هلا اخ حايلي...
خلاص على راحتك مو لازم تقول


بس فين البقية؟؟؟؟؟؟؟؟؟؟؟؟؟؟؟

مــراحـــب ..... شباب وشبابات ....

أجل سواليييف هنا وعقد وانا محد يعزمني ؟؟

طبعاً كالعاده القاعده الذهبيه .... العب ولا أخرب .... لذلك ... سوف اسدح عقدي هنا واللي يضحك بياخذ لكمة خطافيه من اخوي الحايلي

* عقدتي الكبرى ( سابقا ً ) هي التدخين في السياره .... كنت اذا جيت ادخن في السياره لازم طبعاً ... انزل القزاز ( وفي رواية أخرى الزجاج ) شوي .... عشان الدخان يطلع وما انكتم ..... المهم اذا انتهيت من التشفيط دايماً كنت ارمي السيجارة من الفتحه الصغيره اعلى الشبّاك ..... ودايما أجنّب السياره على جنب ولو اني ماشي 900 و اشيّك على المقعد الخلفي ...... لأني يتهيألي ان السيجاره ما طلعت للشارع ودخلت على المقعد اللي في الخلف ...... والسبب اني ايام الثانويه ..... طلعونا بدري ( قول انك مفرّك لا تستحي ) المهم ... وكنت راكب مع الشباب ونفس الطريقه جيت ارمي السيجاره .... ما طلعت ..... طارت على المقعد الخلفي اللي فيه أحد المفركين .... يطلق عليه لقب ( الدب ) .... واستقرت في عينه ... طبعا الباقي مو لازم منعاً للأحراج ..... الحمدلله حالياً بطلت الدخان ..... اشرب باور هورس بس

حاليا عقدتي الكبرى في الحياه هي الشغاله ... أو الخادمه .... مستحيل تلمس شي من اغراضي او انها تمد يدها على اكل انا مشارك فيه ....... مستحيل مستحيل ...... بدون سبب مدري ليه مسكت معاي غلط والبركه في الوالده الله يحفظها .........

......... وبس .......

تحياتي لكم كلكم .... وتحيه خاصه لـ قـطرة نـدى على الموضوع الفتاك .......

.

_______________________________________


الـسـلام عـلـيـكـم ورحـمـه الـلـه وبـركـاتـه

اخـــي وســم الـمـحـتـرم

حـيـلكـ الـلـه بـمـوضـوع اخـتـي قـطـره الـنـدى الـمـحـتـرمـه ونـعـتـذر لـعـدم ارسـال بـطـاقـه لـدعـوتـك مـير مـن مـتـى صـاحـب الـبـيـت يـنـعـزم عـلـى بـيـتـه ؟



الـلـه يـخـلـيـكـ لـوالـدتـكـ ويـطـول الـلـه بـعـمـرهـا ..
والـحـمـدلـلـه انـكـ تـركـت الـداء الـمـمـيـت (الـمـوت الـبـطـئ) نـسـمـع ومـا زلـنـا نـسـمـع الـكـثـيـر مـن الـنـاس اشـتـعـلـت سـيـارتـهـم والـسـبـب سـيـجـاره والـقـصـص كـثـيـره ..الخ

ودي اشارك

بصراحه هذا الموضوع عجبني جدا وراح اذكرلكم ويش معقدني...

يمكن تشوفونها عاديه بس والله اني اتعب منها كثير شوقتكم تعرفونها ....

انا طال عمركم عقدتي اذا احد اتثاوب عندي اقعد اتثاوب معاه على طول لا ارادياُ واقعد كل اشوي اتثاوب اتثاوب الين ما يصيبني الكسل والخمول التام وجسمي يتكسر ولا اقدر اسوي شئ يمكن انتم تشوفونها عادي بس هي متعبه بصراحه الله يقدرني واحاول امسك نفسي عنها ااااااه لالا ياسيد لاتثاوب قدامي الله يسااااااا محك
جبتلي هيا ياربي

هالله هالله ...
والله نسييييييييييييييييييت هدا الشي....
تعرفوا ايش هو؟؟؟؟؟؟؟؟؟
اني كل ما اكتب موضوع اطبع كروت دعوة لكل واحد فيكم.....والله فكرة ليش مانسويها.......(تراني امزح)
المهم ..... با هلا ومرحبا بيك اخي المحترم نبيل...
عن جد شي يضليق انه كل دقيقة والتانية الواحد فاتح فمه بيتاوب بس ما نقول غير اللــــــــــــــــــــتتته يعينك.....
وانت يا اخ وسم الله يهديك....يعني غلقت طفايات السيارة جاي ترمي السيجارة من القزاز.....بس ومن ناحية الشغالة فأنا يعني تقريبا ما احبها تمسك اغراضي كتير...
بس خلاص...
اه اه نسيت شي ترى في عندي عقدة تانية بس .....اقولكم هي بعديــــــــن
ok
يالله سلام

السوق

عقدتي اني امووووووووووووووووووووووووووووووووووووووووووووت في السوق انجن عليه لو يمر يوم وما اروح لي مركز عندنا في الرياضانجن ولا تجيني حاله اكتاب


والعقده الثانيه اني ما احب اكل البيت يا حرام الخدامه تطبخ وتتعب وما احد يا كل لها حتى في الايام الاخيره باديه تنافخ علينا هي وزوجها ليه انت ما في اكل بصراحه المطاعم احلى والذ


والعقده الثالثه اني نفسي اشوف عرض ازياء لالي صعب بحياتي ما توافق مشاويري الا مع موعد الدفيليه تبعه فا انقهر وانجن
وارجو انو عقدي ما تعقدكم

أختي دلوعة امها ...

اذا صارت هذي عقدك انتي ..... الله يعين اللي يصرفون عليك بس

حلوه وسيم

اهلين اخوي وسيم ايش اخبارك ولا بعد عندي عقده رابعه
الي




هي


اني ما اطيق حاجه اسمها دكتور اسنان ولا احبه وانهبل ويجين صرع ولا اروحله حتى مره رحت له ودخل يده في فمي يبغى يشيل ضرسي المسوس من الشكولا والحلاويات واول ما دخل يده عضيتها عضه الله لا يوريك شكله بعد ها العضه اعتزل من الدكتوراه

الله اكبر يادلوعة..

كل هذا ..وليش تعضين يد الدكتور..

لو انا مكان الدكتور باعض يدك ..

عقدك غريييبة..

وصدق وسم ..

ههههههههه

فكرة حلوة مررررررررررة

انا عندى عقده اسمها السبلان (علي قول الاخت لول )
كنت في رحلة الي منطقة الشفاء ( احد المناطق الجميلة جداً التابعة لمحافظة الطائف بالمملكة العربية السعودية ) ومن كثر السهر والتعب نمت خارج المخيم وانا في عز النوم حسيت بشي غريب ولما فتحت عيني واذا مجموعة كبيرة من القرود اكرمكم الله مره بجانبي عاد قلت في نفسي خليني مسدوح عشان لا ينتبهون لي .... وفعلاً نجاحة الفكرة ....ولكن اخر واحد في القطيع انتبه ان لوجودي ......وجالس يطالعني بحقد كني ذابح ابوه .... وعندما حول الاقتراب مني ...... اطلقت ساقي لريح (هم يقولون كذا) وعلي المخيم ..... ولولا فزعة العيال كان رحت في خرايطها .....ومن يومها وانا عندى عقده من هذولا الملعين .....

السلام عليكم ورحمة الله وبركاته

طبعا.. أنا وحيد .. فاكهة الساحة .. أنا وحيد.. أتكلم بفصاحة.. أنا وحيد.. طبعي السماحة.. وبعد ...

شكرا على ابتسامتكم .. الإبتسامة في وجه أخيك صدقة ..

ما أسميه عقدة .. بس أشياء لا تعجبني وأزعل وايد وأتضايق منه

وأظل فترة من اليوم غير مرتاح ووو..

أولا :- انتهاك حرمات الله وخاصة لما أرى المتبرجات والمتعطرات ..والولاجة والخراجة للأسواق بدون حاجة وضرورة

ثانيا :- التقرب والتعصب للقوميات وأصحاب المناصب

ثالثا :- النسيان

رابعا :- المجاملات الزايد ة عن اللزوم والأدب

خامسا :- مرات أكتب أو أرد أو أعقب على الأعضاء بمنتديات مختلفة بأسلوب أو صياغة قد تكون سببا في أخذ موقف مخالف لما أود توصيله نتيجة حالة من الضيق او تعب او إرهاق وهذا يسبب لي عدم الإرتياح لما قد أكون سببته تجاه إخواني في الله.

والله هذا القسم من المنتدى فيه نوع من المرح والروح الرياضة والمحبة والألفة وكثرة المشاركين ... رفع الله قدركم.وهذا من أسباب مشاركتي

والله المستعان

والسلام عليكم ورحمة الله وبركاته

محبكم وأخوكم

[email protected]

اهلا اخ وحيد...

بصراحة قوية كده انا معاك في بعض اللي قلته
اعانك الله...
تحياتي