يوم في حياة العضو( كل يوم على أحد )قد تكون أنت إلحق ..

**بنت العطا** · 18-04-2010, 03:43 PM

الرد: يوم في حياة العضو( كل يوم على أحد )قد تكون أنت إلحق ..

السلام عليكم ورحمة الله تعالى وبركاته ..

مساء ساندروزي على كل ساندروزي سواء عضو أو زائر .. .

مساءنا اليوم مختلف ..
مساءنا جديد ...

عطر ... رحب ... ممتع..

مع ضيف سيطل علينا في تمام العاشرة مساءا ان شاء الله ..

عضو ساندروزي .. يبذل قصارى جهده ليبلغ منتدى ساندروز الأفق ..
عضو نشيط ..

عضونا هادئ .. متوازن .. مرح ... طيوب ..

ماشاء الله عليه اذا حاول احد يتهاوش معاه عرف شلون يتصرف وياه
بالحكمة والعقل والرزانة ..
دايما أدعيله بالخير والتوفيق ...

<احس جذي شكله هههههههههههههه

له نشاطه الأخاذ بين أرجاء الساندروز . .الله يعطيه كل عافيه وويوفقه

هو جدنا ... كله يقول عني جده أجل هو جد .. ...

وطبعا من غير ان نزيد ونقول أكيد عرفتوووه ..................................!

هذا ملفه الشخصي << هه نغششكم بس تفاعلوا رجااااااااااااااءا ..

نبذة عن .....
الجنس
ذكر
البلد
السعوديـღ
المهنة
مدير شؤون طلاب ومهندس حاسب آلي
السيرة الذاتية
متواضع جدا واحب الوناسة
الهوايات
القراءة , الصيد , الإبحار ,السفر, التصوير

أكييييييييييييييد بلا شك .. .

مرااااااااااااقبنا العزيز ,.,,,,,,,,,,,,,

الذبابي .. نادوهذبوب ...

حياك الكريم .. يامرحبا اقلط اقلط

**الذبابي** · 18-04-2010, 05:58 PM

الرد: يوم في حياة العضو( كل يوم على أحد )قد تكون أنت إلحق ..

طفولتي

هذي بيتزا اقول الله يرجكة جووعتيني وانا كنت جوعاان خخخخ

اقول يالعقارية ابي حديد عندك واسطة ؟؟؟

هههههههها

,,,,,,,,,,,,

جار القمر اقول الحين تأكد لي انك دب يابو كرش كل هذا حب

الله لا يعوق بشر بس تستاهل ياعم توك عريس مالك الاسنة عاد نشوف
بعد هالسنة يشمل الضمان التصليح والا ما يشمل ههههههههههههههه

الله يتمم عليك بالسعادة ويديمها
,,,,,,,

حمآآآدة يالي ماني قايل عنك بس حلو كلامك ياشيخ انت منسم وراح تضل منسم طول العمر

ياحمادة اعجني كلامك بالغة العربية الفصحى ( ثم القيت جسدي على السرير )
وشغلت الأماكن واكلت فراخ <<< انا فاطس على فراخ
ههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههه

يابني على هونك لا تقتل اللغة واما صلاة المغرب والعشاء خخخخخ

عاد دوري الساعة 10

انتظرونني << امحق ياللغة

ههههههههههههههههههههههههه

**بنت العطا** · 18-04-2010, 06:25 PM

الرد: يوم في حياة العضو( كل يوم على أحد )قد تكون أنت إلحق ..

ههههههههههههههههههه

انا ضحكت على الفراخ لين انبط بطني ....
ههههههههههههههههه
ههههههههههههههههههههههههه ههههههههههههههههههه
هههههههههههه

يلا ننتظر ردك يالدب على أحر من جمر

انا وكل الأعضاء ..

انا ابي كل شي بتفصيل أكثر .
يعني ابي كل موقف بالتفصيل اللي يدبل الكبد ..

**الذبابي** · 18-04-2010, 06:30 PM

الرد: يوم في حياة العضو( كل يوم على أحد )قد تكون أنت إلحق ..

جدتي بنت العطاء

شكرا يالغلا على هل الموضوع الفنان الفنتاستك الروعه الـgod< بكل لغات العالم

وشكرا على الاطارء الي نصه من ملفي خخخخخخخ

ههههههههه

باقي نص ساعة وتعرفون وش صار لي اليوم بالتفصيل الممل

سنعود بعد قليل

**بنت العطا** · 18-04-2010, 06:42 PM

الرد: يوم في حياة العضو( كل يوم على أحد )قد تكون أنت إلحق ..

ههههههههههههههههههههههههه
ههههههههههههههههههههه
هههههههههههههههههههههههههههههه

هههههههههه
اضحكتني ... الله يسعدك .. ضاعت منك التعابير لأنه طاح الفاس ع راسك .. خخخخخخخ

نص ساااااااااااااااعه .. وااااااااااجد

الله يستر

العد التنازززززززلي ..

بروح أخذلي كوب شاي مزعتر ..
ماراح أسوي لأحد رجاءا .. السكر عندنا قابل للنفاد يعني مش حا أدي حدا ..
لو يسويلي هوشه في قسم الاداره ههههههههههه

ههههههههههههههه وخاصه ذبوب < عارفه يقول بقلبه .. جده وبخيله << بس هذا حكم الدنيا ياوليدي < الحياة مصالح ..

