ندرس ونتعلم نتثقف يصير معنا دكتواره من اكبر جامعه بس بحياتنا نتهاوش مع ولد الجيران على من يوقف تحت الظل!!!

نلج ابونا ونغصب امنا ونترجى خواتنا ونتسلف كله عشان نتزوج بحجة انه بنحصن انفسنا بيوم الصباحيه تمر من عندنا لبنانيه نبحلق عيونا فيها ونرد بالزوجه!!!!! ونقول حنا وش خلانا ناخذ هالجنيه مالقاها الا رجل هالبنانيه !!!


نشتري جهاز بألفين والا حتى نروح للقهوه الساعه ثلاث بالليل ولجه وزحمه وصراخ واحد يفصفص على ظهرك.. والثاني مخيسك بريحته وثنين مزعجينك بهواشهم عن من ازين لاعب و كله عشان منتخب مهزوم بثمانيه !!


نقعد سنين نصمم وسنين نختار احسن انواع البويات وندفع كل اللي عندنا عشان نشتري رخام كل هذا عشان نطلع واجهة البيت حلوه بس انه يبيلك طياره عشان تقدر تشوف الواجهه لأن السور ارتفاعه كيلو!!!!


نتأفف ونقول الصيف حر ندور واساطات عشان الحجز وواساطات عشان الاجازة من الشغل و نقول مافيه ازين من السياحه مالقاها الا ابن بطوطه واذا سافرنا النهار نوم تقل بومه وفي الليل يا نروح للسوق اذا كان فاتح ولا للديسكو !!!


الصلاه دايم بالمسجد والصوم حتى الست نصومها !!! نروح لبقاله وناخذ منه بيبسي بريال ونقوله نجيبه لك بعدين !!!! ونهج ولا نبدا نمر ذا البقاله ابد عشان الريال واذا نسينا ومرينا حلفنا له انه مب احنا اللي ماخذين البيبسى !!!


حريمنا مسوين انفسهم خجولات وكلهن حياء يستحون يطلبون اي شي !! اذا صار فيه عرس تلقاها تلف الدنيا تدور وحده تعرف العروسه عشان تحصل كرت دعوه!!!!والاحتى تروح للفندق وتترجى الحارس انه يدخلها لأنها نست الكرت!!!


نطلع الظهر بعز الحر وندور من بقاله لسوبرماركت كله عشان ندور الجريده اذا لقيناها نفتح بس الصفحه الرياضيه!!! والباقي نرميه عشان نقرا تحليل للمباره اللي شفناها امس ونعرف نتيجتها!!!!


نشترك بخط تلفون جديد للبيت وجهاز كمبيوتر براتب شهر واذا سألنا احد ليه كل هذا قلنا عشان نعرف وش صاير بالدنيا وحنا بس على الشات وغالبأ مع ربعنا واخويانا!!!


نسب ونلعن بمديرنا وانه شايف نفسه ونقول وش الله بلانا فيه مايدري ان الكبر لله ! وحنا بيبوتنا ماننادي السواق الا يالوح تعال والخدامه اذا سوت شي غلط قلنا لها ياغبيه ماتفهمين!!!


نشره على اقاربنا انهم قطوعين وانهم بس بالمناسبات نشوفهم !!! واذا واحد منهم عزمنا تعذرنا بحجة اننا مشغولين!!! او اذا مر علينا عشان يسلم قلنا وش جايب هالعله مايعرف يتصل قبل !!!