السلام عليكم ورحمة الله وبركاته

اخوني المشرفين والاعضاء
وش رايكم كل واحد يقول موقف او قصه طريفه حصلت معاه


وانا رايح ابدا اول واحد

اذكر مره رحنا انا وشباب للمنطقه الشرقيه وقررو الشباب انهم يروحون للبحر عاد الشباب ماشالله عليهم سباحين من الدرجه الاولى ( ولا واحد يعرف يسبح ) المهم نزلنا للبحر وتعال تفرج علينا مع البزارين على الشاطي واحد جايب معاه لستك ( مطاط دائري منفوخ يستعملونه اللي مايعرفون للسباحه ) المهم وهو حاط اللستك بوسطه ورجلينه ماهي على الارض وانا واقف بجنبه والمويه واصله لرقبتي المهم تقدمت خطوه مالقيت ارض تحي اثاريني واقف على حفه يعني قدامي خطوه واحده الارض عميقه مرررررررره فتراجعت على طول
ابو الشباب قدامي يعني بالعميق وهو مايدري فقام واحد من الشباب وعطاني النظارات حقات الغوص نزلت ونظرت له يامار واقف بعيد عن الارض القريبه فقلت له تعال بسرعه تراك بالعميق ماصدقني
قلت له والله انك بالعميق وكان بعيد شوي المهم حاول انه ينزل رجله لاكن مالفي ارض
ويوم صدق تعال وشوف شكله مره وجهه احمر ومره ازرق ومره اصفر انا مت من الضحك عليه وقعد يلف حاله وكل شوي يبعد وانا ميت من الضحك عليه اخر شي قعد يصيح باعلى صوته لين ماجانا واحد ماشالله عليه وسحب خويي
المهم بعد ماطلع وامن حاله قال لاتكلمني
وكان وجهه يتقلب ( الخرعه ماراحت منه )
وبعد مده رضا هو لحاله لانه عرف ان ماله حق يزعل علي


هذا الموقف صراحه كل مااذكره اضحك عليه


يالله عاد
جاء دوركم