بسم الله الرحمن الرحيم
بالنسبة لافضل mother board على الاطلاق هي كالتالي حسب الترتيب
1- space walker غير متوفرة في الاسواق يعني لازم يكون في احد تعرفة مسافر يجيبها لك من الخارج وسعرها يبدا من 950 ريال وانت طالع حسب المميزات.
2-super micron متوفرة في بعض المحلات الكبيرة وهي واللة ممتازه وانا اشتغلت عليها بنفسي وما يحتاج اسعارها تبدا من 700 ريال.
3- intel تعتبر ممتازه بالمقارنة بسعرها وهي متوفرة في الاسواق واسعارها تبدا من 500 ريال
4- giga byte تعتبر ارخص ماركة موجوده في الاسواق وهي نفس اللي راكبة في جهازي وتعمل معايا ممتاز لاكن فيها بعض العيوب واهم عيب انها ما تتحمل اجهزة قوية ,,,يعني
لو معاك كرت شاشة قوي مثل الفودو 64 وكرت صوت كرييتف لايف والرام 256 والهارد دسك فوق الثلاثين جيجا و و و و و تلاقيها تعلق معاك احيانا.
ارجوا اني اكون وفيت وسامحنا على التقصير
اخوك daijavoux7

اخوي daijavoux7 كيف تعرف المواصفات الي ممكن تتحملها المذر بورد
وحبيت اسئلك انا عندي مذر بورد +GIGABYTE GA-BX2000

وكرت شاشة ATI 128 MB

على ان الرام حقت الكرت 128 الا ان الأشكال الصغيرة تطلع شخابيط
واذا جيت اعيد التشغيل او ايقاف التشغيل ما يطفا الجهاز
ويوم غيرت الكرت ظبط الجهاز تتوقع من المذر بورد المشكلة ولا من الكرت نفسة
وهل تطوير البيوس حقت المذر بورد لها دخل في زيادة امكانيات المذر بورد ولا لا

اخ شكراً على التجوب كما ارجو افادتيعن افضل كرت صوت وكارت شاشة يعن اذا ممكن تعطيني مواصفات كمبيوتر ممتاز بمعالج بانتيوم 4 بسرعة 1700 ميغابايت بدون شاشة في حدود ((3500 ريال )) اكون شاكر لك مع شكري على الاجابة على السؤال السابق

اخ daijavoux7 شكراً على التجوب كما ارجو افادتيعن افضل كرت صوت وكارت شاشة يعن اذا ممكن تعطيني مواصفات كمبيوتر ممتاز بمعالج بانتيوم 4 بسرعة 1700 ميغابايت بدون شاشة في حدود ((3500 ريال )) اكون شاكر لك مع شكري على الاجابة على السؤال السابق

السلام عليكم

واللة يا شباب تروا ما عندي خلفية عن الكمبيوتر مثل ما تظنون المسئلة وما فيها اني يمكن اكون اكثر انسان في العالم يغير قطع لجهازه بمعدل 3 شهور لازم تصير عندي مشكلة,,,وهكذا حتى لميت معلومات بسيطه وانشاء اللة اقدر اخدمكم

بالنسبة للاخ مهيب
احب اقول لك ان كرت الشاشة عندك يعتبر واحد من افضل الكروت,,بس هل الكرت عندك ati wonder pro ولا العادي الفرق بينهم واضح الوندر برو سعره تقريبا 700 ريال.
اول شي بالنسبة للكرت اللي معاك لازم تكون ال mother board سرعتها 133 مو 100
والمشكلة نفسها واللة حصلت معايا ويوم غيرت الكرت راحت المشاكل وعطيت الكرت لخويي يجربة في جهازة يقول ولا في اروع من كذا كرت,,غيرت المذر بورد بجيجا بايت 133 وماني عارف رقم موديلها صراحة لاكن سعرها كان 380 ريال واشتغل الكرت 100%.
اما البيوس فلا تلعب فية ولاتسمع كلام اللي يقول لك يغير من اداء الكمبيوتر واللة انه ما يسوي شي..وحكاية تغيير البيوس تستخدم في حالة وحدة بس اللي انا اعرفها وهي عند اصابة الكمبيوتر بفيروس تشيرنوبل...الله يبعدنا عنه.
ارجوا اخي مهيب اني اكون افدتك لاكن ارجوا منك ان تتاكد برضة من هذي المعلومات وزي ما قلت لك انا ماني خبير كمبيوتر بس مجرد معلومات.

