رحـلـة الـحـايـلـي وجـلال الـخـالـدي
السـلام عليكـم ورحمـه اللـه وبركاتـه
سأروي لكم رحلة ما بعدها رحله لم يمر علي مثل تلك الرحله التي من خلالها شاهدت الكثير من... والا اقول لن احرق عليكم زبده الرحله من خلال قرأتكم ستكتشفون عالم الرحله
طخت براسنا (حلوه طخت) انا وجلال نستكشف وادي ما ندري وش اسمه ولا نيب نعرف وين هو به مير قلنا نجهز المطلوب ثم انتجهه له
جلال
هاه يا الحايلي جاهز
الحايلي
توه قايم من النوم جاهز وشوله
جلال
افا يا ذا العلم هما اتفقنا اليوم نروح للوادي
الحايلي
صح صح وش هو اليوم
جلال
انت صاحي والا الى الحين نايم
الحايلي
تبي الصدق الى الحين نايم مير خلني اصحصح شوي وكلمك
جلال
لا لا لا تصحصح ولا شي الا قم من الحين (قامت عصب عدوك)
الحايلي
يضحك من الفرحه قام وثواني الا مجهز اموره
جلال
الو.. يا الحايلي انت معي
الحايلي
افا عليك .. الا معك ونصف مير انت معي
جلال
يضحك .. صدق ولا واضح انك تصحصحت ..
الحايلي
جلال لا تضيع الوقت علينا جهز موترك والغراض علي
(الحايلي سيارته توتوه مطلعها من الوكاله وخايف عليها)
جلال
وش تقول.. الا بسيارتك والغراض علي
الحايلي
من اولها تونا ما أمدنا نمسك الخط تهاوشنا وشلون لو ماسكينه
جلال
اسمع يا الحايلي روحه ما فيه روحه الا بسيارتك يعني بسيارتك
الحايلي
(يبي يعقد المسئله) موافق مير كل شي عليك حتى البنزين ولا واذا رجعنا راح اخلها للوكاله فحص كامل وتصليح ما يلزم على حسابك
جلال
صدق انك ما نتيب بسيط ورا ما اشتريلك سياره ثانيه ازين
الحايلي
يضحك الا مات من الضحك وغمى عليه
جلال
والله ورطه الحايلي... يأنت والا الوادي
الحايلي
خلاص.. الوادي الوادي افا عليك مير امزح معك
جلال
جال توكلنا على الله..
نقطه انطلاق جلال الخالدي والحايلي الى وادي ما هوب عارفين وشو هو اسمه
الحايلي
وين اروح يمين والا يسار
جلال
الله يقطع ابليسك يمين والا يسار لا يكون حنا راكبين قارب وحنا ما ندري اذا يمين محيط يسار محيط كيف تبي تروح يمين والا يسار
الحايلي
بناظر وش تقول
جلال
ولا تقول انك مصحصح ههههههههههاه الظاهر ما زلت نايم
الحايلي
هههههههههاه ( يهدد) لا تخليني الحين اهون وارجع
جلال
ولا وتهدد بعد يا حليلك
الحايلي
تصدق نسينا ان نكتب لساندروز وبقية الأعضاء ملاحظه تبين ان انا وانت راح نتغيب كم يوم عن المنتدى
جلال
فعلاُ
الحايلي
وش رايك نرجع ونكتب الملاحظه
جلال
نعم...اما انا كتبت ملاحظه مير انت وراك ما كتبت
الحايلي
نسيت...
جلال
انتبه ..انتبه..وراك طاير خفف السرعه اللي يشوفك يقول انك تدل
الحايلي
انا ما لفيت عليه هو اللي لف علي مير وش رايك بالسواقه
جلال
(يتريق) لا ما شاالله مره حلوه مير وقف خلني انا اسوق
الحايلي
انت تمدحني والا تتريق علي مير خلنا نشوف سواقتك
جلال
زر الدبل يبي يقطع المشوار قطوع
الحايلي
اناظرك غيرت المسار كأنك عارف وين حنا بنروح
جلال
يازين القهوه وينها
الحايلي
ورا ما نوقف ونزين غدانا ثم نتقهوا ونرتاح اشوي ثم نكمل رحلتنا
جلال
ماهوب الحين بعد شوي الى ان ترتفع الشمس شوي
الحايلي
جال باخذ بغمض عيوني مير مانيب نايم
جلال
تراك ازعجتنا بشخيرك وهذا انت مانتيب نايم
الحايلي
بشر وين حنا فيه
جلال
والله ماندري مير ماحنا بعدين
الحايلي
(مسوي نفسه عارف) الظاهر ما بقى لنا الا يوم وليلتين وناصل
جلال
ههههههاه يا حليلك يا الحايلي دليله (مجلان على غفله)
الحايلي
وش رايك نوقف تحت هالطلحه الزينه
جلال
ولا يهمك
الحايلي
ايه يا سلام على هالرحله اللي تاخذ العقل
جلال
راح نزبط القهوه والشاهي اللي على كيفك
الحايلي
(يمزح) جلال انتبه الظاهر من الأسد
جلال
وش تقول اسد اسد اسد
الحايلي
لا تتحرك تراه راح يشرب قهوتنا مير سو نفسك انك ما تشوفه
جلال
والله مانيب صاحي هذا اسد ما ينمزح معه
الحايلي
امزح معك ما فيه مير تصدق انك شجاع لو انا قلت لي هالحكي كان الحين ناط بالسياره وما يردني الا قاز بق بس
جلال
وش تقول انت وراك بديت تخبط
الحايلي
تخبر هذا اسد يا الغالي ماهوب بس (قطه)
اخوتي الأعضاء لن اطيل عليكم لاكن الرحله لم تنتهي وسأكمل بقيه الرحله فيما بعد
مع تحياتي الغاليه اخوكم
الـحـايـلـي
ويلهف بنزين 
اسد مرة وحده . ولو فقشه محترمه 
كأنكم في فلم اسم الفل ( الرحلة والوادي 
تعليق