يلا برب ان شاء الله ..

**الذبابي** · 18-04-2010, 07:01 PM

الرد: يوم في حياة العضو( كل يوم على أحد )قد تكون أنت إلحق ..

بسم الله هذي الي صار لي اليوم

طط ترن طط ترن ططط ترن << تبون تعرفون وش الـ طط ترن << الطاء ينطق مرتين كذا طط طط بعدها ترن كذا فهمتو !!!!!
هذا منبه الجوال (: يصحيني للفجر وانا كل ما قال طط ترن دقيت على غفوة ويرجع يصحيني واحطه غفوة لين قبل ما يقيم الصلاة بشوي صحيت
لبست ثوب وطلعت من غرفتي عين مفتوحة والثانية مسكرة وخشمي مسدود من المكيف مشيت لين دورة المياه وانتم بالكرامة وانا مادري اني صاحي والا نايم حاولت بكل ما اتيت من قوة افتح عيني الثانية عشان اتأكد اني عند باب غرفتي والا عند باب الحمام
وبعد مافتحت عيني وشفت اني عند الحمام دخلت جوة وسكرت الباب ( المقطع القادم محذوف لأساب امنية )..... ((:
طلعت من الحمام وقفت عند المغسلة اناظر في المراية واقول فيه شيء غلط بس مادري وشهو ( بقلكم عليه بعد شوي )
توضأة وطلعت من الحمام متجه الى مسجد حارتنا فتحت باب البيت ورحت للمسجد صليت وانا نص مخي شغال والنص الثاني نايم ويحلم في الحلم الي كنت احلم فيه ...!!
صليت وطلعت سمعت عماني يضحكون علي ويتكلمون مع الوالد وهو يضحك معهم قلت الله يزيدكم بسمة ومشيت
وصلت باب غرفتي ابي اطلع مفتاحها لأني اذا طلعت لازم اقفلها بالمفتاح احاول ادخل يدي في جيب الثوب ما قدرت
يمين يسار مافيه الحين بدا النص الثاني من مخي يشتغل ياولد وش فيه اطالع والا انا لابس الثوب مقلوب يااااالله والمفتاح بالارض *_* اثاريني لابس الثوب مقلوب ويوم بطلع افتكرت اني حطيته في جيبي يامال المدة وانا اقوووول وش فيهم عماني يضحكون علي خخخخخخ الحين فهمت رجعت لبسته صح ودخلت غرفتي وفسخته << مال امها داعي صح كان فسخته وبس ..... !!
وارجع اطفي اللمبات واقلب الصفحات ابي ارجع اكمل حلمي لحد هنا هذا الي اتذكره في الفجرية بعدها نمت لين الساعة
سبع ورجعت اسمع نفس الاصوات طط ترن عرفتوها ههههههههههه... فزيت اشوف الساعة والا هي سبع وشوي اقوم
اشيل منشفتي وادخل الحمام وانت بكرامة ( المشهد محذوف لأسباب تتعلق بأحاسيس القراء ) ...... (:
بعد ما طلعت من الحمام قمت لبست واطق ذيك الشخصية وارش نص علبة العطر تقل عريس وورحت شغلت سيارتي احميها , ورجعت البيت احب راس امي والا ذاك التوست المحمص يم يم وكوب شاهي بالحليب مجهزته لي فديتها
وافطر عند امي واطلع اركب موتري وانطلق للجامعة ,,
وصلت لمكتبي ووبقلكم وش وظيفتي في الجامعة انا مدير شؤون طلاب في احدى الكليات بس ماراح اقلكم اي كلية بالضبط ,, طبعا هذا شغلي في الصباح وفي المساء يوم السبت والإثنين اشتغل مهندس ومدرب حاسب في مركز خاص للتدريب ,

المهم دخلت الكلية وقعت حظور الساعة 7.55 وسلمت على الشباب ورجعت لمكتبي ,, والله وابتدي اخلص معاملات الطلاب الي يحذف فصل والي يأجل والي مريض والي فاشل والي والي الى الخ الخ ,
وبصراحة بعض الطلاب وخاصه هذا الجيل بصراحة لو جبت صخرة وصورتهم مع بعض ونزلت مسابقة الفوارق العشر ماراح تلاقي اي فرق ...!! مطلقا وافلقني اذا لقيت فرق جيل متنك ,,

وراح اطرح لكم بعض المواقف الي صارت اليوم
كلكم تعرفون الاعذار في الجامعة انها لازم تكون طبية او حكومية ومن جهة معتبرة غير كذا يبطي الطالب ما انقبل عذره ويعبتر محروم في المادة اذا غياباته كثير, وانا من اعمالي مخاطبة المستشفيات والدوائر الحكومية والتأكد من صحة معلومات الطالب .

