بسم الله الرحمن الرحيم.......السلام عليكم ورحمة الله وبركاته..

اخوتي وأخواتي الأعزاء....مرحبا بكم جميعا........

الموضوع اللي بتكلم فيه الحين يمكن شوي غريب على بعضكم ويمكن بعضكم سمع

فيه من قبل!!!!! أنا قبل ماأدخل الجامعه..كثير من الناس كانوا يقولوا لي عن انعدام

ضمير معظم أساتذة الجامعه وظلمهم للطلبه..كانوا يقولوا لي عن تصرفات غريبه

يقوم فيها الأساتذه....مثلا:كانوا يقولوا أن بعضهم لما يجي يصحح أوراق الامتحانات.الأخ

مايتعب نفسه يأخذ الأوراق ويرميهم كذا بالجو ,اللي يطيح منها على اليسار فان الطالب ناجح

واللي يطيح منها على اليمين فان الطالب الله يرحم حاله.....وبعضهم يشغل الموسيقى ويصحح

والطالب اللي توقف الأغنيه عند ورقته عليه السلام (رااااسب)..وهكذا....انا ماكنت طبعا أصدق

هالأشياء اللي تقال عن أساتذة جامعه, ناس عندهم علم وثقافه ينتهجون هالأساليب!!!...ولما دخلت الجامعه

بصراحه وجدت أن معظم الأساتذه والأستاذات ماشاءالله عليهم ناس متعاونين وذوق ومااحد ضرني

الحمد لله بشي...الا انه في مستوى من المستويات درستني دكتوره سعوديه الله لا يوريكم.كل الطالبات

بدون استثناء متضررين منها.الماده اللي هي تعطينا اياها ماده جدا سهله واصلا مايحتاج لها شرح

ولف ودوران يعني تقدر تفهم الماده من مجرد قرائتك للمراجع.الله راحمنا بأن الماده سهله لأن هالدكتوره

ماتعرف وين ربي حاطها فيه!!مو هذي المشكله ...المشكله الحين جتنا في العلامات وطريقة التصحيح.

انا أبصم بالعشرين انها مو هي اللي تصحح اوراقنا او انها تصححها وهي نايمه..هذا موقف حصللي معاها

مو ابشع ولا أسوء من اللي حصل مع غيري من الطالبات مساكين..امتحنا الميد الأول وجت الأسئله سهله

ومباشره رغم ان صياغة الأسئله نفسها كانت خطأ حيث اننا ندرس باللغه الانقليزيه..جاوبت والحمد لله

وانا متأكده اني باخذ العلامه الكامله..الأخت صححت الورق وجابتها لنا الاسبوع اللي بعده,انا شفت علامتي

وانصدمت ,مستحيل أخذ هالعلامه انا متأكده من اجوبتي قمت اراجع الورقه زين ,اثاريها مشطّـــبه

على معظم اجوبتي لدرجة ان سؤال كامل شاطبه لي عليه وحاطه (صفر)على هذا السؤال..مستحيل

مستحيل الجواب صح وكامل ايش تبي هي بالظبط!! شفت ورقة زميلتي واثاريها كاتبه نفس جوابي

باظبط حيث ان الجواب واحد ومعين مافيه شرح وخرابيط علشان نختلف..بس زميلتي هذا ماخذه عليه

العلامه الكامله وانا صفر وماعطتني عليه ولا حتى ربع...رحت لها وكلمتها بالموضوع وفعلا شافت

الورقه ولما عرفت غلطها قالتأوه سوري ماانتبهت) بالله!!لا احلفي أول!!ماانتبهت وتشطبين على

سؤال كامل...رجعت وعطتني عليه العلامه الكامله..مو هذي المشكله ..هذي اوكي يمكن تمشي نقول

مسكينه يمكن كان عندها ظروف قاهره خلتها تصحح غلط....طيب والأسئله الباقيه كل سؤال منقصتني

عليه علامات ولما جيت انا قشها فيها وانا متأكده من اجاباتي تعرفوا ايش قالتخلاص عاد احمدي ربك

اني زودتك درجات من عندي)وشو!! انا جايه أشحد منك !!هذا حقي وانتي ماسويتي شي...سكت وانا

الضعيفه المسكينه عارفه لو بتكلم نص كلمه مايحتاج بعدين أحضر المحاضرات الجايه الماده محموله..

بالله !!انتوا نفسكم ايش تعطون تبرير لهذي الدكتوره!!يعني بالعقل كيف تبوني اقتنع بحجه زي هذي

(ماانتبهت!!) انا اتعب واذاكر واخرشي تجيني علامات مااأستحقها بس علشان دكتوره ماانتبهت.

(بكل بساطه جي تقللي!! الله يعافي أصاله على هالأغنيه)..طيب افرضوا انها ماورتنا الأوراق ورصدت

علامتي اللي ماأستحقها..ايش اسوي نهاية التيرم..احمل الماده علشان غلط دكتوره...حرام والله حرام.

جا امتحان الميد الثاني وكان فيه نفس الكارثه اللي صارت بالأول....وجا الامتحان النهائي وذبحت نفسي

في ماده سخيفه ماتحتاج مذاكرتها ومراجعتها اكثر من يوم وليله ومع ذلك ايش جبت في المعدل!!!!

ج...حسبي الله ونعم الوكيل..حسبي الله ونعم الوكيل..والله كل مااتذكر هالسالفه يجيني اكتآب..بس مااقول

الا قدر الله وماشاء فعل...المشكله الحين انها بتستمر في تدريسي الين اتخرج..الله يعيني ...الله يعيني...

بالله في هالدكتوره ايش تقولون!!لو انا الوحيده اللي صار لي هالمشكله معها اقول يمكن تكرهني والا حاقده

علي لكن كل الطالبات يشكون منها..ورحنا وشكينا للاداره بس لاحياة لمن تنادي..لما صار لي هالموقف

مع هالدكتوره تذكرت اللي كانوا يقولوا لي ايها صاحباتي عن بعض أساتذة الجامعه بس مازال عندي شك

في هالأمر....معقوله ..معقوله الأشياء هذي تحصل!! واذا كانت تحصل فعلا وين الرقابه..وين الخوف

من ربي!!!!!!هذا مستقبلنا مو اي كلام!!!!!انا مااكره ولا احقد على أساتذة الجامعه كلهم لأني أساسا

ماجربتهم كلهم معظم اللي مروا علي الحمد لله ناس كويسين ويخافون ربهم اللهم اثنين او ثلاثه وعلى رأسهم

هالدكتوره اللي ماتخاف ربها... غير كذا لاحظت في الجامعه ان فيه بنات عندنا مايذاكرون ولايهتمون

وفي النهايه ينجحون بمعدلات كويسه وبعضهم يذاكروا ويذبحوا انفسهم ويجيبوا مدرسات على اربع

آلاف وفي النهايه راسبه!!!هذا شي استغرب منه وربما فعلا طاحت اوراقهم على اليمين!!

.وانا الحين اسألكم ايش رايكم؟؟ وهل تعتقدون فعلا ان هذي الأمور تحصل

في جامعاتنا!!!!!!!