هاهاهاهاهاهاهاها بصراحه ضحكتني لوووووووووووول و يعطيك العافيه اخوي مصرقع بس لا تتصرقع هنيه في المنتدي وننتظر مشاركاتك معانا و يا هلا فيك

شوهاذي الموهبه في التأليف

عجبتني فقرتك (اعجبني فيهم روح الاصرار والكفاح على ايصال الهدف المنشود كخخخخ....)

لووووووووووووووول

يا آسر قلوب العذارى هاهاهااهاهاهوهوهوهوهو

الاخت LOLY المحترمة \ الاخ عنان السماء المحترم

ما قصرتوا على تشجيعكم الطيب و انا صراحة في منتهى السعادة اني اكون احد اعضاء هذا المنتدى النشط

ماشاء الله..
سويت مغامرة..

ضحكتني كثير ياخوي..
مساكين هالبنات .. كان اخذت الرقم..

وشقيته ورميته بوجههم

هاهاهاها

السلام عليكم

طيب طيب ,,, لعلم عليك ياقاسي القلب,,, وش دخلهم تكسر خاطرهم,,,, بعدين اللديتر عندك بيخترب
لانه دموع البنات بنزين تحرق قلب اللي ما يحترق ,,,طبعا ليش لان الدموع سلاحهم,,,, بعدين انا حصل معي موقف مشابه بس مع باسكال مشعلاني,,,
بس ما كنت قاسي مثلك لا عطيتها شوية وجه,,بس في النهايه ,,, صفتني مثل جنط مقاس 13
لاكن ماعليك اخوي اثقل الثقل صنعه,,لين ما تلاقي ولا مخلوق يعطينا وجه.
خخخخخخخخخخخخخ

الاخت الظل القصير المحترمة\الاخ DIAJAVOUX المحترم

LOL
ويعطيكم 1000 عافية يالغاليين على ردودكم الحلوة

و بعد احب اعتذر الى الاخت المحترمة عنان السماء لاني حسبتها رجل في ردي السابق كخخخخخخخخخ (اللي ما يعرف الصقر يشويه)كخخخخخ

وشكرا على تشجيعكم

عادي عادي mo9arqa3

وايد وايد تحصل

أنت مش أول شخص ولا بتكون آخرهم

تحصل في أحسن العائلات
كخخخخخخخخخخخخخخ

مرحبا بالجميع ..

هلا باخوي / mo9arqa3 .... المحترم
ما شاء الله عليك اخوي قصه جميله ومضحكه
بس ما ادري لهالدرجه انت وسيم من كلامك البنات وراك زي الرز هاهاهههههههه
يعطيك ألف عافيه اخوي على القصه . ونبي منك قصص ثانيه لو تكرمت .

وتقبل تحياتي .
اخوك / sh1122

اذكر مصدر المواضيع اللي نقلتهم منه

.

_______________________________________


الـسـلام عـلـيـكـم ورحـمـه الـلـه وبـركـاتـه

اخـي mo9arqa3 الـمـحـتـرم

تـحـيـه طـيـبـه وبـعـد .. بـكـل تـأكـيـد اتـفـق مـع اخـي مـسـكـتـهـم الـمـحـتـرم حـيـث لابـد ان تـذكـر الـمـصـدر كـي لا تـضـع نـفـسـكـ بـمـوقـف مـحـرج . .مـع الـشـكـر والـتـقـديـر لأخـي مـسـكـتـهـم حـيـث بـيـن لـنـا الـمـصـدر ..

مع كل احترامي لك اخوي المشرف الحايلي .......

الحين العضو مسكتهم ( اللي مشاركاته عددها 5 مشاركات حين اعداد هذا الخبر)

ما سجل في المنتدى الا عشان يقول للأخ مصرقع اذكر المصدر؟؟؟؟؟

طيب الاسم نفسه مصرقع الخبر .... تخيّل ان الكاتب هو نفسه ؟؟

وين بتودي يور face ؟؟؟؟؟

وتحياتي للكل ........ وارجوا من الأخ مصرقع انه يبيـّن الحقيقه للجميع وللعلم جرى النشر ;;;

.