نجي للمواقف :
الموقف الاول: الساعة 9
جاني طالب يبي خطاب للمستشفى طالب في المستوى الأول طرق الباب ودخل ...
استاذ عادل قلت تفضل
قال ابغى ورقة !!
قلت تبغى ورقة
قال ايوا ورقة
قلت طيب .... عندي ورقة نوتة عطيته !! قلت هذي ورقة
قال مو ورقة ورقة ابغى ورقة ...
قلت والي بيدك مو ورقة
قال الا
قلت أجل .. سكت وجلس يفكر ويناظر فيني
قلي انت الاستاذ عادل
قلت ايه انا عادل قلت وش تبي بالضبط
قال انا كنت تعبان وراجعت المستشفى وطلبت تقرير منهم قالو لازم خطاب من الكلية وجيتك ....
قلت له وش قالولك ...
قال جيب خطاب .....
قلت له طيب انت قلت لي تبغى ورقة مو خطاب والي بيدك ورقة صح
قال صح ....
قلت أجل تعلم وش تبي من الناس اذا ودك يخدموك واطلب الطلب الصحيح ...!!

الموقف الثاني : الساعة 9.35
مقدمة خخخ : جاني طالب يبي تخفيظ للطيران والتخفيض هذا عندنا بالسعوية يستحقه الطالب اذا عمره ما يتعدى 29 سنة يسافر بنص الثمن على الخطوط الجوية . نجي للموقف الحين !
الطالب دخل استاذ عادل
قلت تفضل ....
قال ابي تخفيضات !! ....
قلت له تخفيضات !! ...
قال ايه ...
قلت والله ياالطيب التخفيضات تلاقيها بالمجمعات مو عندي ..
قال قالوا عندك ..
قلت مين الي قالو ...
قال هم ...
قلت مين هم ...
قال زملائي..
قلت زملائك قالو ان شؤون الطلاب فيها تخفيضات قال ايه ..!! ...
قلت طيب ما قالوا لك عندنا زبادي بربع ريال .. خخخخخخ
قال لا
قلت يعني ما قالو .. طبعا انا عارف قصده المسكين بس احب امزح مع الطلاب واتطنز عليهم ..المهم قلت له وش تبي بالتخفيضات يابعدي
قال ابغى تخفيضات لطيران ...
قلت آآآآه تبي تسافر وتبي تخفيضات ...
قال ايوووووه << طلعت من قلبه ...
قلت يعني تبي تخفيض للخطوط الجوية السعودية .....
قال ايووواه
قلت أجل تعلم ان اسمه تخفيض مو تخفيضات .!!!
قال هم قالووولي ....
قلت في داخلي الله يرج الي قالولك .. كل شيء قالو لي قالو لي .

الموقف الثالث : الساعة 11.25
طبعا من اعمالي تسيلم الطالب بطاقة الصراف الآلي الي يستلم منها مكافئته ,,,
جاني طالب واصلا انا من شهر مخلص التسليم ,,,
استاذ عادل
قلت وصلت ...
قال ممكن استلم بطاقة الصراف الآلي.....
قلت له طيب وينك ما استلمت مع زملائك....
قال والله مادري عنها ... قلت له طيب ممكن اشوف بطاقة الجامعية ...
قال بقلك شيء وابغاك تفهمني ...
قلت له تفضل !! <<<( وش تفهمني هذي )..
قال انا والله انسرقت محفظتي وهويتي وكل اثباتاتي !!!
قلت طيب وش الي تبيني افهمه من كلامك ما ارح اسلمك بطاقة الصراف الا بإثباتك ..
قال طيب الحين هذا الي ابغاك تفهني فيه ...
قلت وشهوو ....
قال هذا بطاقت اخويه !..
قلت طيب ..
قال هو يشبهني بس شيل اسم سامر وحط اسمي ياسر وتخيل أنه أنا !! وربي انه اخوي وانا اشبه !!!.....
قلت خلاص فهمتك بس ابغاك تفهمني ..
قال في ايش ..
قلت توكل على الله قبل ما ادق على مستشفى الصحة النفسية واقلهم تعالو افهموني ,, اني فيه واحد طالب عندي يقول ان
هو واخوه واحد !!!!!! بس اشيل اسم اخوه واحط اسمه وانهم واحد والهوية لها صلاحية لشخصين ....!!!

هههههههههههههههههههههههههههههههههه

,,,,,,,,,,,,,,,,,,,,

وربي لو اقلكم المواقف الي تصير معي من بعض الطلاب يمكن يجيكم احباط بس انا مآخذ العمل وناسة وبسعة صدر والحمدلله..بس بعض الأحيان انفجر بس مو كثير خخخخخخخخخخخ

الحين انتهى الدوام :

طلعت من العمل وانا راجع قلت خلني امراشتري من ماك دونلز سلطة سيزر بالدجاج وانا طالع مريت الصرافة صرفت مية ريال ورجعت البيت ..,,
دخلت المنتدى وبديت اكتب قصتي لين اذان العصر وصليت العصر ورجعت سولفت مع الاهل شوي والساعة 4.5 طلعت امشي لأني يوميا امشي واجري 10 كيلو من البيت الين مزرعة الوالد الله يطول في عمره .. وانا راجع اذن المغرب رحت صليت وطلعت ابي اغراض من السوق ..

