السلام عليكم
كيفكم يا أعضاء المنتدى الغالي؟؟
وكيف الامتحانات وياكم؟؟
في كــل ترم من السنه تتكرر نفس الأحداث في فترة((مــاقبل الإختبارات)) ومثل مانعرف هذي الفترة تكون أوضاع البيوت متوتره وحالة البيت صعبه ويسود البيت القلق والتوتر والخوف من الإختبارات؟؟
بس في بيتنا الجــوغيـــر كلٍ عايش حياته لحاله ابتداءً من الأبو إلى القعده ((حمودي))
هذا نموذج بسييط
اليوم:الأحد
الساعة:2 ظهراً
توني صاحيه من النوم وجالسه انا وسوسو وحمودي نفطر وامي جالسه كالعاده ماسكه السماعه تكلم وكالة انباء ناسا الحي تجيب لها اخبار الحي((الجوهره))
وأثناء ما كنا مندمجين مع التلفزيون يدخل الاخو الكبير((خالد))ووجهه متلفففففففففع
وفي يده جريده أول ما دخل ذب الجريده وباين انه جاب العيد
في إختباره فسخ نظاراته وعيونه حممررر من القهر ووده يصيح ويرقعها بالضحك وامي تسال باسلوب يزيد الطين بلله
وفي يده جريده أول ما دخل ذب الجريده وباين انه جاب العيد في إختباره فسخ نظاراته وعيونه حممررر من القهر ووده يصيح ويرقعها بالضحك وامي تسال باسلوب يزيد الطين بلله امي:هاه وش اخبار امتحانك؟؟
خالد وهو مكششر :زففففت الله يلعنهم
تصرخ امي وهي موشكه ع البكاء:آرااه لكـ اسبوع صاك ع نفسك الباب ومانشوفك ولا عرفت تحل؟؟
خالد والدمعه تتأرجح في عينه
:وش أسوى أسألتهم صعبه
:وش أسوى أسألتهم صعبهعاد امي مالقت تقول ذا الحتسي الا للدافور؟
المهم بعد اذان العصر توصل أختي المصريه كانون(( داخله قسم قانون ومسويه زححمه)) بهالقسم
(( داخله قسم قانون ومسويه زححمه)) بهالقسم جيت انا مسويه حريصه
أنا:كيف اختبار السلم؟؟
ناظرتني بعين :لو سمحتي كانون دولي ((قانون دولي))
انا وفيني الضحكه:المهم جاوبتي؟؟
ام كانون مستحيل تقول ما جاوبت ضحكت ودريت انها جابت العيد.
صعدت الى الدور الثاني <<مسويه لغه<<لايكثر
وألقى بوجهي غرفة سوسو
وأدخل والقاها حايسسه الدنيا ومجمعه أقلام البيت كلها عندها((أخبر اللي يذاكر ما يشخبط))
والقاها تشخبط وتقول مليييييييييت من المذاكرة تعالي سولفي
انا وبكل بروود:مهب لازم ترى تذاكرين؟؟<<امحق اخت
سحبت كرسي وقعدت اسولف فجأة ذا العبده اللي مالها خاتمه طردتني 
رحت للغرفة اللي جنبها (((اختي اللي مسوية زحمه اخر سنه ومشروع تخرج وحوسه)))
واول ما دخلت غرفتها الاها شوي وتدخل بالكمبيوتر
واستقبلتني بكشتها الطايره وهي تطقطق اصابعها وتقطع شفايفها ونظاراتها اللي خطر ما تطيح
وتقول: البرنامج مو راضي يشتغل ولا زم ارسله للبنات عشان يسلمونه وانا اناظرها وفاتحه خشتي ما ادري وش تحتسي
انا:طيب وديه لباث<<محل كمبيوتر عندنا
قالت:هذا مشروع تخرج ((لي سنه اسمع به ولا ادري وشو والى الان ما خلصت منه ))
يوم شفت حالتها حاااامت كبددي
وطلعت رحت للسيب المقابل
مريت من غرفة حمودي وقلت اسوي نفسي فاهمه واساعده وافتح الباب والقاه ذا الدب منجط ع السرير وناااايم والكتاب تحته يشتكي
طليت وجبت منديل احركه عند اذنه ماقام الولد واخذت له لقطه ع الطاير
طلعت رحت لغرفة الابله وادخل والقاها تكلم الجوال بأذن السماعة الثابت باذن وتهووووش ع مشاكل مدرستهم ذا اللي ولا قضية فسلطين اللي الى الحين ما انحلت
وأول ماشافتني قالت:ملح انزلي تحت قولي ((للشيف تبسيا))تسوي بيتزا وفطاير وحلا وقهوه وشاهي و...و............و........الخ
علي الفطور بكرا>>أي شي في المطبخ تأخذه للمدرسه عنبو هالمدرسات مهب يشبعون مثل الجراد مايجتمع الا ع خضار..