_______________________________________


الـسـلام عـلـيـكـم ورحـمـه الـلـه وبـركـاتـه

اخـي وســـــم الـمـحـتـرم

لـيـس هـنـاكـ اي نـوع مـن الأحـراج بـالـنـسـبـه لـي ... اخـي وسـم الـمـحـتـرم عـنـدمـا تـقـول لـي ايـن تـودي وجـهـكـ وكـنـت اتـمـنـى ان تـقـولـهـا بـالـلـغـه الـعـربـيـه لا الانـجـلـيـزيـه ..هـل تـتـوقـع انـكـ اجـدت واخـتـرت الـكـلـمـه الـطـيـبـه لـتـقـولـهـا لـي (الـلـه يـجـزاكـ الـف خـيـر عـلـى تـلـكـ الـكـلـمـه) ولـو كـنـت بـمـحـل اخـي mo9arqa3 الـمـحـتـرم كـنـت ذكـرت الـمـصـدر او انـنـي ابـيـن ان تـلـكـ الـمـشـاركـه مـن مـوقـعـي الـخـاص (هـذا اذا كـان فـعـلا هـو)..؟

السلام عليكم ورحمة الله وبركاتة ::

أخي المحترم ~ وســـم ~

كيف تتجرا على ان تهاجم المشرف Mr.Hailiy وهو يحاول أن يحفظ حقوق الغير وهو يعمل لصالح الجميع ولم يتم ترشيحة كامشرف لقسم التسالي الا لما عرف عنه من حسن خلق واحترام للجميع .

واعتقد أنا يا اخ ~ وســـم ~ المحترم

أنا هذا الكلام الذي قلته في حق المشرف Mr.Hailiy

وين بتودي يور face ؟؟؟؟؟

لا يليق ولا يتفق مع قواعد وشروط المنتدى او حتى الذوق العام ......

الى الاخوان (مستر حايلي)(الاستاذ ناصر)....

ياجماعة الخير انتوا فهمتوا الموضوع بطريقة خاطئة....
الاخ وسم ماكان قصده غير انه يطلب اعطاء الفرصة للمصرقع للدفاع عن نفسه...ويبين لنا انه هو صاحب الموقع ولا لا...
اما بالنسبة ل(وين تودي يور face) فهو على ما اعتقد انه ما قصد بيها الاساءة لشخص (مستر حايلي)...
وانا ما اعتبر انه هادي مهاجمة...
واعتقد كمان انه وسم قالها على سبيل المزاح وتلطيف الاجواء وكانت وجهة نظره في الموضوع بكل بساطة (لا نهاجم قبل ما نسمع الدفاع)....
ارجوا انه ما تعتبروا انه هادي مهاجمة..انا بس باقول وجهة نظري..
وايش ماصار احنا في النهاية اخوان في منتدى واحد...
اختكم...

