وصايا البغل المستنير
وصايا البغل المستنير
توقضت من اغماءه اثري في المستشفى وصرت اعصر ذاكرتي اتذكر وش اللي صار لي وتذكرت ان اخر ما صار لي وانا طالع من البيت رايح للعمل لحقتني بنتي الصغيرة تقول بابا ابي عسكريم ودارت بي الدنيا ودخت والسبب اعرفة انا رجال عندي سبعة عيال وتوني صغير في العمر بس اعرست وانا صغير (هم للي زوجوني ما كان عندي اختيار) ومشت ايامي مثل الساعة…. حتى وايامي مثل بعض ما تختلف وكثرو العيال اللين صارو سبعه وصرت اكد مثل حمار المنحات يجي ويروح ويروح ويجي اعيش حياة كلها كد وتعب من اقوم من النوم تسني مطرود اروح للعمل الناس تركض وتسرع وانا على مهل ما حصلت من هالدنيا شي عندي مدير لقى له واحد حبيب يلعب عليه كل المعاملات علي والربع طالعين يفطرون ويشيشون ويجيبون اهلهم من المدارس واذا رجعت للبيت آكل لي لقمه اتجرعها تجرع كن اللي طبختها مغصوبه ما تسنها بتاكل معي بس قل الدبره والسناعه ماخذها بزر ولا تعلمت ..اذا جا العصر اللي مابين طلعتي من العمل وبينه الا آكل غداي اروح اشتري طماط ولا بصل والا اجيب غاز ولا اودي احد العيال للدكتور..(الله يجيركم اذا صخنت واحد تتابعوا في المرض واحد ورى الثاني) ولا اصلح بنشر السيارة او اوديها للصناعية في الزحمة ولا اودي المره لبيت اهلها ولا اجيب سباك ولا كهربائي ولا اروح لدكتور السنون ولا اروح لسوق الغنم ولا اجيب (وانتم بكرامه) حفايض ولا اشتري ذبيحة من سوق الغنم ولا اشتري حليب وعقب صلاة المغرب اعود للعمل ولا انسى اني اودي الصغار للمدرسة بس خالهم يجيبهم (يدرسون عنده )
ويبي ثلاث اميه على جيبتهم والله من الكسوفه وقلة المروه
عمري ما ارتحت الا اذا جا النفاس تروح عند اهلها ويقومون بالازم وانا ما اشتركت في ساحتكم الا في النفاس الله يخلي اللي ابدع هالعاده الناس ترتاح ولو يوم في الاسبوع وانا كد حتى في العطل الاسبوعيه ولا عمري طلعت معهم الخميس والجمعه اروح ابيع بليله في المعارض ولا الحراج علشان احسن دخلي (وترى النت اللي اشتغل عليه ببلاش تغانمت النفاس قلت اوسع صدري )
ودي اطلع مع عيالي اوسع صدورهم ناكل عسكريم ولا سندوتش ونلعبهم على الدائري لكن ما عندي وقت
وتذكرت القصه اللي تقول : ان فيه بدو عندهم حمار وجمل بغوا يشدون وصارو يجمعون عفشهم وخيامهم على الجمل والحمار واقف ينهق ما عليه الا القرب يوم خلصوا تذكروا انهم نسوا الرحى قالوا:يخسى الحمار مال الرحى الا جمل المحامل ..قالت عجوز: لا تحطونها مهوب قادر ييقوم .. قال الجمل: اتركيهم ما اقدر اقوم بها ولا بدونها
وهو انا ومثل ما قال احمد مطر
قال بغلٌ مستنير واعظاً بغلاً فتيا:
يا فتى إصغِ إليّا…
إنما كان أبوك امرأ سوءٍ
و كذا أمك قد كانت بغيّا.
أنت بغلٌ
يا فتى… و البغل نغلٌ
فإحذر الظن بأن الله قد سواك نبيّا.
يا فتى… أنت غبي.
حكمة الله، لأمرٍ ما، أرادتك غبيّا
فاقبل النصح
تكن بالنصح مرضياً رضيّا
أنت إن لم تستفد منه فلن تخسر شيّا.
يا فتى… من أجل أن تحمل أثقال الورى
صيرك الله قويّا.
يا فتى… فاحمل لهم أثقالهم مادمت حيّا
و استعذ من عقدة النقص
فلا تركل ضعيفاً حين تلقاه ذكيّا.
يا فتى… احفظ وصاياي
تعش بغلاً،
و إلاّ
ربما يمسخك الله رئيساً عربيّا !