كنت اشتري الاغراض ما امداني والا هم مقفلين اذن العشاء قلت خلاص بفرفر بالسيارة لين تنتهي الصلاة معي اغراض ما اقدر انزل واخليها المهم جاني اتصال ولبقت بجانب مجمع تجاري وطقيتها حنك مع ولد عمي هو في الباحة شوي والا جمس الهيئة ملبق عندي شاكين فيني ما عطيتهم وجه راحو خذولهم لفة ورجعو وانا باقي مكاني واكلم بالجوال وانا عيني عليهم
كأني جالس في قلوبهم شال المكرفون صلاة صلاة ناظرت حولي ما فيه احد مابه الا انا برضك ما طقيت لهم خبر
ولد عمي يقلي وش هذا الصوت قلت الهئية وانا اخوك بشوف نهايتها معهم قال ولد عمي... تحرك من هنا قلت والله ما اتحرك ماني مرتكب جريمة قال طيب.... قلت.. خلني اشوف نهايتها معهم قال بكيفك ,,
شوي والا المطوع نازل من السيارة انا امنت باب الاسيارة يوم شفته جاي وقف عند بابي وانا كأني ماحولي احد طاق حنك واضحك مع ولد عمي ,, ولد عمي يقلي ليه تضحك اقله خلني ارفع ضغطه دق قزازة السيارة نزلتها شوي ,,
التفت عليه قلت هلا
قال ليه ما تصلي ,,
قلت له وانت ليه ما تصلي !!
قال لي انا رجل هيئة
قلت له وانا رجل جامعة !!
قال تحرك صلاة قلت ماني متحرك روح صل انت وبعدين تعال تكلم علي
قال طيب مين تكلم لك ساعة في السيارة
قلت له وانت وش دخلك اكلم مين إن شاء الله اكلم ابليس ورفعت قزازة السيارة

قال الا ال........ما سمعت شيء
جاء هو والعسكري والمطوع الثاني
///// سخنة الشغلة ..
دق العسكري الباب وفتحت شوي من القزازة طلع يعرفني وجه صار مثل حبة طمام<< ابنه طالب عندي بالجامعة وراجعني مره عشان ولده خخخخخ
قلت هلا يابو خالد اي خدمة
قال العسكري المطوع يقول
قطعت كلامه قلت المطوع فاضي وانت عارف انه فاضي فلو سمحت انا ما اقدر انزل اصلي بالعربي روحو صلو انتم
جاء المطوع الثاني يقول وليش ما تقدر تصلي
قلت ياخي بالعربي انا صليت قبلكم
قال المطوع كيف صليت
قلت ياخي توني واصل من سفر وصليت في الطريق جمعا وقصرا
قال الشيخ طيب مين تكلم في الجوال
قلت وانت ذابحك اني اكلم في الجوال
قال جالس ترقم صح
قلت ايه ارقم البنقالي الي قدامي << كان قدامي عامل نظافة
طاحت وجيهم وفهمو انهم ملاقيف ...وانسحبو
ولد عمي على الخط وابن الذين سجل كلامي معهم خخخخ يقول قسم بالله عرقت انت مهبول قلت ياخي مامعهم سالفة
نرجع سكرت من ولد عمي وطلعت افربالسيارة لين يفتحو ...
بعد ما فتحو دخلت مجع ابي الماركت الي داخله عندهم بسكويت هذا انا مدمن عليه وما الاقيه الا عندهم وهذا البسكويت سبب تأخيري خخخخخخ لين بعد الصلاة الا كنت رجعت البيت ههههههه
هذي صورته عشانكم أنا ادوخ في ذا البسكويت

وانا طالع من المجمع لاقيت بطريقي لسيارة متسول يمشي وراي ويدعي لي دعا قسم بالله تقل جدتي تدعي لي وقفته وقلت له ماعندي الا خمسين ريال ماعندي صرف قال انا اصرف لك قلت له لا والله يالله لا اشوفك يشحذ وعنده صرف خمسين

ركبت سيارتي ورحت للبيت ورجعت اكتب القصة عشان احطها بالمنتدى

وبكرة طالع ابها ويمكن اغيب يومين دعواتكم

**بنت العطا** · 18-04-2010, 07:30 PM

الرد: يوم في حياة العضو( كل يوم على أحد )قد تكون أنت إلحق ..

طووووووووووول ماأنا أقرى وربي أضحك ...

اقسم بالله حسيت بالمتعة .. والكتابة ماشاء الله كفت ووفت الله يعطيك العافيه وأصابعك للجنة ييااااارب ...

...

الله يقطع ابليس وافكاره ههههههههههههههههههههه
هههههههههههههههههههههههههههههه
ههههههههههههههههههههههههههههههههههههههههههههههههههههه

بالله الذبابي النوته اللي عطيتها الطالب ؟؟ ورقه والا كل النوووته ؟؟ هههههههههههههههههههههههههههههههههههههههههههه
هههههههههههههههههههههههه

بط جبدي المنبه لأني أعاني من نفس النغمه

خلاااااااااااااااااااااص مت من الضحك كاني مجنونه دخلوا أهلي من كثر ماأضحك
سكرت اللاب على طووووووول _< يقولون مجنونة ..
يوم تلبس الثوب مقلووووووووب ههههههههههههههههههههههههههههههههههههاي
هههههههههههههههههههههههههههه هههههههههههههه ههههههههههه
هههههههههههههههههههههههه
هههههههههههههههههههههههههههههههههههههههههه

والمفتاح عند الغرفه تحتك ههههه

يمي البسكوووووووت لذيذ جرب البندق وجوز الهند راااااااااااااااااااااائع حييييييييييييييل .. حيل .
احبه بعد أنا ...