في ليلتا من الليالي كنت قاعد في غرفة جدتي ونسولف انا واياها عن الماضي والقصيد والله ياهي كتاب تاريخ متنقل كان عندها ذاكره الله يغفر لها ولا الكامل في التاريخ لا ابن الاثير يعني مستحيل انك تمل من هرجها وسوالفها وفجأة دخلت علينا اميمتي وقالت يالله يا مصرقع ضف عفشك خل جدتك تنام قلت مانيب قالت الا نيب غصبن من وراء خشمك يالله اطلع برى واقعد اصيح تهي تهي تهي ماني ماني وكسرت خاطر العجوز وقالت يا بنيتي خليه عندي ينام ابسولف عليه الين ما يرقد قالت اميمتي شورك وهداية الله وتركتني وطلعت
ومع السوالف وانا اقلب عيني بغرفة جدتي وقع نظري على صندوق من حقات القديمين اللي فيها مناظر وفيها دبابيس وقلت جدتي بصوت عالي وش فيه هالصندوق ارتاعت العجوز وقالت وجعا يوجعك يا مصرقع قريح هالحين انا اسولف لك واقص لك قصه وانت ما انت يمي قم لا بارك الله فيك واذلف وطف النور وراك قلت معصي انا ابنام عندك الليله بس علميني وش فيه هالصندوق وشوي الا تسفحت دموعها من على خدها كما تتسفح الشعبان في صحراء يابسه ومجدبه لم يصلها المطر من سنين ودنين وقعدة تسوي مثلي تهي تهي تهي وقالت هالصندوق فيها بقاي جدك الله يرحمه بشته وطاقيته الزري ومسبحته ودهن عود وصكوك بيت الطين والوقف اللي حاطه بس هالصندوق يا وليدي ما فتحته من ثلاثين سنه اخاف افتحه واتذكر قصة الحب اللي جمعتني بجدك وقعدة ابتسي وانا اقول يا عمري يا جدي الله يرحمك اثرك كنت تحب جدتي وشوي الا طررررررراخ فنجال قهوه جايني من جدتي قمت ومسحت بقاي الهيل اللي ترسبت على جبهتي وانا اقول اللي اعرفه يا جده ان الاولين ما يدرون وش هو الحب والدليل ان المره تتزوج وتتغطى عن رجلها كخخخخخخخ قالت مع احترامي لك يا ولد ولدي انت زلابه ولا تفهم بهالامور واحتس على قدك لا اقوم واترفس ببطنك وببطن ابوك اللي ما علمك وشلون تهرج مع اللي اكبر منك نم جعلك لنومة اهل الكهف تراك صدعتني قمت وطفيت النور وما امداني اقعد اتقلب الا شخير جدتي تسنه ونانات الدفاع المدني ايام حرب الخليج ومع هالجرس الموسيقي ومع حكحكتي لراسي قلت يا مصرقع ورى ما تقوم وتشوف وش في هالصندوق يمكن ان جدتك تقص عليك ويمكن ان جدك كاتب لك كل املاكه ومعطيك كل هالصكوك تهي تهي تهي ومع الحكه الثانيه لراسي تذكرت ان جدي الله يرحمه ما عنده شئ مات مستور حاله يعني مهناش ومع الحكه الثالثه
قلت فاتح الصندوق الليله فاتحه

عقب ما انتصف الليل وحسيت ان الاوركسترا الموسيقيه اللي هي شخير جدتي مستمره فهذا دليل على استراقها بالنوم وانا اللي اقوم وانصا للصندوق ويوم قربت من الصندوق ابفتحه والقى عليه قفل وش الحل(ممكن ياللي تقرأ هالسطور تفصخ حواجبك وتسلفهم لي ابفتح صندوق جدي الله يجزاك خير) وافتح الصندوق واطالع الا فيه بشت ابيض وثوب ومسبحه وصكوك قديمه وانا اللي ابتسي تذكرت جدي تهي تهي تهي (مع اني ما شفته) وقلت ليه يا جدي ما طلعت بطران ومثل هالحضارم الواحد لامنه مات ورث عياله اموال قارون انت وش ورثتنا شوي الا جاني صدى صوت من داخل الصندوق وانا اللي ارتاع وانتفض بمحلي وصدى هالصوت يقولي لا يا تزليل الحياء هالحين بدال ما تترحم علي تقول مثل هالكلام انا يا داشر التسلاب ورثت ابوك واخوانه الدين والاخلاق والتربيه الصالحه وهذه هي اللي بقت لي بعد موتي وانا اللي اقفل الصندوق بسرعه وانا انتفض واقول بسم الله الرحمن الرحيم وارجع وافتحه وانا اقول صدقت يا جدي الفلوس وسخ دنيا(ايه هين يا حلالات الفلوس بس) وانا اتكلم اختفى هالصدى وما عاد رجع وقلت اقفل الصندوق ازين وانام قبل لا تحس فيني هالعجوز ثمن تلعن ابو الطيب فيني كيف لا وانا اعتديت على خصوصياتها مع حبيبها جدي الله يرحمه ويوم جيت ابقفل الصندوق وانا اللي تراودني نفسي اني اخذ تذكار من بقاي جدي وقلت يا ولد مالك الا الطاقيه وطبعا طواقي القدماء تتذكرونها اللي فيها 8 وردات حمر كخخخخخخ واخذها واحطها بمخباي واروح انام

