كنت شاب مثل اي شاب لامنه لقى الوظيفه (عاد الله من زين الوظيفه) الواحد مننا يتخرج ويطقطق اصبع عند اميمته وكل يوم يتنافس هو وهالعجز على من يحجز امه للقهوه ياهو يقعد عند امه يخرط ويلمع عليها يا امه تقعد تعطيه من نصب هالعجز وحشهم في مخاليق الله وفلانه سوت وفلانه تركت وفلانه تخانقت مع زوجها وفلان سافر للحج وهو حاطن رجله لتايلند وفلانه تطلقت وفلانه غيرت غرفة نومها وفلانه قصت كاريه والعجوز الفلانيه تخضبت عاد الواحد من هالشباب يفك ثمه ويبلج خشته على هالسوالف ايه دام الدعوه فيها سوالف حريم اكيد بينتبه وبينصت ولو الدعوه محاضره في الجامعه كان تلقلى الذبان فوق برطمه وهو يسعبل في القاعه من النوم

المهم انا ماني من الشباب اللي مثل هالنوع انا شاب ماتهمني سوالف الحريم ولا تقوم ولا تقعد عندي (ايه هين) والواحد مننا وش يستفيد من هالسوالف ما غير يحترق كانه بيض في قلايه مصديه بالذات لامنهم جابو سيرة المزايين فلانه مملوحه وفلانه خصرها حلو وفلانه مزيونه وما يدرون هالعجز انهم يجنون على مستقبل اجيال بكلامهم والشاطر يفهم

طبعا الوظيفه كأي وظيفه الواحد مننا يظن انه يتعب ويشقى وهو طاقن رجل على رجل ويقرأ جرائد ولا منه راح للبيت قبل ما يدخل للبيت يخرب كشخته ويميل العقال ويتظاهر بالارهاق ويقول انا شقيان انا تعبان انا ندمان انا انسان انا التعب عندي هو العنوان ان الشقا عندي هو الحرمان انا من الارق كما الورطان

============================================

في يوم كنت قاعد مع اميمتي اقلب في هالمحطات وكل ما شفت زول مره وقفت وقلت وااااااااااااو يالطيف واااااااااااااااااو ياساتر عاد اميمتي مدمنة قهوه وكل ما قلت هالكلمه ياحبي لها ترسل لي طيور السلام مغرده وتحط تلك الطيور فوق جبهتي وطبعا طيور السلام تلك بيضاء اللون جميلة المظهر وهي فناجيل القهوه وربما تطور الامر حينما اشهق وترسل لي بيالة شاهي وهي تقول متى تعرس يا مصرقع ونفتك من وجهك يعني يا ميمتي لامني تزوجت ما راح اقول وااااااااااااااو يالطيف واااااااااااااااو يا ساتر قالت لا بتقولها بس بتقولها لا ام عيالك قلت طيب متى يا امي يصير هالشئ قالت اذا حجت البقر على قرونها قلت ازين... واوريكم ابسافر قالت وين تسافر قلت ابسافر لديرة وااااااااااااااااخا سيدي وابنسحر هناك وبتفقدوني وتخسرون ولدكم المصرقع (كل هالكلام علشان احرك احاسيسها واحرك فيها عاطفة الامومه علشان تترجاني وتقول ارجوك يا ولدي هههههههه مثل زوزو نبيل في اصابع الزمن لا تسويها) لكن وانا اتوقع كلمة الرجاء من اميمتي اتفاجأ بطير سلام من العيار الثقيل طائر يغرد فارشن جناحيه ومقبلن الى وجهي لكي يطعجه انه دلة القهوه بكبرها افااااااااااااااااااااااا ما تستحي وتقولها يالسمرمدي قم لابارك الله فيك وطس عن وجهي تيب تيب يا امي لا تدفين واقوم وانا اجرجر اذيال الخيبه والحسره مهرولا في اتجاه المجهول

============================================

محادثه بين امي وابوي

يا ابو مصرقع لبيه يا ام مصرقع امري تدللي قولي سمي(شكل ابوي قد مروا عليه طيور السلام)

