع الطرفين اللي قصيتهم
يعني تشيل الغلاف البلاستيكي اللي عليه من الطرفين في حدود خمسه سانتي
بعد كذا قص جميع الاسلاك من كلا الطرفين شلهن مره وحده ماعدا الاخضر و الاحمر و البرتقالي
وارجع اشبك الاخضر مع الاخضر والاحمر مع البرتقالي والبرتقالي مع الاحمر يعني
5-- مع -- 5 اللي هو الاخضر يعني اشبكه زي ماهو كأنك ماقصيته
و2 -- مع --3 الي هو البرتقالي مع الاحمر
و 3-- مع -- 2 الي هو الاحمر مع البرتقالي
ولف على كل واحد تيب يعني بالعاميه < شطرطون > علشان مايتلامسون
وبكذا نكون انتهينا من الكيبل اللي تدور عليه.
وطور على كيفك .
تحياتي

مشكور

مشكور والله للجميع والله يعطيكم الف مليون عافيه با التوفيق يا شباب