والله ماني عارفه ياذبوب شلون أشكرك ..
لكن كنت ضيف عزيز على قلوبنا .. وغالي حيل ..
أبدعت بما وضعت ...

تروح ان شاء الله وترجع لنا سالم غانم .. ان شاء الله ..
ماتنسى تجيب لنا لقطات حية من أبها البهية ..
حافظك الله الكريم

لبا الله لك كل دعاء فيه خير وصلاح لك ..
يحفظك الرحمن الرحيم ..

شكرا لك

**الذبابي** · 18-04-2010, 08:50 PM

الرد: يوم في حياة العضو( كل يوم على أحد )قد تكون أنت إلحق ..

هههههههههههههههههههههههههههههههه

اتخيلك وسعابيلك طالعه من كثرالضحك خخخخخخخ

وعيونك مخفية مثل جدة مروكو

هههههههههههههههههههههههههههههههههههههههههههههههههههههههه

ان شاء الله دوم البسمة يارب

وفالك الجنة

وكان لي شرف المشاركة يايدتي

وبالنسبة للبسكووت انا احب كل انواعه بس هذا احسن نوع عندي

أشوفكم على خير

**حمادة الشاعري** · 18-04-2010, 10:38 PM

الرد: يوم في حياة العضو( كل يوم على أحد )قد تكون أنت إلحق ..

ياذبذوب خير الكلام ما أقل وادل
تضحك علي الفراخ
وأنت كل يوم يصلك قفص فراخ البيت

وأنت شوهت اللغه عندي أنت ودب الخليج يعني مو ذنبي

ربي يسعدك ذبذوب ونحن سعداء ياصديقي لأننا حددنا أهدفنا في الوقت المناسب
بحبك يادبدوبي

بيت العطا

ما شفت حد كويتي ممشوق القوام ههههههههه كل أصدقائي كانوا في الجامعه ماشاء الله يأكلون كل ما في السوق

نصيحة أذا أردت أن تكون ممشوق القوام لابد أن تعيش حياتهم وتهتم بما يهتمون ولابد أن تقنع عقلك الباطن بهذا
والأعتقاد هو سبب التغير في كل الحالات

ربي يسعدك ياعسل وأكيد راح تنوري مصر وأن أحتاجت شيء لأتنسي أخوكم موجود
دمت بخير جدتي الدبدوبه

**بنت العطا** · 19-04-2010, 01:43 PM

الرد: يوم في حياة العضو( كل يوم على أحد )قد تكون أنت إلحق ..

اضيف في الأساس بواسطة الذبابي

هههههههههههههههههههههههههههههههه

اتخيلك وسعابيلك طالعه من كثرالضحك خخخخخخخ

وعيونك مخفية مثل جدة مروكو

هههههههههههههههههههههههههههههههههههههههههههههههههههههههه

ان شاء الله دوم البسمة يارب

وفالك الجنة

وكان لي شرف المشاركة يايدتي

وبالنسبة للبسكووت انا احب كل انواعه بس هذا احسن نوع عندي

أشوفكم على خير

ماراح أضحك ولا أسوي شي

بس راح أقول ............

هذا أنت ....................

هههههههههههههههههههههههههههههههههههههه
هههههههههههههههههههههههههه

قال جدة ماروكو قال ..

شوف انت أجل منو !

وانا اقول هالماركة بسرعه تخلص اثريها منك

ههههههههههههه

يلا على خير ان شاء الله
حياك الذبابي جدو تنورنا .

**بنت العطا** · 19-04-2010, 01:47 PM

الرد: يوم في حياة العضو( كل يوم على أحد )قد تكون أنت إلحق ..

اضيف في الأساس بواسطة حمادة الشاعري

ياذبذوب خير الكلام ما أقل وادل

اضيف في الأساس بواسطة حمادة الشاعري

تضحك علي الفراخ
وأنت كل يوم يصلك قفص فراخ البيت

وأنت شوهت اللغه عندي أنت ودب الخليج يعني مو ذنبي

ربي يسعدك ذبذوب ونحن سعداء ياصديقي لأننا حددنا أهدفنا في الوقت المناسب
بحبك يادبدوبي

بيت العطا

ما شفت حد كويتي ممشوق القوام ههههههههه كل أصدقائي كانوا في الجامعه ماشاء الله يأكلون كل ما في السوق

نصيحة أذا أردت أن تكون ممشوق القوام لابد أن تعيش حياتهم وتهتم بما يهتمون ولابد أن تقنع عقلك الباطن بهذا
والأعتقاد هو سبب التغير في كل الحالات

ربي يسعدك ياعسل وأكيد راح تنوري مصر وأن أحتاجت شيء لأتنسي أخوكم موجود
دمت بخير جدتي الدبدوبه

تف تف تف . .

اسم الله على عياااااااااااااال ديرتي

ربي يحفظهم من كل عين حسود ..
ويردهم لنا معافين وزايدين وزن شوي

يعله عافيه ع بطووونهم اتركهم يابوي كويتين هذولا ..
يوووووه أجل أنت ماشفت أهل مصر اللي عندنا منقخين ماشاء الله تبارك الله من الفول والفراخ والمحاشي
ولا مره شفت مصري ضعيف ماشاء الله هههههههههههههههههههههههه الا اهل الصعيد

حماده أنت بعد تقول جده

لييييييييييييه

خلاص هذا انت

ههههههههههههههههههههههههههههههههههههه

هههههههههههههههههههههه سبحان الله

احسه نفس الشعر ههههههههههههههههههههههه

**بنت العطا** · 19-04-2010, 01:55 PM

الرد: يوم في حياة العضو( كل يوم على أحد )قد تكون أنت إلحق ..

