السلام عليكم
هذي اول مشاركة لي
واتمنى ان اكون خفيف عليكم

السؤال هو

عندي سيدي رايتر من نوع اتش بي9100
HP CD-Writer Plus 9110i
8x Write
4x ReWrite
32x Read
طبعاً داخلي
الويندز عندي 98عربي انجليزي
ومكتوب على الكرتون يشتغل على الويندز 98


مشكلة هي انه ما يقبل ينسخ الا سيديات من نوع اتش بي ولا كوداك
وغيرهم يخلف الله وكل مرة احاول اجرب ما يرضا ينسخلي لا برامج
ولا مجلدات ولا ملفات صوتية

والمشكلة الثانية اني بعد ما ادخل سيدي جديد من اي نوع
غير الكوداد والاتش بي وابغى انسخ عليه برامج موجوده على الجهاز
عشان انقلهم للجهاز الثاني يحمل البرامج عادي وزي الحلاوة بس
اذا جيت اشغله على الجهاز الثاني او الجهاز الى اشتغل عليه
بس انقله من السيدي رايتر الى السيدي روم ما يرضى يشتغل ويعطني
رسالة يقول تاكد من وجود القرص والقرص موجود فيه بس مدري وش فيه

ورحت للمحل الي شريته منه وقال انت ما عرفت السيدي على الجهاز قلنا عرفوه لنا
ويشتغل عليه واحد فلبيني عندهم وقعد عنده الجهاز من بعد صلاة العصر
الى الساعة تسعة باليل وجيتة قلتها وش سويت يا صديق قل جهازك مليان برامج
وممكن تكون منه المشكلة بس ما ادري هل له علاقة ولالا الله أعلم
ويقول ها الفلبيني ان السيدي رايتر الاتش بي ما يقبل اي سيدي
لازم سيدي اتش بي ولا كوداد وانت تعلمون أسعارهم غالية شوي
مقارنة مع السيديات الاخر الوكاد يا طويل العمر كانك يا بو زيد ما غزيت
ها الفلبيني شكلة ما يدري وينهي مفتره ما يعرف الظاهر الا يفرمت الجهاز
لاني دخلت عند بقسم الصيانة وكل الاجهزة الي عنده يا قاعد يفرمت الجهاز
ولا يركب الويندز ولا ينزل الاوفس اخذت الجهاز ورحنا للبيت

جبت نوع جديد اسمة سوني عطانياه واحد من اخوياي وقال جرب عليهم
لعله تنفع ونفس المشكلة


وجربت عليه عدة برامج لنسخ الاسطوانات مثل
CloneCD
Nero

فا ما ادري من وين المشكلة ووين حلها
ام جميع السديات من نوع اتش بي تكون نفس المشكلة
ولا السيدي الي عندي خربان
ولا وش رايكم عطونى الحل يا جماعة
قبل ينتهي الضمان

وتقبلو تحياتي