فطيمه..الفتاة الرقيقه..:

كانت هناك فتاة تدعى فطيمة...وهذه الفتاة النشيطه..الجميله الرقيقه..واللي من بعيد كنها باص هنود توهم طالعين من الحلاق..وقاعدين يذبون على هندي قاعد على جنب يبيع مساويك ..

كانت فطيمه نائمة بأمان الله وتحلم انه اذا كبرت تبي تصير شجرة بردقان ....وفجأه رنة الساعه

تثاوبت فطيمة..وقامت..وبعد فترة زمنية تقدر بـ اربع ساعات تخللها تمغط وتسدح..نقزت فطيمه المهبوله..اسف اقصد الرقيقه..بكل نشاط..سوف تدرب تدريب الصباح ..وطقت الملابس الخاصه للتدريب..وبدأت تدهر..تتمرن ( مع ملاحظه ان شكلها صاير كنه كارولينا وليست فطيمه ..ولكن لا يمنع ان نلعب عليكم قليلا ) .

بعد ان تمصعت فطيمه من كثر التمارين..واحست بأحساس الطماطه المنسدحه في وسط شارع..وجاء العربجي الشهير المطفوق والمشهور بانتحاريته الأخ ابو جلمبو..طبعا اسلوب العرابجه ..وهو ان توازي كفر الددسن على الطماطه..وورد عن ابو جلمبو تسجيل مباشر..وهو يدعس طماطه ..بهذه السيارةمع ملاحظه اللون انه كان زيتي وقلب لونه برتقالي لا ندري كيف..

ونقزت فطيمه..الى المطبخ..تبحث عن شيء..وقالت سوف اسوي لي عصير برتقال وهذا العصير حار شوي..

وفجأه..تذكرت فطيمه انها مواعدة ..فيحان..وسوف يدق عليها بعد قليل

واخذت الجوال..وذهبت تطلطل على امها..والتي كانت متحمسه تقرا كتاب طبخ ابله صافينا

وقالت لأمها : هاي ماما ..وشلونتس...تراي سوف اطلع عقب شوي..

ام فطيمة وهي تناظر التلفون وتقول ليت من صكه بجبهة فطيمه: ايه اذلفي..

يووه موب ممديني الحق على باص خط البلده..باخذ موتر اخوي شليويح

ياربيه كم الساعهافا الساعه 12 والله ياهو بيفرشني فحوني..ياربيه ..وش بسوي..

صح..خل بروح اسوي له سندويشه ومطازيز..اللي هو يحبهن

مع ملاحظه ان الثاني ماندري وشو بس بنلعب عليكم مرة اخرى ونقول انه مطازيز..

في ذلك الوقت كان فيحان..يناظر جواله قائلا..ياربييه ياعمري يافطيمتي..متى تدقين مشتاق لصوتك..

ايه صح..بطلع للحديقه قبلها..عجزت اصبر..واخذ فلوسه من فوق المنضدة ( ياعمري يا منضده ).

وانطلق فيحان..بسيارته ..وقطع اشارة وهي حمراء وهو مايدري.

ويروح وينزع بالحديقه..على الكرسي..زيه زي اي نخلة برحي لم تلقح حتى الآن.

وبعد اربع ساعات وفيحان مجحود على ذلك الكرسي بالحديقه..دقت عليه فطيمه وبكل رقة تقول له..: فحوني منب جايه..استحي..

فيحان : اقول مير مالت عليك..الشرهه علي اللي بطلع مع ذا الخشش..تفووو مير

وانتهى يوم من ايام فطيمه الأعتياديه.

===========================================

*********************************************