نزلت تحت وانا في الدرج اشم ريحة القهوه اللي تصك الرأس وريحة البيتزا والفطاير وسعابيلي تقوطر والقى امي تحوس في المطبخ ماجا ببالي الا صديقتي((الحجازيه)) يوم تقول ((ماما ايام الامتحانات ما توووخرج من البيت وتجلس معانا))
انا فرحت قلت اشوا امي صارت مثل ام المصاريا
وادخل المطبخ واجي طااايره وانا اقول ثااانكس مامي<<يقالي اتدلع
والا الشغالات يدهرون ويجهزون الزمازم والصياني والبيتزا والفطاير
جيت بأكل صرخت الماما مهب لتس باروح اقهوي وحده والده ياخزياه ولدها الاول مارحت لها<<امي تبرر لنفسها لانها كل يوم طالعه مهب تقعد بالبيت ابدد
وانا وقفت متحطمممه واثنا ما كانت تلبس عبايتهاقالت:هماه<<اسلوب ندا
اذا زهم علي احد قولي امي ما ادري وين رايحه<<حشا منب عايشه فيذا البيت))
والمغرب انزلي وحطي القهوه لابوس وقولي اني ماطلعت الا مسيان((وهي طالعه بعد صلاه العصر مباشره))!!
وقومي اخوانس اذا اذن المغرب وصكي البيبان وحمودي لا يطلع بالشارع<<ع فكره حمودي باول متوسط
مرت ساعات العصر وانا اقرى روايه بجوالي
اذن المغرب وطلعوا من الصلاة واسمع قرع نعال ابوي شخ شخ شخ ((القرع هذا مثل الانذار اللي منجط يقوم واللي نايم عن الصلاة يفز واللي مثلي تفتح الكتاب اسم انها تذاكر))
دخل وطبعا لازم اوقف وقفة السلام الملكي خخخخخ
ومعي كتابي يقالي اذاكر
ويوم جلس جلست وقعدت اصب القهوه واول سؤال
ابوي:وين امس
انا:طالعه هاه ,,طالعه من شوي<<اسمع الدرس اللي حفظتنياه امي
ابوي:خلاص ياامي انا اصب القهوه وروحي ذاكري ما يدري اني احط الجوال جوا الكتاب واقرى الروايه
بعد عشر دقايق قال ابوي نادي اخواتك
ووين سوسو اخبرها تحب القهوه رحت دقيت عليهم نص رنات<<فهموا المغزى الحركه مفهومه وقت القهوه
نزلوا وكلن بيده اللي شكولت واللي شبس وابوي كالعادة يعلق هذا قدوعكم؟؟ويفتح لنا محاضرة عن التمر وفوائده والفيتامينات اللي فيه..طبعا قهوتنا تاخذ 4او3 ساعات ع الساعه 9:30 عشر خلصنا وكلن رجع لمسقط راسه ((غرفته+كتابه))
من 10 الى ان ينام الوالد الوضع هادئ اقضي بالمكالمات مع صديقاتي او نت او أي طاعون يلهيني أي شي غير كتابي لو فلم معيود ميه مره نو بربلم بعد الساعه 12
تبدأ الخرشه ينزل افواج متجهين الى غرفة المعيشه ونحط الشاهي والحب والساعة الصدر ولازم فيه فلم او أي شي اهم شي في التلفزيون شي يتحرك وازعاج
وانواع الحش لا ابو يقول اسكتو عشان الاخبار ولا ام تقول بأصلي وابادعي اسكتوا..
ينزل الاخ خالد يأخذ كوب شاهي طبعا هذا استحاله يجلس معنا ياخذ كوب وفطيره يروح للمأخوذه استراحتهم وحمودي هو وامي صياح ونياح معه الاينام وهو يكرر كرهتيني في حياتي<<لاتعليق
2ونص يعم الهدوء ع انحا المنزل
ومن بعدها النووم
وش أنت يا اليوم الحافل ؟! ما أدري !!! لكن سمعتها كذا !! 
تعليق