to be continued

يوم قمت اليوم الثاني قلت يا ولد خذ لك فره بالسياره مع كوب شاهي وزقاره(مانيب داشر) كنت لابس صروال وفنيله علاقي قلت يا ولد اكشخ بطاقية جدك مرتا وحده وانا اللي البسها واسنتر ورى الدركسون صرنا نشبه بعض وما تفرق منهو مصرقع هل هو اللي خلف الدركسون ولا هو الدركسون زات نفسه كخخخخخ وشوي الا ابعدل الطاقيه ابنزلها علشان تحمي جبهتي من اشعة الشمس(منت بعاقل يا الابيضاني ياللي سرك مقطوع با السويد) الا حدثت المفأجاة وكني في غيبوبه للحظات فقدت كل شئ وما ادري وين الدنيا فيه يوم فتحت عيوني وحسيت بنفسي الا انا فوق بعير ومعي تزربة ماء وماشين في صحراء وسهول ما ادري وين انا فيه واقعد اسمي وادعي واغمض عيوني ودي ارجع لوعيي واقعد افرك عيوني بقوة الا الوضع مثل ماهو

وامشي وانا طول السكه وانا ادعي واسمي وشوي الا حصان منطلق وعليه رجال وهو ناصيني وانا اللي أاشر له وانا اقول هيييييييييي بليز هلب مي وهو يمرق بجنبي ومأ كانه يشوفني وهو يلتفت علي ويقول كوووووول 911 كخخخخخخ وشوي الا اربعة فرسان راكبين على احصنه يوم شافوني تركوا الرجال اثرهم يلحقونه قربوا مني وقالوا ماذا تفعل هنا بحق السماء ايها الاعرابي قلت يالربع انا كنت راكب سيارتي الكابرس وما وعيت بنفسي الا هنا بهالصحراء على هالبعير ولا ادري وش القصه تكفون يا رجاجيل وش القصه قاموا يطالعون في بعض والتفت علي واحد منهم وهو يقول من قولتك كابرس ايها الاعرابي اانت قادما لنا من ديار كسرى او من بلاد الروم وشوووووو خزيته بعين وقلت اسمع مع وجهك اللي تسنه صك اعسار لا تتميلح معي لا امسكك واخربش وجهك بحوافر هالبعير قالي انك اعرابي ولكن لغتك مبهمه وغير مفهومه اصدقنا القول ماذا تحمل في جعبتك هل يوجد لديك غنائم قلت مثل ما انت شائف ما معي الا هالبعير وغنم تلقونها في زرايب الثقبه يامال للموليه لهالوجيه الناس تسرق VXR وانتم غنم لهالوجيه قالي الا يوجد لديك ما يسرق قلت وجع جيتك يا عبدالمعين تعين لقيتك يا عبدالمعين تنعان وش تسرق ما لقيتني الا انا تسرقني تركت كل هالتجار وجيت تسرق مصرقع الخبر الله يرحم والديك جاوبني وين حنا فيه الان حنا في الشرقيه ولا الغربيه ولا الجنوبيه ولا الشماليه ولا الوسطى وين شارع البيبسي طالع فيني وقعد يضحك هو وربعه وقالي اننا بعيدين عن الشرق وعن خرسان وبعيدين عن مملكة النجاشي وبعيدين عن ديار قريش وبعدين عن قبائل عبس وذبيان ووائل انك في المنتصف بينهم في منطقة الصعاليك وانا اللي اطالع فيه قلت وش صعاليكه قال لي الم تسمع بالشعراء الصعاليك قلت لا بالله ما سمعت بهم انا اللي اعرفه ان صعلوك يعني داشر تسلاب يعني زلابه يعني سمرمدي يعني سربوت يعني قاطع جاده يعني ما عندك احد وما فهموا الا كلمة تسلاب فحسوا اني اسبهم قام واحد منهم طلع سيفه اللي اطول مني وقال لخويه ساقسمه الى نصفين بضربتا واحده قلت ليه شايفني تفاحه وراكم علي تهي تهي تهي وقعدة ابكي وانا اقول ابي امي جيبوا لي ابوي وهم بدوا يستغربون ويطالعون في بعض وهم يقولون لي ما بالك ايها الاعرابي تبكي اهو خوفا من الموت ام انك تريد ان تستعطفنا لكي نرحمك ودا بعدك يا بعيد قلت لا بالله سووى ما بدا لكم الا وش السالفه يالربع(ممكن ياللي تقرأ تعلمني وين انا فيه ) اخذوني معهم وقالوا سنبيعه في سوق عكاظ وهو اطخم وعلامة الزين باينه على وجهه (كثر منها ) فالاكيد اننا سنربح من بيعه وهذا افضل من قتله سنبيعه هو والبعير وانا اللي اطرطع وتقفل معي وانشد القصيده التاليه

