محمد قم وانا امك معاد الا خير
وجع وش هالنوم ؟؟ لاصلاة ولاعباده يالله لاتخسف بنا بس
طاااااااايب طاااااااااايب يمه هاذاني قمت
وين هذاك قمت وانت لك ساعه وانت تقول طيب طيب ... يالله قم اخلص رح جب لي بعض الاغراض من السوق
لحوووووول ... وش اغراضه بعد اللي تبينها يمه هالوقت ؟؟
قم بتجيني ام ناصر وبناتها يتقهوون عندي بعد العصر والبيت فاضي مافيه شي نحطه لهم وانا امك .... ابيك تجيب فطاير وان تسان شوي كيك وتمر راعي المكسرات تجيب كيلو من هالمشكلات ومر بعد راعي الخضره جب شوي خس وصرتين كراث من اللي ورقتهن عريضه <<<< فاهمه البنت
ان شاء الله يمه ابروووح بس عاد توه مابعد اذن الظهر واللي ابجيبه كله جاهز يعني لافيه طبخ ولا نفخ
الله يعظم اجري بس على هالولد ياناااااس تسانه بيجيب لي السكته
يمه لاتنسين اليوم خميييييييييييس يعني فرصه الواحد يأدب النوم
يامحمد انت تعرف خميس والا جمعه ؟؟ مغير سهر بهالليل على هالكنبوتر وتروح لدوامك مواصل اللهم عافانا وتعود من الدوام وتخمد تسنك جيفه الله يكفينا الشر والله اني اقول بس الله لايسخط علينا بسبايبك انت وهالكمبوتر اللي بيعميك مغير مقابلن هالشاشه وفاقن خشيشتك وتضوحتس يالله لك الحمد بس
الظاهر اني ابروح اجيب الاغراض اصرف يمه عشان مااسمع هالمحاظره اللي كل يوم قايلتها لي
__________________________________________________ ___________
جاب الاغراض محمد الله يعافيه ويطول عمره ... صح انه ماجابها الا بعد العصر وهو طالع من الظهر بس ماقصر اهم شي انه جابها
وام محمد مجتلده بتلحق الوقت قبل لايجون ام ناصر وبناتها والضعيفه مشقية عمرها لان شغالتهم توها مسافره والشغاله الجديده يالله توصل بعد شهر
محمد كالعاده طلع لغرفته واستلم النت يقلب في هالمواقع وسوالف بالمسنجر ويوسع صدره لانه كتب موضوع بقهوة الاقلاع وودوه المشرفين للماصله وقفلت معه الولد
والام الله يحفظها لاهية مع ام ناصر وبناتها وسوالف وفالين الحجاج ولالهم من الشيطان طاري
طبعا ام ناصر مسيره هي وبناتها الثلاث الثنتين الكبار متزوجات والثالثه اللي هي نوف توها ام 21 سنه تخرجت من الجامعه وقدمت على الديوان وقلعوها بديرة تبعد عن الرياض 350 كيلو والبنت مافيها شده على المشاوير كل صبح فخذتها من قاصره وقضبت الارض وجلست في بيتهم
لكن الحق يقال البنت سنعه وراعية واجب .. ومن دخلت على ام محمد وهي اللي تساعده وتجيب وتصلح معها في هالمطبخ
قفل محمد جهازه ولبس ثيابه بيروح للاستراحه كالعاده ولكن قال ابمر المطبخ اشوف لي صحن فطاير اسولف معه بالطريق للاستراحه
ويدخل محمد للمطبخ وهو يغني بصوت واطي : كل مااقفيت ناداني تعال &&&& وكل مااقبلت عزم بالرحيل
واثناء ماكان يغني وخاش جو مع الاغنيه وناصي دولاب في طرف المطبخ فوقه المايكرويف خابرن امه كل مازاد شي من الاكل ذبته بهالمكرويف
الا وتطيح عينه على هاللي فاتحه باب الثلاجه ومتوزيه عنه لانها سمعته وهو داخل يغني وطبعا ماامداها تنحاش فما جاء في بالها الا انها تتوزى ورا باب الثلاجه عشان يفهمها الاخ ويطلع