اما انت اخوي hmh
اخي اهم شي في الجهاز البروسيسر لازم يكون اصلي يعني انتل,,وثاني شي كرت الشاشة اذا تبغى نصيحتي ,,بس لازم تكون قروشك شوي زايدة خذ كرت شاشة voodoo64 سعرة حوالي 900 ريال لاكن واللة لعاد تفكر بعدها في شي اسمة العاب ما تشتغل افلام تقطع يكفي انه الكرت الوحيد اللي جاي معاه مبرد المونينو على الاي سي...ثالث شي الرام حاول انها ما تقل عن 128 ويكون نوع الرام سوبر مايكرو,,,,كرت الصوت الكرييتف فايبرا 128 انا اشوفة ممتاز وعملي ومافيه اي مشاكل وسعره كمان حلو 90 ريال,,,في انواع افضل لاكن لكرت الصوت لاتعطي اهتمام كبير لانة مالة علاقه بسرعة او اداء الجهاز.

اسف اخواني لاطالتي عليكم بالرسالة وارجوا السماح اذا كانت في معلومه غير صحيحه.ونحن في خدمتكم.
اخوكم daijavoux7

مشكور اخوي daijavoux7

الله يعطيك العافية على الأجابة بس فية استفسار بسيط
الكرت عادي ماهو البرو هذا الشي الأول
الثاني انت تقول سرعة المذر بورد 133
المذر بورد الي عندي تقبل 100 وتقبل 133 لاكن CPU BUS100
والرامات BUS100

وعلى حد علمي اذا كان المعالج والرامات BUS 100 ماتقدر تضبط المذر بورد على BUS 133

ما ادري وش رايك اغير الرامات والمعالج ولا اغير الكرت وهل يوجد كرت فيديو ممتاز مثل
ATI ALL IN WONDER يعمل على BUS 100
ارجو اني ماطولت عليك وشكرا

السلام عليكم ورحمة اللة وبركاتة
الاخ مهيب
هذا الكلام اللي انت تقولة مضبوط 100% ما تقدر تركب الا bus100 وانا من رايي انه مادام الجهاز شغال معك اخر حلاوه فما له لزوم التغيير لانها تكلفك كثير.
اذا تبغى تغير المعالج (مع اني اشوف مالة داعي الان لان الاسعار مرتفعة في هذي اليومين)
فانصحك تغير انتل وتاخذ شي يكون سرعتة عالية بس لازم تتاكد اول من اقصى سرعة تتحملها المذر بورد للمعالج وبتلاقي هذي المعلومات في الكتيب المرفق مع المذر بورد.
بالنسبة لكرت ATI ALL IN WONDER كرت جبار وما عليه كلام ومواصفاته ممتازه
وجاهز بمداخل ومخارج يعني ماشاء الله عليه تمام.لاكن فيه عيب واحد انا عن نفسي ما ناسبني ولهذا السبب ما اشتريته والعيب هو انه ما يشغل الالعاب اللي تعمل بنظام 3d accelerato
مو 3d ترى في فرق بينهم.واذا كان هذا السبب ما يهمك فالله يبارك لك فيه وخذه.
اما اذا تهمك هذي الميزه فخذ كرت الفودو.لاكن عيبة انة مافية مداخل ومخارج.وهذا العيب انا ما يهمني بصراحة.
والمعذره على الاطاله.