يا ونتي ونة البعير... اللي باعوه في السوقي كل السبب طاقية الخير ...من عقبها صرت مفقودي

عاد مالي خلق اكمل القصيده انا تعبان مره كملوها انتم بدالي وانا اللي اطرطع يوم شفتهم بيبيعوني انا والبعير يعني البعير خوذوا راحتكم يا شباب اعتبروه هديه مني لكم لكن انا بتبيعوني ليه نعنبوا حيكم يا حلالات العفرتيه يمين بالله لا انشبها في جباهكم وهم يقهقون ويتكلمون مع بعض ويقولون يا له من صيد محترم نحن نظن انه كان عائش في بلاد الفرس او بلاد الروم صحيح انه يتكلم العربيه ولكن لغته غير مفهومه وحنا ماشين ناصين سوق عكاظ هبط علينا الظلام وقال قائد الصعاليك فلنتوقف هنا عن المسير ولنأخذ قسطا من الراحه قلت جاك يا مهنا ما تمنى مالك يا مصرقع الا اليا منهم ناموا تحط رجلك وفعلا بعد ان شربوا واكلوا ناموا جعلهم ما يقومون وانا اللي امشي بشويش الين ما ابعدت عنهم وانا اللي اركض وشوي الا صوت يركض وراي قلت يا ليل التعاسه وش هالحظ الزفت اكيد واحد من هالصعاليك يطرد وراي يوم التفت الا بعيري يا حليله جاي يركض وهو يقول تهي تهي تهي ماهقيتها منك يا مصرقع تنحاش وتخليني يا تزليل الخاتمه وانا اللي اخمه وحنا نبكي سوى وقلت له سامحني يا حياتي غصبن عني انت ما سمعتم يوم يقولون بنبيعه هو والبعير ضاقت علي الوسيعه وفكرت بالانحياش بدونك قال اهم شئ ما تخليني مره ثانيه اقلت ابشر يا بعروري وانا اللي اصعد عليه ونركض ركيض الين ما ابعدنا عن مضارب هالصعاليك لا بارك الله فيهم

