نقل هذا الموضوع من(فبراير)

بدأت معي القصة معي لما استبدل اخوي الجهاز حقي رهيب2000 مع جهازه العنيد3310.عشام يبي( يرز) فيه يوم الجمعة في الراشد.الكل يعرف الواحد يحب (يزعط) في الراشد بكل شيئ جديد.
المهم لفت نظري لماركبت الشريحة في الجهاز. أن الاسماء عندي في العنيد طلعت بالعربي.
شدعوة شلون طلعت بالعربي ؟؟؟
والله غريبة الجهاز مايكتب عربي؟
وبعد ما بلهت شوي تذكرت ان عندي شيئ اسمه لوقومانجر اللي يشتكون منه المحلات بسبب خسارتهم الزباين.
على طول شغلت جهازي وشبكت الكيبل بالكمبيوتر والراس الثاني بالجوال العنيد.صحيح اسم على مسمى.
شغلت البرنامج (اللقومانجر).وبعد دوخة رحت على شيئ اسمه.والا اقول خذوا الخطوات بدل ما اقص عليكم وتتلخبطون:
قبل كل شيئ شبك الجهاز بالكيبل و الكيبل بالكمبيوتر.
1-بعد تشغيل البرنامج:روح الى ايقونة اسمها (Explore and manage your phone).أو اضغط F9.(بالعربي أكتشاف الجهاز).
2-تفتح قائمة فيها عدة خيارات.من ضمنها خيار اسمه(my phone).اضغط عليه ينسدل منه قائمة من ضمنها شيئ اسمه (contacts).اضغط عليها تفتح لك على الجهة اليمنى الاسماء اللي مخزنها في الجوال حقك.
3-أضغط على الاسم اللي تبي تغيره بالزر اليمين تفتح قائمة أختار منها (Properties).يفتح لك مربع فيه الاسم والرقم.أضغط على الاسم بالزر اليمين يطلع لك خيارين (ُEdit) أو (Eraes).أختار الاولى.يطلع موشر على الاسم ومظلل. امسح الاسم اللي بالانجليزي وحط بداله الاسم بالعربي.وبعدين أختار(save).
ومبروك عليكم الاسماء بالعربي
ادري الموضوع طويل بس الخطوات قصيرة مرة.وأسمحولي اذا قصرت بشيئ.
بس على فكرة الرهيب رهيب.والعنيد عنيد ويحاول يطيح الرهيب والله دنيا.
وتقبلوا تحياتي وأسف على الاطالة...


نقلته للإستفاده لاأكثر ولكي يكون منتدى ساندروز يحتوي هلى جميع الموضوعات المهمه