عاد محمد الله يحفظه طالعن على ابوه الله يرحمه يقولون انه يحب الطلطله على الحريم وماظنتي انه بيفوت هالفرصه
وبصوت واطي محمد ينادي : يمه وش تسوين عندتس ؟ <<< يمه ياللي ماتخاف الله وانت شايفها لابسه بنطلون
وبصوت متلعثم مليان حيا وخوف وربكه وكل شي له علاقه بالانوثه : منيب امك ... اطلع الله يعافيك اطلع
وبعد ماشخلها محمد من راسها الا اصابع رجليها سوا نفسه انه تفاجأ وبصوت فيه خـُـبث مع شويه دلع ماله سنع : اووه سوري سوري والله ... وطلع بخطوة سريعه من المطبخ وركب سيارته ومشى متوجه للاستراحه
طبعا المفروض انه رايح للاستراحه ... لكن محمد لاشعوريا بدأ يدور بهالحواري وهو يهوجس باللي شافه
معقوله كل هالزين وكل هالانوثه والبيت جنب البيت وامهم صديقة امي وانا مادريت عنها ؟؟ وبدأ محمد يهوجس في نوف والغريبه ان تفكيره كان صح هالمره لانه فكر انه يتزوجها
خطبها واعرسوا وسافروا شهر عسل وعاشوا حياة سعيده وطبعا هذا كله ماوقفه الالوحه قراها محمد وربط فرامل لانه تفاجأ بأن اللوحه مكتوب فيها بريده 120 كيلو وجع وش جابني لبريده وانا بالرياض
صار الضعيف متعمق بالهواجيس ويتخيل انه اعرس وسافر وهو بالسياره ومادرى عن نفسه الا وهو حول القصيم
ديور ورجع للبيت واول مادخل على امه فاتحها بالموضوع وماصدقت الضعيفه وبغت تطير من الفرحه وعلى طول كلمت ام ناصر عشان تعلمها انها بتخطب نوف لولدها محمد ... وام ناصر ماخالفت ورحبت بالموضوع وقالت لهم يجي باتسر محمد هو وخاله لابوناصر يخطبون البنت رسمي
استانس محمد وما كدر وناسته الا امه يوم قالت : الحين وانا امك انت معك فلوس للعرس والمهر ؟؟
كمش وجه محمد شوي وقال : هو من ناحيه معي فهو معي بس عاد ماضنتي تكفي مهر وعرس يايمه
اجل وانا امك وين بتجيب فلوس العرس والاثاث منه ؟
افا يمه !! نسيتي ابوي وش تارك لي ؟؟ نسيتي الاراضي والعقارات
ليتك تاكل تبن وانا امك وتخلي مصالتك اللي مالها سنع وتحتسي جد شوي
هههههههههههههههههههههههههههههههههههه ياحبي لتس يمه اذا حمقتي .. وش اللي مضيق صدرتس انتي الحين؟ ترا كلها قرض من البنك وقضينا ... والتسديد كل شهر اقساط من الراتب اللهم لك الحمد
استانست الام واسفهلت وجلست تعلم محمد وش يقول الا منه قابل ابوناصر باتسر وقامت توصيه انه يصير تكانه وثقل ولاينكت ويقول حتسي ماصل مثل العاده
تغدا خال محمد عند محمد وامه وصلوا العصر وتقهووا وراحو لبيت ابوناصر بيخطبون نوف لمحمد .. طبعا محمد الدنيا مهيب شايلته من الفرح وخصوصا ان تقريبا ماخذ موافقه مبدئيه من الأم
يالله حيهم ... يالله حيهم .. هذي والله الساعه المباركه اللي شفناك ياعبدالله انت وولد اختك محمد
الله يحييك ويبدزيك يابوناصر والساعه المباركه الله يسلمك هي والله اللي شفناك فيها
وبعد ماتقهووا وسولفوا سوالف باين انها سوالف جايه عن قولت ماسولفنا تكلم محمد :
ياخالي ابوناصر انا يشرفني ويسعدني ان اطلب بنتكم نوف للزواج الله يسلمك <<< وهو يقولها كان كاتم النفس خايف يتعتع
هذي وانا خالك الساعه المباركه ونوف وانا خالك منيب لاقي لها رجال احسن منك يامحمد
