إحترس لنفسك !!النصب أصبح موضه علىالنت
احترس فقد تفقد على الاقل أيميلك الشخصي أو على الاقل مبلغ 5000 دولار
تكثر بكثره فى بريد الياهو..لا تجعل العروض و المقالات تغريك / تغريكي
...
طريقه نصب رقم 1 :
طبعا طريقه النصب المشهوره و المعتاده من قارتي قاره أفريقيا..مثلا واحد نيجيري او واحده
نيجيريه و المفروض انهم محترمين و يعملوا بوظائف بمراكز حساسه..مثلا مدير بنك إقليمي ...صراف ببنك فيدرالي..والقصه انه فى واحد مات و ترك ثروه أى رقم و الى ما شاء الله من أصفار على يمينه و بالدولار الامريكي وطبعا حتروح للحكومه لانه صاحب الفلوس دي ملوش ورثه و عايزين يخرجوها بره البلد ( نيجيريا يعني ) بس مطلوب مبلغ لتمريره الى بنوك سويسرا وهذا المبلغ قدره 5000 دولار فما طالع..المفروض انك تبعته علشان يمرروا المبلغ و نصيبك ممكن تقول من ربع المبلغ اللي هو مليارات الى النصف ..و يبعتلك كل التفاصيل ( كلها طبعا مضروبه - أصلى انت مش خلاص شيخ بلد وعارف نيجيريا شارع شارع ) الحاجه الوحيده الصحيحه هي حساب البنك اللى حترسل له الفلوس..طبعا دا بيخص النصاب / النصابه دي..

ده نصب رقم 1 وعلى مستوى العالم
طريقه النصب رقم 2 :
دي بقى باللغه العربيه بس نصبه نصبه..لانها مقنعه 100 * 100 ازاي ان موقع ياهو يقولك انه فى شخص اشتري موقع و يهديك موقع هديه للمتابعه تابع الرابط بالاسفل ..طبعا انت لو متقدم شويه مش محترف فى الحاسب الالى و الانترنت ووقفت على الرابط و نظرت الى شريط الحاله Status Bar
حتلاقى ان الرابط لسه داخل الياهوا يعني مفيش مشكله انت لغايه دلوقتي فى امان ..مجرد ما تتابع تلاقى ان الياهو بيقولك بس المره دي بالانجليزيه انك على وشك دخول منطقه تتطلب تسجيلك فى الياهو..لو لاحظت انك خارج من الرساله لصفحه لسه فى الياهو..يعني تسجيلك لسه نشط..حضرتك حتكتب اسم الدخول و كلمه السر وانت مطمن ما اصل انت لسه فى منطقه الياهو..تحمل صفحه جديد بمجرد الضغط علىزر Sign in بس نفس الصفحه بتطلب منك تاكيد الدخول بكتابه اسم الدخول وكلمه السر طبعا حتعمل كده بس عايزك تبص تحت فى شريط الحاله ..
مثلا ( رابط لا يعمل ..مجرد مثال )

لاحظ اخر الرابط DistroyPassword.ASPX يعني تدمير كلمه السر وتغيير و تركيب كلمه سر جديده ..طبعا بعد الصفحه دي انصحك بعمل ايميل جديد لان ايميلك اتسرق

طريقه رقم 3 انجليزي :
Product Shipment Confirmation
تاكيد شحن الطلبيه و باسمك وبياناتك
طبعا انت حتطمع لان دا موضوع الرساله أما الرساله فبها ما يثير لعابك عليه فبها منتجات تقدر بالاف الدولارات ...وكل المطلوب هو تاكيد شحن الطلبيه من خلال الضغط على الرابط
طبعا الرابط ( قتل و تغيير ) كلمه السر ....ممكن ابقى اعرض لكم شكل الطلبيه..هي فعلا شكلها مغري..بنفس الترتيب بس مش بتظهر كده فى الايميل لا على شكل فاتوره منسقه المنتج و العدد و سعره و الدفع تم ازاي..الخ
Payed List: No. Item Description
1. Seimens Dehumidifier
2. Cruisinart Food Processor
3. Hoover Upright Vacuum Cleaner
4. Sony Camcorder
5. Whirlpool Washer and Dryer
7. Paretti Diamond Jewelry Collection
8. Black and Decker, Toaster Oven
9. Sony Watchman
10. Pocket Colour TV
11. Canon 35mm Camera
12. Sharp Microwave
13. Braun Coffeemaker
14. Ruby and Opal 24K Gold Necklace
15. Bosch Dishwasher
16. Compaq Personal Computer
17. Grunding World Band Radio
18. Sanyo Compact Disc Player
19. Sterling Silver Tea Set
20. 61" Sony Big Screen TV
21. Sharp microwave

دا مثال للاجهزه اللى انت المفروض اشترتها ( المفروض وصلت غلط على ايميك و المفروض ان اللى اشتراها غلط وحط ايميلك بعد ما دفع ثمنها ) دا كله لمجرد سرقه الايميل..

ظنونهم جميعا تكمن فى ان ايميلك مميز شويه ممكن تطلع شخصيه مهمه او مدير بنك او او الى اخره

والله الموفق
قريبا دروس فى الياهو ..