السلام عليكم ورحمة الله تعالى وبركاااااااااااااااته

كيف حال الجميع / أتمنى للكل التوفيق يارب .. وان تكون الفردوس الأعلى حليفة كل المسلمين يارب

هذا المساء .. أرجواني ...

مليء بالسعادة التي تغمر كل القلوب ..

يطل علينا مساءا ان شاء الله ..

عضو مميز ..

محبوب ..

هادئ ...

خيالي

شاعري .......................

له في الأقسام ماله ...

نشيط في القسم الأدبي والعام والتسلية ...

نتمنى له السعاده يارب .............

وان يفرح الله قلبه ويسعده.. .

ماني عارفه شقول شخلي في شخصه الكريم ...

لكن بحق يستاهل كل خير ...................

أترككم مع نبذة بسيطة لطشت من ملفه الشخصي :

نبذة عن ............

الجنس
ذكر
البلد
خلف القمر
المهنة
موظف
السيرة الذاتية
خيالي
الهوايات
المشي ..

عايش خلف القمر

<<

ربمااااااااااااااااااااااااااااا ...

هههههههههههههههههههههه

أكيد عرفتووووووووووووووووووووووه .............................

نرحب معا ..................................

بمبدعنا ...

نديم الحياه

ياهلا ياهلا

حياك ربي ...

**حمادة الشاعري** · 19-04-2010, 02:26 PM

الرد: يوم في حياة العضو( كل يوم على أحد )قد تكون أنت إلحق ..

ربنا يرجعهم بالسلامه

بس الحمد لله أنا مش منتفخ 70 كيلو والله لو كان شكلي مثل هذا العفريت كنت ها أتقبل نفسي هههههههههه
شفت أنا رأضي وقنوع أزاي

ربنا يسعدك وفي أنتظار القمر القادم

**نديم الحياه** · 19-04-2010, 04:52 PM

الرد: يوم في حياة العضو( كل يوم على أحد )قد تكون أنت إلحق ..

السلام عليكم ورحمة الله وبركاته

مساكم الله بالخير يارفاق

بنت العطا تجين عندي خلف القمر .,,, الجو هناك على كيفك بلا ازعاج

وابشرك بعد ماعندهم اشارات مروريه .. تفحطين على كيفك

.,,

نرجع للموضوع

حقيقه ما عندي برنامج معين

كل اسبوع يختلف عن الاسبوع اللي قبله واللي بعده

بما ان دوامي ( نظام ورادي )

البارح مدوام من 10 بالليل الى السادسه صباحاً

رجعت للبيت وجلست شوي مع ام محمد الله يخليها لي

قالت اجهزلك الفطور قلت لا .>>>>> بكيفي

بعد نص ساعه لقيت نفسي بسابع نومه

صحيت الثانيه ظهراً وغسلت وتنشطت وتغديت

انتظرت صلاة العصر

وصليت ورجعت للبيت وتقهويت وسوالف مع العائله الكريمه

نص ساعه تقريباً وركبت السياره وتوجهت لمحرابي ( البر ) قعدت تقريباً ساعه ونص

ورجعت قريب اذان المغرب تجهزت للصلاه وتقهويت وهذا انا الحين قبل صلاة العشا
اكتب برنامجي اليومي

بعد الصلاه اتعشى واتجهز لدوامي الساعه 10

وسلامتكم

برنامج خفيف ومريح وواضح

ياسلام ع الدنيا وحلاوتها

بنت العطا شكرا شكرا

**بنت العطا** · 19-04-2010, 07:59 PM

الرد: يوم في حياة العضو( كل يوم على أحد )قد تكون أنت إلحق ..

نديم الحياه .. .

شكرا جزيلا لك

كفيت ووفيت اخوي ..

الله يعطيك العافيه ..
أبدعت ونورتنا ...

لاتقاطعنا عاد . .
البيت بيتك

**بنت العطا** · 19-04-2010, 08:01 PM

الرد: يوم في حياة العضو( كل يوم على أحد )قد تكون أنت إلحق ..

عضووووووووووو جديد ..

سيقبل غدا ان شاء الله ..

أخذت معاه موعد واتفقنا ..

لاتخلوووووووني عاد ..
الله الله باكرام العضو الجديد

العزيز على قلب بنت العطا جدا جدا

عضونا أتمناله التوفيق ....

انتظروووووه على

أحر من جمر ..

**بنت العطا** · 20-04-2010, 05:30 PM

الرد: يوم في حياة العضو( كل يوم على أحد )قد تكون أنت إلحق ..

مساكم الله بالخير ..

ياعرب ..

ليه الركووووووووووووود .. .

ماعللللللليش....

نرحب بضيفنا هذا المساااااااء ..........

ادري راح تستغربون وتتعجبوووووووووووون ..

بس عادي ..

أخذوا الأمور ببساطه << شكووووووووووووووووووووووو

ضيفنا هذا المساء

عطااائي .....................