ويومين وحنا نمشي واخرتها وصلنا لغدير ماء وانا اللي اركض واشرب واسبح واسبح بعيري واروي تزربتي وما دريت الا بحس ضحكات من وراي واطالع لمصدر الصوت الا بنات مزايين كل وحده منهم تقول للقمر اقيف وراك وانا ابصير محلك من زينهم والا فيه وحده هي املحهم تشبه لا ايمان بنوره(علشان تندمجون بالقصه ) قالت لي مرحبا بك ايها الاعرابي قلت هلا وغلا قالت من اين انت قلت لا والله اللي رحنا بخرايطها هالاسئله نفس اسئلة الصعاليك لا يكون هذولي حريمهم بس قلت انتي من الصاليك قالت خسئت وقبح الله وجهك وانا اللي ترتفع حرارتي وقلت ورى ما تتلايطين ازين لا اتودس بحوض بطنك الا البنت تضحك قلت علامك تضحكين ما جاوبت كخخخخخخ هي ما فهمت من كلامي الا كلمة بطنك وتحسبني اتغزل فيها يالله لك الحمد والشكر بس انها تستاهل من يتغزل فيها هالغرنوق وقالت اسمع ايها الاعرابي اذهب من هنا قبل ان يأتي فرسان القبيله ويجدوك تتغزل بالنساء ثمن يقتلوك شر قتله قلت ما يخسون الا هم يقتلوني اهااااااا بس ما بعد عرفتيني يا بنت قالت من انت يعني قلت انا مشرف العيارين في الاقلاع قالت انعم واكرم اغرب عن وجهي والا اقلعت في سماء الموت وانا اللي اقمط ابو العافيه ما اداني سيرة الموت قلت طيب ممكن ارقمك قالت وما هذا ايضا قلت هذا رقم الموبايل حقي هلا اخذته وكلمتني وسوف اخطبك من اهلك ان قالها الله لانك حلوه ومزيونه وبنت رجال قالت اغرب ايها الفتى وانفذ بجلدك قلت الله واكبر شايفتني حصني وجلدي مرغوب الرب واحد والعمر واحد وما فاتكم اليوم تدركونه غدا وانا اللي انزل واوقف عند تزربته واحط الرقم بورقه كبيره وامشي وقبل ما امشي قلت لها الرقم تحت التزربه وانا اللي احرك حاجب وانزل حاجب واكحل عيني فيها وفي البنات اللي يروون شوي الا سهم مر من جنب راسي خلاني اتكرفس من فوق ظهر البعير ولولا البعير ما ثبتني على رجله تسان انكسر ظهري مثل الزير سالم ويوم رفعت راسي الا شاب مليح يتكلم مع البنت ويقول لها ما بال هذا الاعرابي اهو يتعرض لكم قالت له البنت لا يا اخي انه اعرابي محترم(الرقم عند التزربه ) وكان يسأل فقط عن سوق قومنا وعن سوق عكاظ وهل هو بعيد ام قريب انا كنت منصفق وقاعد اسئل نفسي نفس السؤال(وش القصه يا شباب ياللي تقرون امانه فيه احد منكم يعرف حنا وين الان)

وشوي الا هالفارس مد لي يده وقالي مرحبا بك يا اخ العرب وانني شديد الاسف على ما حصل لك وابشر بالحق(ايه هو قالي كذا وبراحتكم لا تصدقون ابد) قلت يا الاخو الحق اللي ابيه هو انك تعلمني وشلون اروح للشرقيه قالي هل تريد التوجه شرقا الى بلاد ديلمون وما وراء النهرين(انت خذه على قد عقله وقل ايه بس) قلت ايه قال سارشدك الى طريق سيوصلك الى مبتغاك ولكن يجب ان ننحر لك فانت ضيفنا قلت يا رجال لا تنحر ولا انحر انت بس قضبني الجاده ويجيب الله مطر قال لي على الطلاق بالثلاثه الا تقلط عندنا قلت طيب بس من غير حلوف وقلطت عندهم ثلاثة ايام وعقب هالثلاث ايام وراني الدرب وينك يا درب المحبه هل فارقوك الاحبه..هل فارقوك الاحبه