الله يسلمك يابوناصر .. وتأكد اني ابحطها بعيوني .. <<< بغى يقول ابعتبرها مثل اختي بس لحق نفسه
مافيه شك يامحمد والرجال اللي مثلك ينشرى وانا خالك
عاد يابوناصر الشرع حلل لي الشوفه وانا ابي اشوف نوف الله يعافيك
ابشر وانا خالك .. وانا اقول ازين بعد تشوفها وتشوفك واذا عندها شي تبي تقوله والاها تقوله قدامك
وهنا سحب خال محمد نفسه واستأذن لان الدعوا فيها شوفه وطبعا هو ماله سنع يقعد
وطلع خال محمد من بيت ابوناصر اللي يوم طلع خال محمد راح يجيب نوف عشان يشوفها محمد وتشوفه
بينما محمد كان يشيك على مسجات البلوتوث رفع عيونه والا هاك القمر اللي داخل عليه .. وش قمر؟؟ الا هي تقول للقمر وخر وتجلس محله
حط محمد جواله بمخباته وقام يسلم على نوف وهو من داخله وده يصرخ ويقول ورا مانعرس الحين الله يعافيك يابوناصر
سلمت نوف عليه وجلست بالكرسي الثالث اللي على يمينه <<< طراه ان مجلسهم كراسي كلاسيكيه
سألته عن شهاداته وعن وظيفته وهو بعد سألها عن شهاداتها ووعدها انه يسعى لها بواسطه عشان يعينونها بالرياض والبنت استانست وتسنها بعد ودها تقول ورا مانعرس الحين ازين
ولكن ....
نوف مدري وش جاها وسألت محمد سؤال ماتوقع ولا واحد بالمليون انها تسأله
نوف : اللي اعرفه يامحمد ان لك اهتمامات بالانترنت وانك على كلام امك الله يحفظها اذكرها تسولف علينا وتقول انك مقابل النت ثلاث ارباع يومك
محمد : اححم شوفي .. الصراحه هو صدق اني ادخل النت لكن انتي تعرفين ان العزوبي يعاني من الفراغ وانا عاد مااحب اطلع برا البيت واختلط مع شباب مالهم داعي .. عشان كذا تحصليني اقضي اغلب وقتي اتصفح النت
نوف : شي حلو الصراحه يامحد انك تكون انسان تحب تطلع وان شاء الله اذا الله كتبه راح تستمر بالاطلاع وبرضه انا راح اكون معك في اوقات فراغنا
محمد وكنه استانس وارتاح شوي : اكيد اكيد يانوف ... وراح نستفيد ان شاء الله
نوف : يعني يامحمد انت استخدامك للنت بس عشان الفايده وتضييع الوقت ؟؟
محمد : اييييييييه طبعا طبعا للفائده وتضييع الوقت بالشي البريء بس
نوف : يعني مالك علاقات في بنات من خلال النت ولاشي
محمد : لا لا ابدا ابدا يانوف مالي علاقات ابد
نوف : اوكي يامحمد بس تأكد اني لو اكتشفت انك تكذب علي ان زواجنا هذا ماراح يتم ابدا
محمد : افا عليك بس يانوف !!! صدقيني هذا الحاصل وماكذبت ولاراح اكذب عليك ابد ابد
نوف : طبعا اكيد عندك ايميل يامحمد
محمد : ايه عندي ايميل بس ليش تسألين؟ لايكون بتردون علي بالموافقه برساله بالايميل <<< ينكت خفيف الدم
نوف بعد ضحكه مجامله : لا لا وش دعوه بس عطني ايميلك عشان اضيفك ونسولف ونتناقش بأمورنا وامور زواجنا
محمد : باااااااااااااس ... ابشري يانوف ... غاليه والطلب رخيص ... وكتب لها محمد ايميله وعطاه نوف <<< مثال للسعودي اللي مايبيله شي
نوف : اها حلو كذا يامحمد .. طيب ممكن الله يعافيك تعطيني الباسوورد الحين حق ايميلك
محمد هنا بلع ريقه وعرف انه طاح بوحده فاهمه وقدرت تسحب منه المعلومات اللي تبي وذكر ان ايميله كل اللي فيه بنات ولافيه الا ولد واحد لاوالبارح محمد صاكه بلوك وديليت
طبعا مايحتاج اقولكم وش صار
