يا شباب يا خبراء الساتالايت .. انا عندي دش ثابت ومركب عليه دايزك لاني عندي نايل سات وعرب سات وبس .. ومن فترة سمعت ان ال ART مفتوحة على الهوت بيرد قمت جبت LNB ثالث من نوع C-Band وجيت اركبه في مكانه اللي انا عارف انه يلقط الهوت بيرد ما جاب اي شي .. ( انا عارف مكان الهوت بيرد لان الراجل لما جه يركب لي الدش في اول مرة قام ظبط الطبق وهو بقطر 180 على الهوت بيرد واضعا LNB واحدة في بؤرة الطبق وظبط على الهوت بيرد حتى قالي افرجك امكانيات جهازك اللي هو استرا بدون كامات من النوع اللي بينزل له سوفت وير يفك شفرات على الهوت بيرد وقام الراجل مشغل الهوت بيرد وفتح قنوات مشفرة .. وبعدين قام رابط الطبق في مكانه تمام وهو على الهوت بيرد وفك ال LNB اللي ركبه في المنتصف وحط واحد على اليمين والتاني على الشمال من موقع الهوت بيرد ووجهم ناحية النايل سات والعرب سات ) وبعدين انا قلت لنفسي اني لو جبت LNB وحطيته في بؤرة الطبق مظبوط اكيد راح يلقط الاوروبي بدون اي مشاكل في التوجيه والظبط .. ولكن لم يحصل ما كنت اتوقعه ابدا وما ظهر لي اي شي ومش عارف اضبطه ابدا ... يا ريت تدلوني اعمل اية واتصرف ازاي وهل نوع ال LNB اللي انا جبته دة ما ينفع يلقط الاوروبي ولا اية ولا فين العيب وكيف اضبطه .. وهل يا ترى العيب اني مش عارف اضبط الريسيفر من تحت ولا اية بالضبط .. يا ريت من الخبراء افادتي بالمراحل من اولها لاخرها الي ان يجيب صورة وصوت من اول ما ابدا لحد ما القط الصورة والصوت؟؟ ولكم مني جزيل الشكر والتقدير على مجهوداتكم الجبارة في رفع اسم المنتدى العبقري عاليا