ومشيت قلت ابروح للشرقيه واكيد الى مني قربت ابشوف فندق المريديان من بعيد كخخخخخخخ ومشيت لي يومين وانا امشي النهار وبالليل اوقف وارقد وعلى هالحاله وفي اليوم الثالث وانا في راس تله الا اشوف فرس ابيض مقبل من بعيد الا ما يمديني افرك قلت اذا هو صعلوك يا اذبحه يا يذبحني واشوى ان ربعه ماهم معه ويوم قرب لي وان قامط ام العافيه الا طلع الفارس اللي شفته عند الغدير ويوم قرب اكثر الا الشرر يتطاير من بين عينيه وصلني وقال يجب ان اقتلك ايها الاعرابي ليه دنا غلبان خنت ثقتي وكرمي معك قلت له وشلون قال من قالك ترقم اختي يا ايها الصعلوك قلت شف سمني اي شئ الا صعلوك تراهم كانوا بيبيعوني في سوق عكاظ التفت علي وقال انني سابيعك في سوق الموت قلت يا رجال وكل امرك الى الله وهد اعصابك وخلنا نتفاهم قال ليس هناك بيني وبينك تفاهم الا هذا السيف ورمى علي سيف وقال بارزني فانا لا احب ان اقتل رجلا اعزل(يا عيني على المرجله فديت خشمك انا) قلت انت مصمم قال لا انا مهندس معماري كخخخخخخخخ قال ساقتلك واتبارز انا واياه ومن اول ضربه طير سيفي وطحت وصار فوق راسي وما اشوف الا لمعة السيف قلت تكفى يا الاجودي داخلن على الله ثم عليك قال اين تريد الضربه كخخخخخخخخخخ قلت اطعني في قلبي بس راسي لا تقربه قال لي لك ذلك وماذا تريد قبل ان تموت قلت ابسمع اغنية ام كلثوم الوقوف على الاطلال ورفع سيفه وانا اللي احط يدي على راسي واتلمسه الا الطاقيه قلت كله منك يا طاقية الشؤم ويوم حكيتها وانا انتظر الضربه الا حدثت المفأجاة

وعيت بنفسي ودريشه السياره يطقها عسكري وبيدي الطاقيه ويوم فتحت الدريشه الا العسكري يقولي الرخصه والاستماره


قلت ابشر بس حنا وين قال لا تكثر هرج وجب الرخصه والاستماره قلت طيب واعطيته الرخصه والاستماره وقلت له هل انت احد الصعاليك قال وش تقول يا روح امك هالكلمه فيها 6 شهور جريه قلت طيب وين حنا فيه(احد عرف ياللي تقرون الموضوع وين حنا فيه) قال ابسامحك هالمره عن كلمة الصعاليك وابعطيك بس مخالفه قلت طيب وين حنا فيه قال انت وش فيك صاحي ولا سكران قلت حنا بلانا من هالطاقيه ابروح ارجعها لصندوق جدتي وتوبه امد يدي على صندوق هالاسرار وهذا جزاء اللي يتعدى على خصوصيات العالم كخخخخخخخخخ والتفت للعسكري وقلت الا انت عطيتني مخالفه على ايش بالضبط
قال انا عطيتك مخالفه علشان

تظن انك تقود سيارتك في بلاد الروم او الفرس لماذا لم تربط الحزام اربط الحزام مرتا اخرى ثكلتك امك
THE END

اخواني و اخواتي المحترمين طلعوا هالقصة من موقعي الخاص

وشكر خاص للوسم و قطرة الندى

وفي امان الله

خاف الله يا سارق

اولا

كنت متابع لما يحدث من سرقه للموقع الشخصي لمصرقع الخبر الكاتب اللامع في منتديات الاقلاع وحينما استمر الوضع على سرقة جميع ما يحتويه موقعه الشخصي من مواضيع ونظرا لدخول العديد من الاخوان من من يعرفون مصرقع الخبر لفضح هذا السارق حينها قررت الدخول