منقول
وجع وش هالنوم ؟؟ لاصلاة ولاعباده يالله لاتخسف بنا بس
طاااااااايب طاااااااااايب يمه هاذاني قمت
وين هذاك قمت وانت لك ساعه وانت تقول طيب طيب ... يالله قم اخلص رح جب لي بعض الاغراض من السوق
لحوووووول ... وش اغراضه بعد اللي تبينها يمه هالوقت ؟؟
قم بتجيني ام ناصر وبناتها يتقهوون عندي بعد العصر والبيت فاضي مافيه شي نحطه لهم وانا امك .... ابيك تجيب فطاير وان تسان شوي كيك وتمر راعي المكسرات تجيب كيلو من هالمشكلات ومر بعد راعي الخضره جب شوي خس وصرتين كراث من اللي ورقتهن عريضه <<<< فاهمه البنت
ان شاء الله يمه ابروووح بس عاد توه مابعد اذن الظهر واللي ابجيبه كله جاهز يعني لافيه طبخ ولا نفخ
الله يعظم اجري بس على هالولد ياناااااس تسانه بيجيب لي السكته
يمه لاتنسين اليوم خميييييييييييس يعني فرصه الواحد يأدب النوم
يامحمد انت تعرف خميس والا جمعه ؟؟ مغير سهر بهالليل على هالكنبوتر وتروح لدوامك مواصل اللهم عافانا وتعود من الدوام وتخمد تسنك جيفه الله يكفينا الشر والله اني اقول بس الله لايسخط علينا بسبايبك انت وهالكمبوتر اللي بيعميك مغير مقابلن هالشاشه وفاقن خشيشتك وتضوحتس يالله لك الحمد بس
الظاهر اني ابروح اجيب الاغراض اصرف يمه عشان مااسمع هالمحاظره اللي كل يوم قايلتها لي
__________________________________________________ ___________
جاب الاغراض محمد الله يعافيه ويطول عمره ... صح انه ماجابها الا بعد العصر وهو طالع من الظهر بس ماقصر اهم شي انه جابها
وام محمد مجتلده بتلحق الوقت قبل لايجون ام ناصر وبناتها والضعيفه مشقية عمرها لان شغالتهم توها مسافره والشغاله الجديده يالله توصل بعد شهر
محمد كالعاده طلع لغرفته واستلم النت يقلب في هالمواقع وسوالف بالمسنجر ويوسع صدره لانه كتب موضوع بقهوة الاقلاع وودوه المشرفين للماصله وقفلت معه الولد
والام الله يحفظها لاهية مع ام ناصر وبناتها وسوالف وفالين الحجاج ولالهم من الشيطان طاري
طبعا ام ناصر مسيره هي وبناتها الثلاث الثنتين الكبار متزوجات والثالثه اللي هي نوف توها ام 21 سنه تخرجت من الجامعه وقدمت على الديوان وقلعوها بديرة تبعد عن الرياض 350 كيلو والبنت مافيها شده على المشاوير كل صبح فخذتها من قاصره وقضبت الارض وجلست في بيتهم
لكن الحق يقال البنت سنعه وراعية واجب .. ومن دخلت على ام محمد وهي اللي تساعده وتجيب وتصلح معها في هالمطبخ
قفل محمد جهازه ولبس ثيابه بيروح للاستراحه كالعاده ولكن قال ابمر المطبخ اشوف لي صحن فطاير اسولف معه بالطريق للاستراحه
ويدخل محمد للمطبخ وهو يغني بصوت واطي : كل مااقفيت ناداني تعال &&&& وكل مااقبلت عزم بالرحيل
واثناء ماكان يغني وخاش جو مع الاغنيه وناصي دولاب في طرف المطبخ فوقه المايكرويف خابرن امه كل مازاد شي من الاكل ذبته بهالمكرويف
الا وتطيح عينه على هاللي فاتحه باب الثلاجه ومتوزيه عنه لانها سمعته وهو داخل يغني وطبعا ماامداها تنحاش فما جاء في بالها الا انها تتوزى ورا باب الثلاجه عشان يفهمها الاخ ويطلع
