حوار رومانسي بين الميراندا والبيبسي..(الجزء الثاني)
طبعا كلنا قرينا الجزء الأول وعرفنا إنه
خلص على إنهم التلاتة إتلموا في
كيس واحد
يلا نتابع الجزء الثاني
كيس واحد
يلا نتابع الجزء الثاني
(( ده الحوار اللي كان في الكيس ))
البيبسي : دي اجمل لحظة في حياتي وإحنا التلاتة في كيس واحد
ميرندا : وانت مالك زانق الفانتا كده ليه خليها تتنفس...(( بدأت الغيرة ))
الفانتا : وانت مالك لو سمحتي خليكي في حالك أنا مش مضايقة
البيبسي : يا جماعة عايزين نهدأ شوية...إيه ده يا ميرندا إتاخري شوية أنا مزنوق
ميرندا : كله من صاحب المحل البخيل مهنش عليه يحطنا في كيس أكبر من كده شوية إيه الهم ده
(( وفي هذه اللحظة فتح الراجل الفانتا وشربها ومتبقاش في الكيس إلا البيبسي والميرندا ))
البيبسي : الحمدلله كانت خانقانا الفانتا خلصنا منها...(( منافق و كلمة الحق مبتطلعش من بؤه ))
ميرندا : يا سلام دلوقتي مضايقاك ومش طايقها...عامل زي الحرباية
البيبسي : اه يا ربي ضاعت مني الفانتا ودلوقتي الميرندا أعمل إيه بس...إهئ إهئ إهئ
ميرندا : إتاخر بس ومش عايزة أسمع صوتك إنت فاهم
البيبسي : أه وأنا مالي سخنت كده ليه
ميرندا : طبعا ما أنت من ساعة ما الفانتا مشيت وإنت مش على بعضك وفاكر هبصلك تاني...سم
البيبسي : يووووه إنتي فاكرة نفسك مين قرفتيني في إزازتي
(( وفي هذه الأثناء أصبحت حرارة الميرندا مرتفعة وأنشد البيبسي يا حبة عيني بهذه القصيدة ))
(( يصف حال الميرندا موجها كلامه للزبون اللي فتح الميرندا ومكملهاش عشان كانت سخنة ))
وبكى البيبسي يا حبة عيني وقال :
قالوا حبيبك محموم فقلت لهم .... انا الذي كنت في حمائه السبب
عانقته ولهيب النار في كبدي ... فأثرت فيه تـــلك النار فالتـهب
وبكده تنتهي قصتنا مع أبطالها البيبسي والميرندا والفانتا
أتمنى إنها تكون عجبتكم
تعليق