والله مشكله....للبنات والشباب معاناة صب القهوه.......
هلاو مراااااااااااااااااااااااااااحب باللي دخلو
عندي مشكله نقدر نقول عنها انها مشكله اغلب البنات والعيال
عندي مشكله نقدر نقول عنها انها مشكله اغلب البنات والعيال
ألا وهي مشكلة ( صب القهوة .. وما ادراك ماصب القهوه )
قبل لا اطرح المشكله واظهر الحقائق والخفايا واكشف الاوراق
خلوني اسألكم سؤال : ليش لاجونا ضيوف لازم نشربهم قهوه ؟
ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ وكل واحد يصب لنفسه ؟
ليش وليش ولمازا هزا يحدس ؟؟؟؟؟
يعني تجيني امي وتقول : بعد المغرب بيجونا حريم .
اقولها : منب طالعه لهم مالي نفس .
تقووول : تراهم مهب ميتين عليك بس مين اللي بيصب القهوه ؟
يوووووووه صارت عندي حالة نفسيه من صب القهوة
لاني اذا باصب القهوة لازم اول البس وطبعا عشان البس قبلها ابلللط ساعة
قدام دولابي اختار خلقنّه من بين خلاقيني .. همن اسرح شعري
هذا غير الكريمات والحركات يووووووووووه مشوااااااااااااااااااااااااااااااار
شي ثاني وهو اني ادخل على الحريم وانا ماسكه القهوه مدري احط القهوه
على الطاوله وادور اسلم !!!!!!
والا ادور اصب القهوة واسلم بنفس الوقت !!!!
والا ادخل اسلم بعدين اروح اجيب القهوة !!!!!
بعدين انا مدري اصب بالدوووور من اليمين والا اروح لاكبر وحدة !!
سـألت امي هالسؤال وقلت بكل غباء : يمه اصب بالدور والا لاكبر وحدة ؟؟
وصدف ان مر خالي وقال : صبي بالدور تدرين ليش !! عشان الحريم
كلهم صغار مايكبرون خخخخخخخخخخخ
قلتله : يعني عادي محد يقول هالبنت هبله ؟؟؟
>>>>>>>>> هالسؤال يدل على الهباله الملازمه للعقل
قال خالي : لا .. انتي ما ينشره عليك لانك هبله ؟؟
خخخخخخخ ياحبيله خالي يستخف دمه >>>>
نرجع لموضوعنا
صب القهوة شي مهب زين ات از نت نااااااايس
لاني اصير اطامر بين الحريم ومايمديني اخلص الا فيه وحدة خلصت فنجالها
وتأشرلي امي .. صبيلها .. يعني من جد عذاااااااااااااااااااااااااااب
هذا غير لامني صبيت لوحدة واقولها : سمي . تقول : لا مابي
اقول بيني وبين نفسي : هاهاها تحسبيني بأترجاك .. شربتيها والا عساك هاهاها
بس يجي صوت امي ويحطم علي متعتي واحلااامي
: ( وش بك ماتقهويتي ؟ طيب اخر فنجال ... )
ياربييييييه .. وتجلس امي تحايل فيها وانا واقفه آكل هواء
والشي اللي يقهر بعد انه لاصارت وحدة تسولف
بنص السالفه تأشرلي اختي المتزوجه ( وحدة خلصت فنجالها قومي صبي قهوة )
اقوم انا أأشرلها بعد ( ليش ياعمتي !! وراه ماتصبينلها انتي ؟؟ )
ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل
مايضرها لو صبرت شوي .. خلاص بتموت اذا ماصبينالها على طول
لا نكون نشتغل خدم عند ابوها وانا مدري..(الله من زين الضيافه)
عاد كله كوم واذا جوكم ضيوف فاضين كووووووووووووووووم
يجلسون يعزمون على بعض والله ان تاخذينه انتي لا والله انتي....(ودكم تقول لهن لا انتي ولا انتي)
طيب وانا اللي واقفه محد فكر فيني . والا عشان اصب القهوة صرت صفر على الشمال
اصابعي مولعه من الحرررارررة وهم جالسين يعزمزن على بعض
وقتها يجيني شعور اني ودي اصب القهوه على روسهم واقول لا انتي ولا انتي
محد بيشرب قهوة ..
والا لاجت وحدة تميلح وتقوم تمسك الدله وتحاول تفتحها وتناظرني
يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال
واروح لمها واقول : ( هاتي عنك ) . تقول : ( لاه عادي)...... ) ..
اقطعي واخسي تراني منب اترجاك هاتي الدله اقووول
بس تبين تصيرين سنعه قدام الحريم...وانا اروح فيها.......(شفتو المعاناه) ..
واااااااي الللللللله لا يعيده من موقف شعووور شين
شي ثاني لا مننا قلنا (( تفضلوا العشااااء ))
آآآآآآه و آآآآآه ثم آآآآآه مدري وش يصير فيهن !!!
والله العظيم ترانا قلنا تفضلوا للعشاء !!!
يقعدون يسولفون ولااااااااا على بالهم وكل وحدة تحط بجيبها مو بس حجر
الا اثقااااااااااال وجبااااااااال وتلال وبحوووووووور
وعلى بال مايمشون او بالاحرى يتسحبون من الغرفه الى المقلط
يااااااااي طيب اذا ماتبون تتعشون وش مجلسكم لوقت العشاء ؟؟
((( سؤال مههههم يطرح نفسه )))
عاد انا جتني فكرة اننا نقولهم قبل لا يجهز العشا بنص ساعة
تفضلوا للعشاء >>>>> يازينك ساكته
والا مايقومون الا لما اروح عند وحدة وحدة واقولها تفضلي
ماباقي الا ابوووس رجلينهن واترجاهن تكفون تفضلوا للعشاء
مير ودي اترجاهم واقولهم لا عاد تجون لمنا انا مااحب العزايم اللي ببيتنا
اكرررررررره العزايم اللي ببيتنااااااااااااااااا
V
V
V
هذي معاناتي مع صب القهوه...واتوقع معاناة كل بنت و ولد.........صح؟؟؟؟؟؟؟؟؟؟؟؟؟؟؟؟؟؟؟
يا ناس عندنا خدامتين ........قهر بس لازم انا اللي اصب القهوه واقلط للعشى.......)
)
وسووووووووووووووووري على التطويل........
منقووووووووووووووووول بتصرف بسيييييط
منقووووووووووووووووول بتصرف بسيييييط
لعد لو اتزوجتى وزوجك قلك صبي الاكل وش راح تكتبي ههههههههههههه الله يكون في عون الى عايشين وياك
صحيح مو احنا ضيوفك وجاين نقراء موضوعك صبيلنا قهوة وضيفينا ههههههههه تعذيب
فلسفي لا ديني يقول بأن الله والطبيعة
تعليق