قلبه كبير ولا يحقد على أحد ......................

كافي مدحا فيه ,,

هذا ملفه :

نبذة عن ....................

الجنس
انثى
البلد
الكويت
المهنة
طالبه في احدى الجامعات
السيرة الذاتية
ربعـي العطـيان عـز الضعيـف والفقيـر ...
الهوايات
القراءة والكتابة

اكيد عرفتووووووووووووووها ::

عضوتنا :::

بنت العطا ..........................

هلا بالطش والرش<< مهبووووووله ..

**بنت العطا** · 20-04-2010, 06:20 PM

الرد: يوم في حياة العضو( كل يوم على أحد )قد تكون أنت إلحق ..

طق منبه الساعة اللي فوق التواليت في تمام الرابعه والعشر دقايق فجرا
احطه بعيد عني علشان ماأسكره وأنام قمت
مغمضه العينين مع بعض<بتقولون شلون وبقول أمشي خطوتين وأفتح ربع عين
وصلت الحمام وانتم بكرامه توضيت

طرت الشيطان وصليت سنة الفجر وفرضها
عقب رجعت للفراش من جديد وكملت نوم للست بالضبط< مافيه يمين يسار ولعب عيال
طلعت من البيت ٦ ونص كل الناس نايمه بس انا والطيور حتى القطاوه نايمه
احب اطلع مبكر لان عندي محاضره في الجامعه الساعه٨< مع اني اكره محاضرات٨ بس خلاص تعودت من اول سنه

مشيت في السياره ع البطيء طلعت من منطقتي السكنية وانا اردد اذكار الصباح< خايفه من الحسد خخخخ
الطريق كالعاده زحمه يغث ويجيب التقيؤ

فريت الراديو مافيه شي شغلت سورة النجم وسمعتها

هههه< شفت هندي بسيارته يدخن حيل يشفط السيجاره ويطلع الدخان بقوه< لاينشق حلقه هههه< يثبت رجولته أو يتحدى ع حساب نفسه

كان نفسي أروح البحر بما انه توالناس بس قلت يوم ثاني ان شاءالله
وصلت الجامعه الساعه 7:3

حجزت طاوله < محتلينها أنا والشله وأول وحده توصل تقعد فيها وانا اجي قبلهم كلهم <شوفو الحقاره اذا لقيت طالبه قاعده فيها جيت وحشرتها وجمعت الشله وسولفنا ع راسها تنزعج هههه الطاوله الحين مسكونه اجي ماألقى عليها احد ههه والطاولات اللي جنبها كلها فل ....

اكلنا وشبعنا والحمدلله وعقبها ركض لقاعه ١٠٢ الساعه ٨.٥٧ دخلنا وقعدنا فآخر مدرج طبعا من أول يوم داومنا فيه واحنا ال٤ نايمات ووحده مخلينها رادار تراقبلنا الوضع شنو راح يصير

الموهيم في هالمحاضره صايره انا نشيطه وكل مايسأل الدكتور سؤال اكون اول من يرفع ايده بس طبعا كل الاجابات غلط عقب ارفع يدي ولايخليني أشارك وكملتها سرحه ههه عيوني تتحرك يمين ويسار مع اللي رايح واللي جاي ..

خلصت المحاضرة على بطىء شديد .. ولا قواعد بعد

كانوا فاتحين معرض للكلية

قلت اروح انا ورفيجاتي ..
تمشينا .,. لقيت كوشك اكسسوارات ماقدرت أصبر أخذتلي سواره وحجل ..

وطلعنا ع الساعه 9و خمس وخمسون دقيقة

ركض ع قاعه 217 في الطابق الثاني .. قلت لايسجلني غياب ... وانا موجودة
والحمدلله جيت على الرمق الأخير .. طبعا قاعده في المدرج الأول لأني ادري اذا رحت ورى راح أنام .. خلصنا 40و10 ..

نزلت في الحديقة اتشمس ..

قعدت أنا ووحده نسولف عن الذبايح واللحم يعني جيدات خوش حريم ..

قلت دام فيه وقت باقي ربع ساعة خليني أروح المكتبة ادخل ع الساندروز من النت

دخلت المكتبة امة لاإله الا الله ومافيها الا كمبيوترين .. وانطري يابنت العطا متى دورج

معقولة جامعة مافيها الا كمبيوترين وقاعة الانترنت من دخلت الكلية مسكره ..

لاعت كبدي من مكتبتنا ,,
طلعت مايسوى علي جيتي من بعيد ..

صعدت لأخيس محاااااااضرة حيل غثيثة ,, أدب جاهلي وصعبه بعد
مكاني عند العامود اللي في الآخر أسرح على راحت راحتي محد يكلمني ...............................

الساعة 12 الا خمس نزلت اتوضى في موضئات المسجد وربعي بنات الجمعية الدينية ..
توضينا وصلينا الظهر والحمدلله صليت السنن الرواتب أربع قبل الظهر 2 بعدها << نرجي رحمة ربي ..

بريك من 12 الى واحده الظهر ... جوووووعانه . عصافير البطن صفرت ,, استأذنت من رفيجاتي وطلعت من المصلى ..