اولا

انا اعرف الكاتب مصرقع الخبر شخصيا وحينما سئلته هل تكتب في منتديات ساند روز اجاب بانه لم يسبق له الكتابه في ذلك المنتدى ويشرفه ذلك وحينما اخبرته بان هناك شخص ينتحل اسمه اجابني ليست المرة الاولى الذي يحدث ذلك وليست المرة الاولى اللتي تسرق فيها مواضيعي ومن يسرق الافكار والمواضيع فهو حتما انسان عاجز ضعيف ليس لديه القدره على الابداع والابتكار ولا بد له من السقوط في مستنقع قذر اسمه السرقة والكذب والخداع والتضليل وقال لي بانه مشرف في منتديات الاقلاع وليس لديه الوقت الكافي الذي يسمح له بالمشاركه في ساند روز مع انه يشرفه ذلك كثيرا

عموما نظرا لان السارق فضح نفسه بنفسه وذلك حينما كتب اخر موضوع لمصرقع الخبر بعنوان (( يا ونتي ونة البعير اللي باعوه بالسوقي)) وقال اذهبوا وشاهدوه في موقعي الشخصي فانا اقول له بان مصرقع الخبر لم يضف هذا الموضوع الى موقعه الشخصي بعد وهو في الطريق الى فعل ذلك

واعتقد انه الان ادن نفسه بنفسه هذا السارق في البدايه ظننا انه اعجاب ولكن بعد ان انكشفت الحقائق فواضح ان الامر تعدى الاعجاب وانتقل الى السرقه الواضحه كوضوح الشمس في رابعة النهار كنت ساسكت واتركك الى ضميرك ولكن نظرا لان اسم الكاتب الكبير مصرقع الخبر تنتحله فربما تسرق في المستقبل مواضيع ناس اخرى وتنسبها لنفسك ايها السارق وسوف يظن الجميع بان مصرقع هو من يسرق ولهذا قررت الدخول ومحاولة فضح اعمالك

الان بعد هذا الكلام اقسم بالله العظيم بانني اعرف مصرقع الخبر شخصيا وهذا المنتحل ليس سوى سارق اتمنى ان يلقى الجزاء العادل منكم يا رواد هذه الساحة الرائعه كم اعجبني رد المشرف فهو بحق انسان رائع حاول ان يحفظ حقوق الاخرين من السرقه والضياع والسقوط في مستنقع اسمه الصعود على اكتاف الغير بارك الله فيه وجعل عمله خالص لوجه الله

انا دافعت عن الكاتب مصرقع الخبر نظرا لوقوفه معي في العديد من المواقف ولا اعتبر هذا الشئ الا جزاء يسير من رد الجميل له

شكرا لكم اخواني ووقفنا الله جميعا لما يحب ويرضى

اما هذا السارق فاقول له

يا اخي اكتب انت بنفسك وحاول ان تبدع فربما استطعت الوصول بعيد عن سرقة افكار ومواضيع الناس وثق بان هذه الشبكه العنكبوتيه لا يمكن ان تختبي في داخلها وانت سارق فالله كفيل بك وبجميع من هم على شاكلتك وتذكر بان حبل الكذب قصير وها انت وقعت

مرتا اخرى

اتمنى من المشرف على هذا المنتدى ايقاف هذا السارق نظرا لان الجرم الذي ارتكبه لم يكن فقط السرقه ولكن ايضا الكذب والله حسيبه

الشكر لك أخي العزيز ... الحقيقه ....

ودائماً الشجره المثمره .... تقذف بالحجارة ....

عموماً نحن بانتظار المشرفين لعمل ما يلزم .... !!!

ولك التحيه