أشهر جمل من الاباء والامهات في مصر
*
*
*
*
*
*
* انت فاكرنا لاقين الفلوس دي في الشارع .
* ما تتكلمش بصوت عالي في الحمام .
* والله ما انت فالح .. وادي دقني أهه لو فلحت .
* ما تنمش غير لما تغسل سنانك .
* ما تلزقش في التلفزيون كده .. نظرك هيضيع .
* سلم على عمك كويس يا ولد .
* يا ابني محدش هينفعك .
* ما تطلعش ايدك من الشباك .
* قصة الغريق الكاذب اللي كل مره يقول الحقوني ... لحد ما غرق بجد .
* ربنا يرزقك بعيل يوريك اللي ورتهوني .
* ما تطلعش على الملايه النظيف و رجليك متوسخه كده .
* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
* طلع ايدك من جيبك و انت بتكلمني .
* ايه الا مبالاه و الاستهتار اللي انت عايش فيهم دول .
* قوم اقرا لك كلمتين ينفعوك يمكن تنجح السنة دي .
* وطي صوت المدعوق ده شويه (التليفزيون او الكاسيت او الكمبيوتر!!).
* انت فاكرنا نايمين على ودانا (لما نكون عاملين عاملة )؟
* يا ابني انت مسطول ولا ايه(لما ينادونا ونطنش) ؟
* ما تلبسش القميص على اللحم زي العيال الصايعه .
* بلاش أكل بره البيت هتموت نفسك .
* كلمنا لما توصل .
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني كلم خالتك العيانه اسأل عليها .
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* اوعى تقول لحد هات لي حاجة .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!
* ما تمشيش حافي في السقعة دي
* ما فيش مذاكرة على المزيكا .. أو .. بتذاكر إزاي و البتاع ده شغال جنبك .
* افرد ظهرك .
* ما تتأخرش بعد المدرسه و تقعد تصيع مع أصحابك .
* بص كويس و انت بتعدي الشارع .
* مفييييييييش نزووووووووووووووول
* انت جيت يا بيه ! انتي جيتي يا هانم...ما لسه بدري
* ومالها الكتب بتاعة الوزاره لازم نشتري يعني هو افترى؟!
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* تقعد في أول صف قدام السبوره .
* ما تردش عليا .
* مش عايز اسمع صوت .
* مالكش دعوة بالسياسة .. وماتمشيش في مظاهرات .
* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا .
ههههههههههه
انا بقى بيتقالي جمل من دي كتييييير
.
ههههههههههه
انا بقى بيتقالي جمل من دي كتييييير
.
تعليق