هذه من ابداعات الشاعر الكبير دايم السيف اتمنى ان يعجبكم اختياري : الله أكبر




الله أكبر كيف يجرحن العيون
.......................كيف ما يبري صويب العين أبد
أحسب ان الرمش لا سلهـم حنون
......................أثر رمش العين مـا ياوي أحد
يوم روّح لي نظر عـينه بهـون
......................فز له قلبي و صـفق و ارتعـد
لفّـني مثل السحايب و المزون
........................في عيـوني برق و بقلبي رعـد
نقّض جـروحي و جـدّد بي طعـون
......................قلت يكفي ..قالت عيـونه بعد
وانعطف هاك الشعرفوق المتون
.......................وانثنى عـوده وقـفى وابتعـد
أشغلتني نظرة العين الفتـون
........................حـيّـرتني بالتـوعد و الوعـد
هي تمون العين والاّ مـا تمون
........................لى خذت قلبي وقـفّت يا سـعـد




يلا ويش رايكم ... وكلمونه عن العيون اكثر واكثر .....