رحت عند قلوريا كووفي << غااااااااااااااالي وأسعارها نار .. بس علي أنا عادي لأني متعوده ع الصرف اللامتناهي .. اخذتلي صوسج شكن < صمونه فيها شكن+ذره+خس+بصل+جبن لذيييييييييييييذه حيييييييييييييل ..
أخذتها ورحت المكينة سحبتلي على ببسي .. قعدت في الكراسي اللي تحت الدرج وآكل بلذة مادريت الا والناس تطالعني لأني انتهبت اني اكل بشرااااااهة .. ارتبكت ماعرفت اكل المهم نص الجبنه على عبايتي يعني شكلي كان ااففففففففففف ...

اكلت ع السريع رحت ركض للحمامات وانتو بكرامه << عاد موركض ركض يعني اهرول

وأغسل عبايتي < ناقصني سطل ( طشت ههههههههههههههههههههههه )

ع الساعه 12 ونص صعدت الطابق الثالث قسم الاجتماعيات لاتسألون ليه لان الجواب صعب J
ارتحت ومادري شحسيت فيه لاشعوريا قمت أمشي في الممرات .. كأني مجنونة ..
جت الساعة1 ومحاظرة تطور الفكر بدت ... دخلتها احبها هالمحاضرة ماشاء الله جدا حيه .. وأكون فيها مروقه ع الآخر مع انها الظهر ..

طلعت وحده ونص مبكر يطلعنا جزاه الله خير ..
رحت للاجتماعات مره ثانيه <<< مقطوط سري هناك ... < < قسم بالله أروح هناك من غير شعور مني ...
نزلت للمصلى .. حلقة دينية عن الملائكة قعدت شوي مع البنات ,,
وقلت برجع البيت لأني تعبت والله مو نايمة أمس الا وحده في الليل ,,,
رجعت البيت وطبعا زحمة من غير لاأتكلم وأزيد .. الكويت حيل حيل صارت آهلة بالسيارات ماشاء الله ..
بس قاعده وأفكر في هندسة الشوارع لو يسوونها من جديد كان نرتااااااااااح ..
ماوعيت الا بسياااااارة في الخلف تطق هرن فقع أذوني سحبت ع الشارع العام وعلى البيت على طول ,,
دخلت البيت منهكه ع الساعه 3 ودقيقه العصر ,,,

بدلت لبس الدوام ونزلت تحت أخذتلي كوب شاي لبتن .. سكر ملعقة فقط ..
اذن العصر صليت ونمت لحد الساعه 6:38 صليت المغرب لأنه ماذن من ربع ساعة حاطه منبه التلفون ع الخمس والنص بس كل شوي غفوه لين سكر من كيفه
مستااااااااااااااانسه لأني حالمه بشي حلووووووووووو << بصراحه نسيته بس أذكر من الأبطال ههههههههه

نزلت تحت طلبت من المطعم فطاير وسويت لي حليب ..
سوالف سوالف .. أنا وأخوي وباقي الاهل ,, كله ضحك ,, أخوي ماأتحمله كلامه نكته بس شوفوه لمن ينفعل واضحكوا ,,

8:10 صليت العشااء ,, بعدين جيت أكتب قصتي للساندروز ,,,
بس شوي وأطلع أدرس لان عندي اختبار واسويلي شاي أخضر ... وأصلي الوتر ,, ويووه عندي حفظ بكره ان شاء الله ,,,
وأنام ,,

اتمنى للجميع التوفيق ..

**الذبابي** · 22-04-2010, 09:18 PM

الرد: يوم في حياة العضو( كل يوم على أحد )قد تكون أنت إلحق ..

الله الله الله

و مقدمة نفسها بعد

معكم العضو بنت العطاء احس ان الثقة هنا وهي تقولها واصلة حدها خخخخ

من كلامها تقول عضونا اليوم بلاك والله من اللغة الي تدرسينها هذي هي نهايتها ههههههههه عضونا

مالت على الدكتور الي يدرسك لغة عربية هــــــــــــــــــــــــــع

,,,,,,,,,

بنت العطاء تعالي هنا انتي تسوقين ؟؟ ........ وعندك سيارة ..............؟؟؟

أجل بتقهرين بنات عندنا يبون يسوقن بس ماقدرووو الضروف ما تسمح هع هع

حتى الوحدة منهم حاطه توقيعها يا جمس يا يوكن يا ددسن تحلم الوحدة منهم تسوق ددسن واذا حلمت بسيكل اعتباره كابوس خخخخخخخخ

بصراحة احمدي ربك ماني اشتغل بالجامعه عندكم خخخه

كذا احس انك دافورة ماحولك احد

ههههههههها أجل بالله هذا فطور ....!! كذا أحس انك ( ) دوووبة

ـههههههههههههههههههههههههههههههههـ

نايس يوم بنت الأطاء

**شعاع الشمس** · 23-04-2010, 08:15 AM

الرد: يوم في حياة العضو( كل يوم على أحد )قد تكون أنت إلحق ..

بنت العطا اش هذا هههههههههههههههههههههههههههههههههههههههههههههههههههههههههههه

اقسم بالله اني ميت ظحك وش يومك الفله هذا احسن من يومي مليون مره

ويالله بنتظر الشخص يلي بعدك يالله بسرعه مين

يوم في حياة العضو( كل يوم على أحد )قد تكون أنت إلحق ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة