الرد: ارجو من اصحاب الخبرة مساعدتي لقد سرق بريدي

هذا شيء والله يحزنني ، كما أحزنك لكن لاحول ولاقوة الابالله وأن شاء يرجع لك

الرد: ارجو من اصحاب الخبرة مساعدتي لقد سرق بريدي

والله الحال من بعضو انا اميلي انباق وصارلي 5 اسنين مو عارف ارده يلله الله الكريم انشالله

الرد: ارجو من اصحاب الخبرة مساعدتي لقد سرق بريدي

من خلال خبرتى لا يتم الإستيلاء على البريد إلا من شخص يعرفك بحيث يدخل ويختار Forget password ثم يجيب على مفتاح السؤال الخاص بعد التخمين وليست هناك وسيله أخرى على الإطلاق

الرد: ارجو من اصحاب الخبرة مساعدتي لقد سرق بريدي

رغم انى لا احب ان اتحدث فى هذة النقطه الا انى شبه مضطر الان لانى لا استخدم هذة الاساليب الا فى حاله لا أود ذكرها لان من يحاول ان يسرق ايميلى فلن اسكت له فانا ساجعلها حربا عليه المهم بالنسبه لاخواننا الذين سرقت ايميلاتهم لقد سرقت باحد هذة الطرق :
1 - وأحذر الجميع منها وهى الولوج لماسنجر الياهو او MSN والدخول مع وضع علامه صح امام الاختيار Remember me طبعا لو فى هاكر حريف طبعا السوفت وير اللى بيشتغل بيه منور جهازة بمعنى انه عنده برنامج كاشف النجوم او Stars Recoveries برنامج مساحته حوالى 100 كيلو بايت كل اللى بيعمله انه بيعمل Sign out وطبعا كلمه السر بتظهر نجوم مع ID الكريمه بتاعه سيادتك وبيفتح برنامج كاشف النجوم ويبدأ مهمته وفورا يدخل على الايميل ويغير كلمه السر والسؤال ..او Sorry " لو هو هاكر صايع و فاهم " بيسيب الوضع زى ما هو عليه بس بيعمل حاجه اسمها تتبع للبريد دى برده ببرامج هاكرز المهم هو كمان بيدخل كل يوم على ايميلك ويبدا يتابع نشاطك ونوع الرسائل اللى بتوصلك ويا سعده و هناه لو انك بتتعامل مع بنوك يبدا يشتغل عليك ...ولكن فى نقطه بس دى من سوء حظه بس مش سوء حظة اوى ازاى ؟!!! لو انه يفكر يدخل على الماسنجر و تصادف انك انت فاتحه تبدا رساله تظهر ليكو انتوا لاتنين تقول ان انتوا الاتنين اتعملكو Sign out لانكم دخلتم بنفس ال ID المهم هو فورا يفهم انك على النت ويبدأ يزاولك او يلعب معاك ازاى ؟ يعمل ايميل جديد بس بأسم سيده ويبدا يدور عليك فى الرومز Rooms وتحاول تحتك بيك اقصد يبدأ يحتك بيك وكانه يحاول التعرف عليك ثم يضيفك وتضيفه ويقدر يعرف طبع انك عندك ايميل تانى ولا لأه وهكذا..دى الطريقه الاولى

الطريقه التانيه :
انك توكن دخلت على موقع (......) او موقع هاكرز وكتبت ايميلك فيه يبقى انت كدا خسرت كتير لانك سبت لايميل بتاعك فى مكان مش أمن ولو كان موقع هاكر قول على ايميلك يا رحمن يا رحيم دا طبعا بعد ان تم تنزيل التروجان المخفى على الجهاز حيث تبدأ شغلها على جهازك وبعد ما تطفى الجهاز وتنام تبدأ الورديه الليليه مهمتها وتقتلع كلمات السر من جذورها ولما سيادتك تصحى وتوصل النت يبدا البصاصين عملهم ويرسلوا البيانات للاستاذ اللى برمج التروجان ..

الطريقه الثالثه :
الجروبات او المجموعات على الياهوا و MSN خد بالك اوى منهم وحاول الا تنضم لاى نشاط معاهم او بمعنى اصح اختار الجروب الصح والسهل وابتعد عن الجروبات اياها

الطريقه الرابعه :
لو انت بتستخدم نت كافيه او سايبر
ان صاحب السايبر ده محتاج يتسلى برده ويبدا شغله بمجرد دخوله طبعا انت مش حتكتشف انه مظبط الجهاز يعنى منصب البرامج اللى محتاجها للتهكير على زبائنه ويبدو عليه انه مرحب وكريم وبمجرد انك تقوم من على الجهاز يقولك نورتنا ونتمنى انك تكون زبوننا ..بس دا طبعا مش حال كل سايبر بس لو دخلت سايبر ولقيت فيه شباب خلى بالك شويه او اتنين و خصوصا وانت بتتعامل مع المسنجرات ...وخصوصا الماسنجرات ..وخصوصا MSN و برجاء متابعه موضوع احترسوا من Messanger MSN 8 Beta ..لانه لسه ما نزلش اصلا واللى نزيله يشيله فورا ويلحق يغير كلمه السر
انا اقصد انه مظبط برامجه يعنى برامج الهاكرز بتسجل كل كلمه انت بتكتبها دا بالنسبه لو انت فى سايبر وطبعا لو جهازك مصاب وتوضع فى ملف TXT للاستاذ صاحب السايبر ويبدأ يتسلى

ممكن واحد يسالنى طيب ليه بيسرقوا الايميلات :
طبعا لانه من المفروض انك انت شخص موثوق فيه من قبل رواد الشبكه و مستخدميها ..اما من منظر ايميلك مثلا DR_Mohamed او HRmanager وهكذا فيقدر الهاكر بعد كدا جلب زبائن آخرين مهمين من طرفك لانهم طبعا واثقين من ان الرساله اللى وصلت لهم منك آمنه دا غير أعمال انصب

أرجوا ان تسامحونى لانى لم اذكر كل الطرق او الحلول بعد ولكن ان شاء الله قريبا لانى اكتب هذا الموضوع وانا فى العمل والساعه الان 5:05 صباحا
بقى ان انبه الى ان مشتركى DSL أكثر عرضه للتهكير حيث ان IP ثابت لا يتغير ..
انتظروا المزيد