السلام عليكم اعزائي اعضاء المنتدى ....
اود اطلاعكم على تجربتي المتواضعة والمبتدئة في مجال القنوات الفضائية ، لتستفيدوا وتفيدوني .. ان شاء الله .
انا اشتريت كارت ريسيفر ديجيتال للكمبيوتر بدون كامة ( VisionPlus VP-1020) وقمت بتركيبها في الكمبيوتر وقمت بتعريفها وانزال مجموعة البرامج الخاصة بها على جهازي (Windows XP) وقمت بتوصيلها عن طريق الكابل بوحدة الـ LNB Universal المثبتة في طبق قطرة 100سم وقمت بتوجيه الطبق على قمر النايل سات .
وكانت سعادتي عندما استقبلت كل القنوات المجانية طبعاً بغاية الجمال والنقاء وصفاء الصورة والصوت ناهيكم عن المميزات الموجودة مع الكارتة من Time Shifting و .....
لكن كانت مشكلتي الأساسية هي استقبال القنوات المشفرة !!!!!!!!!
للوهلة الأولى ، ممكن ان يقول لي اي شخص .... ياعم روح اشتري كارتة ثانية بتدعم استخدام الكامة وخلص نفسك ....
لكن اللي انا عاوز اوصل له هو ، الكامات دي عبارة عن حل مادي (Hardware Solution) ... طب ليه ما انا استفيد من ان الريسيفر عبارة عن كارتة في الكمبيوتر وممكن اتعامل معاها من خلال البرامج (Software Solution) !!!!!!
ومن هنا بدأت ابحث في النت لحد ما توصلت لبرنامج فيه امكانية اضافة شفرات الكامات فيقوم بفتح القنوات المشفرة ... لكنني لسه باجربة ... ولاني باشتغل على النايل سات وانتم عارفين ان شفرته فكها كان مستحيل بس انا سامع انه خلاص تم كسرها .....

انا اسف على الإطالة بالذات لان دي اول مشاركة ليه لكن انا حابقى اقول لكم ايه اللي حيحصل معاية اول بأول وياريت برضة ما تحرمونيش من تجاربكم وخبراتكم