ولدك هالداشر(يمه عن الغلط عاد) يقول يا تزوجوني يا ابسافر لديرة مزيان بالزاف ابوي ايه خليه يسافر ويشوف الدنيا(يا بعد تسبدي انت) قربع قربع(امي حذفت ابوي بفنجال) افاااااااااااا عليك بس هالحين ابيك تنصحه وانت تخربه وش تبيني اسوي له يا ام مصرقع ولدك شاب ومنطلق(امشي بسرعة 180 كغم ههههه) وعقله طاق(ايه طاق ولد جيراننا الدحمي طقيته بلوح) ومخفه(مخفه جابته امك) وكل شوي مسوي لنا مشكله مع الجيران ما يغازل الا خداماتهم نعنبوا داره تارك هالزيون ويغازل بهالشغالات وياليت الوحده عاد تسوى كل وحده منهم تقول قرد مدغدغينه ويبون يروشونه بالماء .......طيب يا ابو مصرقع انا عارفه كل هالكلام وولدك ما راح يهجد ويعقل الا بطريقه وحده.........وشهي يا طويلة العمر........قربع قربع(بياله) لا تقول طويلة عمر ما طويل عمر الا ابليس ......طيب وش الحل في نظرك.........ماله الا العرس يا ابو المصرقع..........وشو عرس....ايه ما راح نرتاح من همه الا بالعرس(يبون يتخلصون مني والله لو انا قوطي تونه منتهي تاريخه ما سوو فيني هالشئ) والله شورك وهداية الله يا ام مصرقع انتي حاطه عينك على احد......ايه حاطه عيني على بنيه مزيونه وهي اللي بتهجد ولدنا.....منهي يا ام مصرقع....منيره بنت ابو صالح بنت متعلمه ومزيونه وفاهمه وواعيه واهلها ناس طيبين(دا خالي هو اللي بيوكلهم) ....قال خلاص تم خليني اجس نبض ابوها اول ولا تعلمين خبلك الين ما اقولك قالت امي تيب

============================================

محادثه بين ابوي وابو منيره

مسيت بالخير يا ابو صالح هلالالالا والله بابو مصرقع وشخبارك يا جدي تقهوى عندنا ابوي اوكيه(ذابحه الانجليزي) ويدخلون للمجلس وتدخل القهوه ويصب ابو صالح فنجاله قال ابوي ما اشربه ابد يا ابو صالح قبل ما تحقق لي رغبتي قال ابو صالح ابشر بسعدك يا ابو مصرقع الا تسان الدعوه فلوس فاغسل يدك من الان وعمرك ان شاء الله ما شربت قهوتي الا هي ابرك ساعه بعد(ابو صالح قعيطي ومنتف وجلده) لا احد يقول ليه تقول عنه كذا (نسيبي وانا حر) قال ابوي لا يا ابو صالح انا جاي وطالبن يد بنتك منيره لولدي مصرقع انت عارف توه متخرج من الجامعه(وشلون ما ادري) وتوه متوظف(برضه وشلون ما ادري) والان قلنا نزوجه ومالقينا ناس نفتخر اننا نتصاهر معهم كثركم يا ابو صالح قال ابو صالح ابشر والله يا ابو مصرقع انا من ناحيتي موافق موافق موافق موافق(بشير غنيم على غفله) بس لازم نشاور البنت وامها قال ابوي خلاص ورد علي وحنا طالعين من المسجد وترى الزواج قسمه ونصيب يا ابو صالح اذا ما صار قبول تراكم اهل عزيزين وغاليين(اصباغ همبل) قال خلاص عطني مهلة اسبوع وابرد عليك



رجع ابوي وعلم امي باللي صار قالت اميمتي ان شاء الله خير يا ابو مصرقع قال والله يا ام مصرقع انا دائم اتفائل واحس بهالشئ الين ما اشوف وجه ولدك وانسى الخير(ما تلاحظ انك مصختها شوي كل شوي تهينن)

============================================

محادثه بين ابو صالح وام صالح ومنيره

ام صالح تدرين وش كان يبي ابو مصرقع لاوالله يا ابو صالح وش كان يبي....جاي يخطب بنتنا منيره لولده مصرقع(لولييييييييييييييييييييييش زغروطه من حماتي) وجععععععع يا ام صالح للان ما عطيتهم خبر قلت اشاورك واشاور بنتك...والله انا من ناحيتي ما عندي مانع يا ابو صالح بس خلنا نشاور منيره ونشوف رائيها قال هذا اللي ابي....منيره منيره تعالي يا ابنيتي ابوك يبيك.....سم يا يبه.....منيره فيه واحد متقدم لك يبي يخطبك.......منيره(قلب وجهها وصار تسنها قوطي صلصه طايح من سيارة شحن وواطيه هايلكس مسرع بسرعة 180 كخخخخخخخ) والله يا يبه انا ودي اكمل تعليمي اول واذا خلصت بكيفكم وسوو اللي تشوفونه في صالحي....قال لها ابوها طيب ما سألتينا من اللي متقدم لك ...قالت من......قال لها ابوها....مصرقع .....(صار وجهها الان كانه غرشة كاتشب منتثر نصها على طاوله وصخه والهندي ما بعد جاء ينظفها) .......مصرقع ما غيره الداشر(داشر جابته امك) ....وبقلبها تقول(حبيب الطفوله هو اللي متقدم لي) ......والله يا يبه مثلك عارف انا ومصرقع ربينا مع بعض من ايام طفولتنا ولكن قبل ما اعطيك كلمه المفروض انه يشوفني واشوفه وهذا هو شرطي(ولا جندي ) ابي الانسان اللي اخذه يكون مقتنع فيني وماليه عينه....قال ابوها ابشري يا بنيتي ابعلم ابوه واخليه يجي يقعد معك لو خمس دقائق وهو يكحل عينه بشوفتك وانتي تكحلين عينك بشوفته(تعرفون انا اطخم) والله يكتب اللي فيه الخير ان شاء الله (منيره بداخل قلبها تقول ما ادري مصرقع تغير عن ايام الطفوله ولا لازال شقي يا حبني له)

============================================

محادثه بين مصرقع وامه

مصرقع.... سمي يمه وش تبين... مصرقع وش نويت عليه...والله يا اميمتي ناوي اروح اشيش(قربع قربع فنجال قهوه) ....انا اقصد على مستقبلك وش نويت عليه.....والله يا اميمتي نويت ادور له عقد عمل في احد الدول وارسله هناك يشتغل ويجمع فلوس الشئه والمهر(قربع قربع بيالة شاهي باقي فيها النصف) ....وجعن يوجعك انت ما تترك ثقالة دمك.....اسمع وانا امك هالخبر السعيد.......ابوك خطب لك.....وشوووو خطب لي...خطب لي مين....خطب لك وحده تسواك وتسوى اهلك بعد ....خطب لك منيره بنت ابو صالح...وشوووووو منيره منيره ما غيرها.....ايه منيره ما غيرها.....ليه يا اميمتي قلوا البنات(قربع قربع) الطوفريه بكبرها هالمره لان النقاش حامي .....انت تطول حتى ظفر منيره .... يمه منيره انا نفسي فالعها مرتين مره بطابوقه لانها ما عطتني عسكريم فيمتو والمره الثانيه فالعها بصنقل السيكل والان تبون تزوجوني اياها وهي كلها عاهات ......امي تضحك.....يا وليدي هالكلام ايام الطفوله والان البنت مزيونه وتجنن وتهبل وخطابها واجد وزين اذا وافقت عليك(انا ذبت من هالكلام لاني لا سمعت كلمة مزيونه ولا تجنن وتهبل...احس اني في بانيو ماء دافئ ومدد رجولي وقاعد اغني....علايه يا علايه ابوس ما عبرني يا علايه) ...يعني يا اميمتي منيره صارت مزيونه.....ايه صارت مزيونه وبعد اسبوع بيعطون ابوك الخبر هم موافقين ولا لا.......يارب يا اميمتي انهم يوافقون لاني احب منيره من الطفوله (قربع قربع) بلا نصب هماك توى تقول انك ما تبيها ....يا امي انا اتذكرها من زمان كان وجهها كانه قفل سيكل وضايع مفتاحه ....وخشمها كانه جربوع مشممينه بنزين ....والان تقولين لي حلوه.........يمه انا فاك مع منيره ومتخريط معها وابيها ابيها (مصطلحات عرابجه) ....طيب يا وليدي الله يهدي سركم مع بعض....يمه....سم يا وليدي .... انتم ليه تقولون الله يهدي سركم ليه ما تقولون الله يهدي خشمكم ولا الله يهدي حنوككم (قربع قربع)



بعد كم يوم اتصل ابو صالح بابو مصرقع وقال له حنا يا ابو مصرقع ما عندنا مانع بس منيره شارطه ان مصرقع يشوفها وهي تشوفه وعقب هالشئ اللي فيه الخير بيكتبه ربنا قال ابو مصرقع خلاص الخميس الجاي ابرسله لكم والله يوفقنا واياكم ومصاهرتك شرف لنا يا ابو صالح ابو صالح بالعكس مصاهرتك انت يا ابو مصرقع هي الشرف وحنا اللي نفتخر فيها(شيبان ويصبغون بعض)

============================================


To Be Contiued