(بسم الملكوت الجبار)


فيه ناس زمان اول قررو يحجون ودوروا على ركوبه يحجون عليها لاكن ما لقو فقال ابوهم شرايكم نحج على الديك قالوا له والله فكره حلوه المهم شالو اغراضهم وحملوها الديك من الحطب والفرش والزهاب الخ ….
مشو ييوم يومين الين وصلو حول امويه وقفو يرتاحون في مزرعة وقال الابو لولده اطلع النخله هات لنا رطب وطلع الولد على النخلة وصار ياخذ رطب ولفت نظره تمره فيها فتحه طل في الفتحه شاف نور فدخل اصبعه ودخل الاصبع ثم يده الين دخل هو في التمره وصار يتمشى وشاف واحد يدور يدور قال له : ........................... ؟؟؟؟؟؟
وشاف واحد يدور يدور قال له : .................... وش تدور عليه قال : ادور على نعالي .. ممكن تساعدني ادورها قال له رفيقنا طيب , وراحوا يدورون عليها ... وقاموا يدورن ويدورون ولقوا لهم بزر صغير يصيح ضايع في البر الي في وسط التمرة قالوا له وين اهلك قال ماادري ؟؟ خذوه معهم وراحوا يدورون على اهله ومن طعس في طعس الين وصلوا عند خيمة جنبها جمس 99 لونه زيتي وذهبي وفيه دقشة في الرفرف القدامي الايمن ورقم لوحته ت م ر 123 دخلوا عليهم وقالوا الولد هذا لكم قالوا ايه جزاكم الله خير وجو يروحون قالوا لهم لازم تغدون وحطوا لهم ثريد وشيء من الفالوذج الي يحبه قلبك .
تغدوا ومشوا قال الولد رفيقنا يحتريني ابوي تحت النخلة ابروح وقال له منتب معاوني ندور نعلتي ؟؟ قال اسمح لي .. قال له طيب ابعطيك هدية وعطاه جحه وودعه .
مسى رفيقنا يدور المحل الي دخل معه وعطش وقرر ياكل الجحه يوم جا يفذحها لقى فيها فتحه يطلع معها نور وتردد يدخل والا مايدخل يدخل والا مايدخل ............... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وتردد ياكلها والا يدخل .... !!!!!!!!!!
قرر يدخل ..... دخل يده ثم راسه ودخل ولا درى الا وهوفي وسط ملعب مباراة بين الارسنال ومانشسيتر وقف الحكم وقال له تدري وين طريق الطلعة من الجحه قال وين وش جابك في ذا .. هه ؟؟
قال اني انا واهلي حاجين ورقيت النخلة ودخلت في تمرة ثم في جحه ولاعرفت اطلع قال الحكم اصبر اكمل المباراة وادلك وقال رح هالحين للمنصة بسرعة لاتخرب المباراة
راح وجلس وجاه واحد اعجبه شكله وقال تعال ابغى اعزمك في مطعم ماكدونالد وراح هو واياه للمطعم وطلبوا ثنين هرفي كبير وهم ياكلون دخل مجموعة من الحرامية مسلحين ويستولون على المطعم وخذوا فلوسهم وجت الشرطة وحاصرت المطعم قاموا الحرامية وخذو الي في المطعم رهاين وقامت الشرطة تتفاوض معهم علشان يطلقون الرهاين وبعد ساعات واجد اتفقوا انهم يطلقون سراح الرهاين ويكتفون بواحد بس الين ينحاشون وطاحت عينهم على رفيقنا وخذوه معهم وركبو القطار الين امنو انفسهم من الشرطة وانحاشوا من القطار وتركوا رفيقنا في هالقطار وقعد هالمسيكين ومن قطار في قطار الين وصل امريكيا وينزل يدربي راسه ويناظر هالعماير الطوال الي اطول من نخلة الرجال !!!!
المهم قعد يدور مايدري وش يسوي الين لقى ناس واجد متجمعين ودلى يداحمهم الين وصل لواحد كل الناس يسلمون عليه توه نازل من كابرس 2000 لونه بردقاني واثره جورج بوش يوم انه ملك امريكيا قام سلم عليه وقال له قصته من اولها من يوم نوو يحجون وجاب ابوه الديك وقصة دخلته للتمرة والجحة الي يطلع منها النور الين وصل في ذا .
قال له بوش انا هالحين توني جاي من الخياط ابفصل ثياب لعيالي بس لقيته زحمة قلت مالي الا ثوب الدفة مع انهم يمدحون الاصيل بس مالقيت كبك ,وانا هالحين بسير على اخوي مناديني على نزالته اصبر هنيا لين اعود ….
المهم ان الدنيا ضاقت به ودلى يمشي ويمشي الين لقى قليب وطب يسبح فيه وقرر يغوص .. وغاص وفي نفسه عبرة على اهله .. وشوي وهو طالع على مكان ثاني وطلع من المويه ولقى نفسه في عين هيت بالخرج ويحمد الله على الي هو فيه وقام وطلع الجوال من مخباته ودق على جوال ابوه .. وقال : وينكم يبه ؟؟ انتم حول النخلة ؟؟ اجي يمكم ؟
قال الابو : لا وانا ابوك !! انا في الهند .. اصلي لقيت علب حبحر ولقيته مخفوس ودخلت مع الخفس !!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!


"منقوله"


وكل عام وأنتم بخير..

القائد..