قلت الحمد لله انا لازم اتصرف واقول للحرمه تشيل عني بعض الحمل وهي اللي ما تعصاني دايم تبي سعادتي وهي اللي تعرف كيف تصرف وهي اللي نذرت نفسها انها تسعدني وتزرع ورد الحب في حياتي
وقمت من مكتني وقلت طلعوني طلعوني
اثري توني قايم من البنج مسوين لي عملية زايده واثري اهذري
------------------
[email protected]
توقضت من اغماءه اثري في المستشفى وصرت اعصر ذاكرتي اتذكر وش اللي صار لي وتذكرت ان اخر ما صار لي وانا طالع من البيت رايح للعمل لحقتني بنتي الصغيرة تقول بابا ابي عسكريم ودارت بي الدنيا ودخت والسبب اعرفة انا رجال عندي سبعة عيال وتوني صغير في العمر بس اعرست وانا صغير (هم للي زوجوني ما كان عندي اختيار) ومشت ايامي مثل الساعة…. حتى وايامي مثل بعض ما تختلف وكثرو العيال اللين صارو سبعه وصرت اكد مثل حمار المنحات يجي ويروح ويروح ويجي اعيش حياة كلها كد وتعب من اقوم من النوم تسني مطرود اروح للعمل الناس تركض وتسرع وانا على مهل ما حصلت من هالدنيا شي عندي مدير لقى له واحد حبيب يلعب عليه كل المعاملات علي والربع طالعين يفطرون ويشيشون ويجيبون اهلهم من المدارس واذا رجعت للبيت آكل لي لقمه اتجرعها تجرع كن اللي طبختها مغصوبه ما تسنها بتاكل معي بس قل الدبره والسناعه ماخذها بزر ولا تعلمت ..اذا جا العصر اللي مابين طلعتي من العمل وبينه الا آكل غداي اروح اشتري طماط ولا بصل والا اجيب غاز ولا اودي احد العيال للدكتور..(الله يجيركم اذا صخنت واحد تتابعوا في المرض واحد ورى الثاني) ولا اصلح بنشر السيارة او اوديها للصناعية في الزحمة ولا اودي المره لبيت اهلها ولا اجيب سباك ولا كهربائي ولا اروح لدكتور السنون ولا اروح لسوق الغنم ولا اجيب (وانتم بكرامه) حفايض ولا اشتري ذبيحة من سوق الغنم ولا اشتري حليب وعقب صلاة المغرب اعود للعمل ولا انسى اني اودي الصغار للمدرسة بس خالهم يجيبهم (يدرسون عنده )
ويبي ثلاث اميه على جيبتهم والله من الكسوفه وقلة المروه
عمري ما ارتحت الا اذا جا النفاس تروح عند اهلها ويقومون بالازم وانا ما اشتركت في ساحتكم الا في النفاس الله يخلي اللي ابدع هالعاده الناس ترتاح ولو يوم في الاسبوع وانا كد حتى في العطل الاسبوعيه ولا عمري طلعت معهم الخميس والجمعه اروح ابيع بليله في المعارض ولا الحراج علشان احسن دخلي (وترى النت اللي اشتغل عليه ببلاش تغانمت النفاس قلت اوسع صدري )
ودي اطلع مع عيالي اوسع صدورهم ناكل عسكريم ولا سندوتش ونلعبهم على الدائري لكن ما عندي وقت
وتذكرت القصه اللي تقول : ان فيه بدو عندهم حمار وجمل بغوا يشدون وصارو يجمعون عفشهم وخيامهم على الجمل والحمار واقف ينهق ما عليه الا القرب يوم خلصوا تذكروا انهم نسوا الرحى قالوا:يخسى الحمار مال الرحى الا جمل المحامل ..قالت عجوز: لا تحطونها مهوب قادر ييقوم .. قال الجمل: اتركيهم ما اقدر اقوم بها ولا بدونها
وهو انا ومثل ما قال احمد مطر
قال بغلٌ مستنير واعظاً بغلاً فتيا:
يا فتى إصغِ إليّا…
إنما كان أبوك امرأ سوءٍ
و كذا أمك قد كانت بغيّا.
أنت بغلٌ
يا فتى… و البغل نغلٌ
فإحذر الظن بأن الله قد سواك نبيّا.
يا فتى… أنت غبي.
حكمة الله، لأمرٍ ما، أرادتك غبيّا
فاقبل النصح
تكن بالنصح مرضياً رضيّا
أنت إن لم تستفد منه فلن تخسر شيّا.
يا فتى… من أجل أن تحمل أثقال الورى
صيرك الله قويّا.
يا فتى… فاحمل لهم أثقالهم مادمت حيّا
و استعذ من عقدة النقص
فلا تركل ضعيفاً حين تلقاه ذكيّا.
يا فتى… احفظ وصاياي
تعش بغلاً،
و إلاّ
ربما يمسخك الله رئيساً عربيّا !
قلت الحمد لله انا لازم اتصرف واقول للحرمه تشيل عني بعض الحمل وهي اللي ما تعصاني دايم تبي سعادتي وهي اللي تعرف كيف تصرف وهي اللي نذرت نفسها انها تسعدني وتزرع ورد الحب في حياتي
وقمت من مكتني وقلت طلعوني طلعوني
اثري توني قايم من البنج مسوين لي عملية زايده واثري اهذري
------------------
[email protected]
تعليق