لكي لا تكون مالغاً .. تفضل هنا
السلام عليكم كلكم
أخباركم وعلومكم وعساكم بخير
بصراحة حبيت أسولف لكم عن مشكلة كبيرة ومستفحلة في هالعالم
وهي إن الكثير من المجتمعات تعاني من الملاغة
والملاغة تعني التميلح بشيء من ثقالة الطينة
والمالغ لا يتعدى كونه عالة على المجتمع وعاهة مشوهه فيه بكل أسف
وبما إنكم أفراد من هالمجتمعات .. والخير يخص والشر يعم
حبيت أطرح لكم هالموضوع
اللي راح يساهم بشكل كبير في تخفيف وطئة مصيبتكم إذا كنتم مالغين الله يخلف على أمن جابتكم 
وهو عبارة عن نصايح في الكتابة اللي راح يتّبعها بعناية فائقة سيلاحظ إنه شخص مرغوب فيه وغير مالغ إطلاقاً 
مع إنه في الحقيقة راح يظلّ عاهة كما أسلفنا .. لأن العاهة أساساً عاهة من جابته أمه 
لكنه بيتحوّل بقدرة قادر إلى >>>>>> عاهة متطورة 
وهنا الفرق 
وهنا الفرق والحين أبي كل واحد فيكم يفضّي لي راسه اللي ما فيه إلا حتات خبز ويركّز معي ..
أول شي .. إعرف كيف تكتب مداخلة في أي موضوع ( 
)
)يعني لا تجي طاير ومتحمس وتتفلسف وتتميلح على غير سنع وأنت ما تدري وين الله حاشرك .. إلا إذا كان في تصرفك إضافة حلوة .. إلعبها صح وبتكون النتيجة حلوة وألا تحمّل اللي بيجيك 
وألا تحمّل اللي بيجيك إما إذا كانك يا معفوط الخشم والسلامة دلخ لا رجاء من علاجه وما تعرف تنتقي ألفاظك فأربط براطمك بأقرب سلك توصيلة ولا تقرب الموضوع خير شر .. وألا أشكر كاتبه وإنقلع
ثاني شي .. لا تهايط ( 
)
)أكثر شي يخلي الواحد مالغ المهايطة .. تدرون ليش
لأن مصير المهايطي حدا أمرين
يا إن الناس بيكرهونه ويتحاشونه بسبب أسلوبه اللي كنه بيض خايس 
يا إنه بيطيح في يدين شخصن ما في يومن ما وبيشرشحه ويتمردغ في بطنه وبيمرغ خشمه النحاسي في أقرب مراغة ويخليه نكتة الموسم 
فحذاري يا مال الصمرقع أنت وأياه من المهايطة بارك الله فيكم
ثالث شي .. إترك عنك التزعّل والتغلي ( 
)
)يعني لا تصير دلّوع مرة ومغرور ثم ما تدري إلا وأنت مصموخ بعجرا مليانة شوك على راسك ذا المربع على قولة بعض الناس
ترى الناس ما ولدوك عشان يرحمونك 
خلك وسيع صدر وتقبّل كل دعابة تجيك وخلك مرح .. وأترك عنك النجاسة واللعانة 
خلك صريح وواضح .. وخل قلبك أبيض .. وإترك عنك الألفاظ المبطنة بمعاني ثانية يا مال البندق
رابع شي .. لا تستغلّ سلطتك ( 
)
)مو عشانك مودير وألا موديره وألا موشرف وألا موشرفه تزعط وتسوي زحمة 
حاول تهدا وأشرب لك كاس فول وروّق
كلنا هنا حبايب وأخوان .. ونبي بس نوسّع الصدر 
مو يفشّلك بعدين واحد من الأعضاء عشان أسلوبه أحسن من أسلوبك تروح تقلب عليه بحكم سلطتك 
بالعكس حاول تصير ذكي وشغّل نخاعك وإستفد منه وخله يستفيد منك 
وتذكّر إن كراع وحدة ما تصفّق
وتذكر بعد إن الناس مو مجبورين يشاركون معك .. لأن فيه ملايين الأماكن اللي بترحب فيه غير مكانك ذا اللي كنه صندقة تكارنة 
خلك ذيب يا مال الضعفة
خامس شي .. لا تسوي نفسك فاهم ( 
)
)يعني لا تقعد تتفلسف في اللي مالك فيه .. وتقبّل من كل اللي حولك 
خلك إجتماعي قد ما تقدر .. ومو تجي للناس بنفس خايسة وكنك نايم في مكب نفاية ومفطر على فار
أو إنك تعطي رايك في كل شي بكل ثقة وأنانية وأنت من جنب الرصيف
أهجد وأترك عنك التمريس البايخ .. وخلنا حلوين
عموماً .. هذي نصايح بسيطة وأتمنى إنها تفيدكم عشان تكونون بعيدين عن شبهة الملاغة 
وعشان تكونون أعضاء فعّالين في مجتمعاتكم بدال ما أنتم عآلة على الأمم كلها وحسوبين عليها على الفاضي
والموضوع هذا غير مقصود به أحد على الإطلاق
لكنها خدمة إنسانية حبيت أقدمها للإنسانية كلها تحت شعار لا للملاغة 
واللي بيشك في نفسه وبيزعل فأنصحه يدوّر له أقرب جدار في أي عمارة عظم حولهم ويصكّ راسه فيه 
لا بارك الله فيه دامه بيزعل <<<<<< هههههههههه أتحدى أحد يزعل
وختاماً ترى هالموضوع المتواضع من تأليفي فديت خشمي الأملح لكن لا يمنع ومن الممتكن نسخه ونشره للفائدة مع الإشارة للموضوع الأساسي فديت عيونكم اللي مليانة غمص
إكيد إنك راعي ذمة وضمير وتسمع الكلام .. شاطر حبيبي
وإذا كانكم لقيتوه منّا وألا منّا فيمتكن إني ضايفه في مكان ثاني أو إنه منسوخ من هنا
وبالنسبة للألفاظ اللي يصعب أو يشتبه عليكم فهمها .. أرجو منكم طرحها وراح أشرحها لكم
والموضوع كله للسخرية والضحك البريء لا أكثر
وأنتظر ردودكم الحلوة تنوّر موضوعي ذا اللي مدري وش يبي
مع الصلااااامة
قرب خشمك أعدّله بالزرادية .. وتراك أول زبون 
تعليق