عاد محمد الله يحفظه طالعن على ابوه الله يرحمه يقولون انه يحب الطلطله على الحريم وماظنتي انه بيفوت هالفرصه
وبصوت واطي محمد ينادي : يمه وش تسوين عندتس ؟ <<< يمه ياللي ماتخاف الله وانت شايفها لابسه بنطلون
وبصوت متلعثم مليان حيا وخوف وربكه وكل شي له علاقه بالانوثه : منيب امك ... اطلع الله يعافيك اطلع
وبعد ماشخلها محمد من راسها الا اصابع رجليها سوا نفسه انه تفاجأ وبصوت فيه خـُـبث مع شويه دلع ماله سنع : اووه سوري سوري والله ... وطلع بخطوة سريعه من المطبخ وركب سيارته ومشى متوجه للاستراحه
طبعا المفروض انه رايح للاستراحه ... لكن محمد لاشعوريا بدأ يدور بهالحواري وهو يهوجس باللي شافه
معقوله كل هالزين وكل هالانوثه والبيت جنب البيت وامهم صديقة امي وانا مادريت عنها ؟؟ وبدأ محمد يهوجس في نوف والغريبه ان تفكيره كان صح هالمره لانه فكر انه يتزوجها
خطبها واعرسوا وسافروا شهر عسل وعاشوا حياة سعيده وطبعا هذا كله ماوقفه الالوحه قراها محمد وربط فرامل لانه تفاجأ بأن اللوحه مكتوب فيها بريده 120 كيلو وجع وش جابني لبريده وانا بالرياض
صار الضعيف متعمق بالهواجيس ويتخيل انه اعرس وسافر وهو بالسياره ومادرى عن نفسه الا وهو حول القصيم
ديور ورجع للبيت واول مادخل على امه فاتحها بالموضوع وماصدقت الضعيفه وبغت تطير من الفرحه وعلى طول كلمت ام ناصر عشان تعلمها انها بتخطب نوف لولدها محمد ... وام ناصر ماخالفت ورحبت بالموضوع وقالت لهم يجي باتسر محمد هو وخاله لابوناصر يخطبون البنت رسمي
استانس محمد وما كدر وناسته الا امه يوم قالت : الحين وانا امك انت معك فلوس للعرس والمهر ؟؟
كمش وجه محمد شوي وقال : هو من ناحيه معي فهو معي بس عاد ماضنتي تكفي مهر وعرس يايمه
اجل وانا امك وين بتجيب فلوس العرس والاثاث منه ؟
افا يمه !! نسيتي ابوي وش تارك لي ؟؟ نسيتي الاراضي والعقارات
ليتك تاكل تبن وانا امك وتخلي مصالتك اللي مالها سنع وتحتسي جد شوي
هههههههههههههههههههههههههههههههههههه ياحبي لتس يمه اذا حمقتي .. وش اللي مضيق صدرتس انتي الحين؟ ترا كلها قرض من البنك وقضينا ... والتسديد كل شهر اقساط من الراتب اللهم لك الحمد
استانست الام واسفهلت وجلست تعلم محمد وش يقول الا منه قابل ابوناصر باتسر وقامت توصيه انه يصير تكانه وثقل ولاينكت ويقول حتسي ماصل مثل العاده
تغدا خال محمد عند محمد وامه وصلوا العصر وتقهووا وراحو لبيت ابوناصر بيخطبون نوف لمحمد .. طبعا محمد الدنيا مهيب شايلته من الفرح وخصوصا ان تقريبا ماخذ موافقه مبدئيه من الأم
يالله حيهم ... يالله حيهم .. هذي والله الساعه المباركه اللي شفناك ياعبدالله انت وولد اختك محمد
الله يحييك ويبدزيك يابوناصر والساعه المباركه الله يسلمك هي والله اللي شفناك فيها
وبعد ماتقهووا وسولفوا سوالف باين انها سوالف جايه عن قولت ماسولفنا تكلم محمد :
ياخالي ابوناصر انا يشرفني ويسعدني ان اطلب بنتكم نوف للزواج الله يسلمك <<< وهو يقولها كان كاتم النفس خايف يتعتع
هذي وانا خالك الساعه المباركه ونوف وانا خالك منيب لاقي لها رجال احسن منك يامحمد
الله يسلمك يابوناصر .. وتأكد اني ابحطها بعيوني .. <<< بغى يقول ابعتبرها مثل اختي بس لحق نفسه
