سلااااااااااام ياعرب
اسمعو اليوم انا في حاله غريبه قولوا اللي تقولونه مجنونه هبله
خبل أي شي عااااااااااادي عندي
عارفين ليه لأني راح افتح لي موقع يعني منتدى وراح أسميه
(منتدى طفطوفه المخطوفه )
انا راح احطه لكم هنا اعلان حتى تسجلون عندي في المنتدى ساندروز تراني بسرق الأعضاء حقينك >> والله شكله بيشوتك ياطفولتي
بكيفك لا تقول لي انتي حراميه عاد قلت لك وانت بكيفك سارقتهم سارقتهم واللي بيجي يسجل عندي ينفذ شروطي ماعندي خيطي بيطي ساندروز مايعرف لكم انا اللي بعرف لكم >> لااااطفولتي بايعتها اليوم
انا بكتب الشروط هنا وانتم عاداللي يبي يسجل يسجل واللي مايبي راح اتله بخشمه لين يسجل غصب>>ياوالله البلشه غصب
شوفو الشروط ونفذوها واحد واحد بطيب ولا بالغصب انا مالعب طيب
لقد تم افتتاح شروط التسجيل في المنتدى .طفطوفه المخطوفه
اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا. بما ان هذا الموقع موقعي بروحي اشره علي يوم فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء بنجيبه وبنربط حواجبه في صدامات الونيت وبنروح ونطعس فيه باقرب طعس... قايله لكم انا مالعب
2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وبرضخ به على خوص نخله...علشان ما يعود لها. قايله لكم أنا مالعب
3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...
4- مسموح الذب...والذب هي كلمه اتيه من الذباب لا تفرح يالذبابي مش انت وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح اشره علي انااللي جمعت هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتي وانا حره فيها
5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه من علبااااه..وبعدين بناخذه لأقرب قليب يعني بيرماء...وبنغطسه وبنطلعه...ونغطسه ونطلعه الين مايقول....اشهد ان الونيت جمس... قايله لكم ما العب...
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكرته لكم...لان الدعوه عناد...واللي براسه حب ما انطحن....تراي ابطحنه له....واللي عنده شي يقابلني وين ما يبي....
ملاحظه......
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم
موافق.................
غير موافق...............
وياويل اللي يكتب غير موافق.......
قايله لكم انامالعب
هههههههههههههههههههههههههههههه
ســـــــــــــلملم
![](https://javascript<b></b>:CaricaFoto("http://www.saudi4x4.net/mrfj40/CAT LADY 4.bmp");)
.
تعليق