هذا المسلسل وصلني عبر الاميل حبيت تتفرجو ا عليه معي

ولا تنسون تعلمون ابوكم وامكم وجدانكم يتابعونه


الحلقة الأولى :
المشهد الأول :
وطفه وحسنه وصبحه ( الظاهر إن المخرجين الشوام ما يعرفون غير هالا سامي ) مجتمعات عند الغدير وقاعدات يدورن عن عدسات عيون وطفه بنت الشيخ مفوز فجأة يقبل عليهم فارسين راكبين خيول ( لا يا شيخ قل والله نحسب الخيول راكبتهم ) من قبيلة الشيخ ملفي ينزل أحد الفارسين ( حامد ولد الشيخ ملفي = ملصقين على وجهه شنب مايل وحاطين له جدايل ومعه جراب سيف وبندق مصديَه = ورازن صدره علشان بمخباته طقم أقلام باركر يعني أنى مثقف يسلم على البنات ويردن عليه السلام ماعدا وطفه كانت مشغولة تعبي جرة ألمي حامد يناظر بوطفه ( شوي موسيقى ونظره على جنب يعني انه عشقها ) يناديها حامد وهي ما جابت خبره = حامد يكلم نفسه ( أو الله اللي بلشنا بهالصقها ) يقترب يحط أيده على كتفها يبي يكلمها تلتفت له وطفه مفجوعه وتوخر ( السماعات اللي حاطتهن بآذانها كانت تسمع شريط أحلام الجديد ) ويدور بينهم الحوار التالي :




حامد : سلام عليكم يا بنت الاشواد<-- ( الاجواد ) !!!
وطفه : وعليكم السلام ورحمت الله وبركا توه يا هلا بالضيف .
= بالمهلي . انتم من عربوه ؟؟
= حنا عرب الشيخ مفوز .
= والله وانعم . سمعنا عنه بين العربان .
= ما عليك زود وش حاجتك ياضيف الرحمن ؟؟ ( البنات اللي معها صافات كنهن واقفات سرا عند خباز ويتضاحكن لحامد.

= أريد شربة مي ( يتسذب توه شارب طاسة فيمتو وهم بالطريق ) <- تكفى يا للي كنت معهم .
تمد وطفه لحامد قربة الماء وهي تتبسم له وهو يناظرها بعيون مسبلة يحط القربة بخشته ويتناثر نص الماء على صدره = يعني شوفوا يا لمشاهدين إن بالقربة ماء وبعد ما يشرب يمد لها القربة ويدور الحوار التالي :

وطفه = هني
حامد = هناتش الله بالإيمان وطاعة الرحمن . أقول يا بنت الاشواد : حنا طلعنا من عربنا قبل يومين ودنا نقنص والظاهر إننا تهنا !!!
وطفه تناظر بوجه حامد وهي تقول بنفسها ( أو الله الرخمه . طيب خذ معك قارمن <-- ( للي يعرفون للبر ) ما دامك تدري انك دبشه .
= طيب من هاظ اللي معك ؟؟
= هذا مهاود ولد راعي البقالة اللي بحينا !!
= طيب ليش ما تفضل لبيت أبوي الشيخ مفوز وهو يكرمك لين يحلها الحلال ونلقا اهلك !!!!
تقل ما كذب خبر يالله وين بيت أبوش الشيخ مفوز ؟؟
=أنا مكدر (ما اقدر ) أروح معك لو شافوني أهلي معك يكتلوني لكن أوصف لك البيت وأنت تروح لعندوه .
= على بركت الله … ياخذ الوصف .. ويروح قاصد بيت الشيخ مفوز .
وطفه ترجع تحط القربة بالغدير وتسج وهي تجدل بشعرها وتهوجس بحامد .. يجون البنات عندها ويكلمونها وهي ماترد عليهم يعني أنى اهوجس ومخي مشغول


حسنه : أقول يا وطفه علامش سارحه ومخش مشغول ؟؟ اللي ماخذ عقلش يتهنا بوه !!


وطفه : بعد تنهيده والله انه اشودي وابن حلال و يستاهل كل خير .

حسنه : طيب عندنا لتش خبرن زين يفرح قلبتش !!!

وطفه : هاه بشروا عرفتوا رقم جواله ؟؟؟؟؟

حسنه : لا ياذهينه ، لقينا عدساتش

------------------------


(( المشهد الثاني )):
حامد يصل لبيت الشيخ مفوز = الشيخ مفوز جالس مع الربع ( يلعبون كنكان ) يرفع الشيخ راسه ويفز ياهلا بضيوف الرحمن ياهلا الله والنبي محييكم تفضلوا .


يلتفت الشيخ لحامد يا هلا ومرحب شلونكم شلون الربع والحلال ؟؟
حامد : ( بعد ما يشرب فنجال القهوة ) تحيا وتدوم يا شيخ كلهم بخير . يمد حامد الفنجال للي يصب القهوة ويسأله بصوت منخفض أقول يا لحبيب ما عندكم شابوره ؟؟ ( ذابحهم الجوع راعين القنص )
= وشلون الربيع بدياركم ياضيف الرحمن ؟؟

حامد : ( يكلم نفسه : ورطنا ما يدري أننا مقابلين الدش ألين الصبح همن نصكها نومه ألين المغرب ) والله يا شيخ الحمد لله الربيع زين والأرض رويانه والحلال ما عنده خلاف .
= ومن أي عرب انتم ؟؟
= حنا يا شيخ من عرب الشيخ ملفي .
يفز الشيخ مفوز من مكانه كنه واصله الدور بمكتب اشتراكات ووجهه متغير وهو يقول " من عرب الشيخ ملفي ؟؟ يحط أيده على ذقنه وهو يناظر بحامد وخويه الصتيمه ويقول بنفسه " انتم وش حذفكم بيديني وانتم من عرب الشيخ اللي كل ما مرينا من عندهم رجمونا ، التفت الشيخ لواحدن من الجحلط اللي عنده وقال له : قم اذبح خروف واطبخه لضيوفنا
حامد يوم سمع هالكلام انبسط لانه هلتس من الجوع ومدد كرعانه يبي يورى الجماعة انه مشخص بكنادر جدد مايدري وش الشيخ ناوي به ,,,,,

اذا جاز لكم المسلسل علموني اكمل لكم الجزء الثاني

هذا المسلسل برعاية الوان بعض الناس