مافيه شك يامحمد والرجال اللي مثلك ينشرى وانا خالك
عاد يابوناصر الشرع حلل لي الشوفه وانا ابي اشوف نوف الله يعافيك
ابشر وانا خالك .. وانا اقول ازين بعد تشوفها وتشوفك واذا عندها شي تبي تقوله والاها تقوله قدامك
وهنا سحب خال محمد نفسه واستأذن لان الدعوا فيها شوفه وطبعا هو ماله سنع يقعد
وطلع خال محمد من بيت ابوناصر اللي يوم طلع خال محمد راح يجيب نوف عشان يشوفها محمد وتشوفه
بينما محمد كان يشيك على مسجات البلوتوث رفع عيونه والا هاك القمر اللي داخل عليه .. وش قمر؟؟ الا هي تقول للقمر وخر وتجلس محله
حط محمد جواله بمخباته وقام يسلم على نوف وهو من داخله وده يصرخ ويقول ورا مانعرس الحين الله يعافيك يابوناصر
سلمت نوف عليه وجلست بالكرسي الثالث اللي على يمينه <<< طراه ان مجلسهم كراسي كلاسيكيه
سألته عن شهاداته وعن وظيفته وهو بعد سألها عن شهاداتها ووعدها انه يسعى لها بواسطه عشان يعينونها بالرياض والبنت استانست وتسنها بعد ودها تقول ورا مانعرس الحين ازين
ولكن ....
نوف مدري وش جاها وسألت محمد سؤال ماتوقع ولا واحد بالمليون انها تسأله
نوف : اللي اعرفه يامحمد ان لك اهتمامات بالانترنت وانك على كلام امك الله يحفظها اذكرها تسولف علينا وتقول انك مقابل النت ثلاث ارباع يومك
محمد : اححم شوفي .. الصراحه هو صدق اني ادخل النت لكن انتي تعرفين ان العزوبي يعاني من الفراغ وانا عاد مااحب اطلع برا البيت واختلط مع شباب مالهم داعي .. عشان كذا تحصليني اقضي اغلب وقتي اتصفح النت
نوف : شي حلو الصراحه يامحد انك تكون انسان تحب تطلع وان شاء الله اذا الله كتبه راح تستمر بالاطلاع وبرضه انا راح اكون معك في اوقات فراغنا
محمد وكنه استانس وارتاح شوي : اكيد اكيد يانوف ... وراح نستفيد ان شاء الله
نوف : يعني يامحمد انت استخدامك للنت بس عشان الفايده وتضييع الوقت ؟؟
محمد : اييييييييه طبعا طبعا للفائده وتضييع الوقت بالشي البريء بس
نوف : يعني مالك علاقات في بنات من خلال النت ولاشي
محمد : لا لا ابدا ابدا يانوف مالي علاقات ابد
نوف : اوكي يامحمد بس تأكد اني لو اكتشفت انك تكذب علي ان زواجنا هذا ماراح يتم ابدا
محمد : افا عليك بس يانوف !!! صدقيني هذا الحاصل وماكذبت ولاراح اكذب عليك ابد ابد
نوف : طبعا اكيد عندك ايميل يامحمد
محمد : ايه عندي ايميل بس ليش تسألين؟ لايكون بتردون علي بالموافقه برساله بالايميل <<< ينكت خفيف الدم
نوف بعد ضحكه مجامله : لا لا وش دعوه بس عطني ايميلك عشان اضيفك ونسولف ونتناقش بأمورنا وامور زواجنا
محمد : باااااااااااااس ... ابشري يانوف ... غاليه والطلب رخيص ... وكتب لها محمد ايميله وعطاه نوف <<< مثال للسعودي اللي مايبيله شي
نوف : اها حلو كذا يامحمد .. طيب ممكن الله يعافيك تعطيني الباسوورد الحين حق ايميلك
محمد هنا بلع ريقه وعرف انه طاح بوحده فاهمه وقدرت تسحب منه المعلومات اللي تبي وذكر ان ايميله كل اللي فيه بنات ولافيه الا ولد واحد لاوالبارح محمد صاكه بلوك وديليت
طبعا مايحتاج اقولكم وش صار
منقول
تعليق