السلام عليكم ورحمة الله


هل المثل القائل اطلبوا العلم من المهد الى اللحد مثل صحيح؟؟


حسنا.... لك ان تجاوب على ذك التساؤل بعد قراءتك لهذه الحادثة:


محمد طبيب مشهور... وهو احد افضل جراحي القلب في الشرق الأوسط... ولكنه يبدو مهموما جدا... والسبب هو ان ابنه الوحيد.. غبي جدا جدا.. حتى ان المدرسين طلبوا منه ارساله الى مدرسة للمعاقين لسبب حالته الخطيرة.


.فكر محمد مليا في طريق لكي يعالج ابنه فلم ير اي بد من ان يكلمه ويرى ما ترنوا اليه نفسيته.


.يا جابر... تعال


نعم ابوي...آمر .


.ما يامر عليك عدو ياحبيبي..


.لا ابوي لا تزجرني(تناديني) حبيبي لأن امي بتغار


امــه: لا يا حبيبي ما بغار .


جابر:خلاص بنت الجيران بتغار.


الاب : يا جابر يا حبيبي


جابر مقاطعا:ارجوك ابوي... ترى صدق بزعل


الاب:خلاص .. يا جابر ياخوي.


.جابر :الحين اوكي.


.الاب:ياولدي ايش مشكلتك مع المدرسة؟


جابر : ابوي عيب عليك.. الحين انا ريال ايش طولي -يوصل طولك -تقول لي ايش مشكلتي ويا المدرسة؟؟ شايفني اضارب وافتن على المدرسة؟؟ مينون انا؟؟ لو المدرسة آدمية كان قلت اوكي بس هاي جماد.


الأب : .يا ولدي اقصد ليش ما تذاكر؟


جابر : شوف ابوي...الحين انت قول لي شو استفدت من المذاكرة؟


الأب : ما تشوف؟؟ ما تشوف البيت اللي نحن ساكنين فيه؟ ما تشوف ربع ابوك كيف يعزونه


ويحترمونه؟ ما تشوف حالتنا المادية كيف الحمد لله ميسورة... ها كله ابسبة المذاكرة..


جابر : اوكي..باكر بتموت وبيزاتك كلها بتروح لي انا


الاخت صالحة: مب لك وحدك لي بعد


الام:عيب عليكم.. تقسمون ميراث ابوكم وبعده في عز شبابه..اقول بوجابر.. كم عندك


في الحساب؟


الاب: بس .. شو خرفتو...اقول يا جابر.. شوف اختك كيف شاطرة.. ماشاء الله دوم الاولى.. وجوائز من المدرسة ومنا نحن..ما بتصير مثلها؟


جابر: ابوي انا ولد... ما اقدر ايلس 24 ساعة امقابل الكتاب .. هالبنات ما عندهم شغل ولا مشغلة غير المذاكرة..


الاب: اوكي.. على كيفك...انت شو تبغي تستوي يوم تكبر؟


جابر: والله... اتشوف ابوي الهندي اللي يبيع سمبوسة... ياسلام.. بسوي شراته يوم اكبر..


الاب: ما شفت احسن من هالشغلة


.. الابن:احسن من هاي شو؟؟ ابوي احلى شي يوم اليهال يتيمعون حواليك وتفرحهم انت


بالسمبوسة ... بس ابوي شد حيلك ويمع بيزات وايدة عشان يوم بحصل بعدك الارث اوزع


السمبوسة اببلاش..


الأب : -ولدي اسمع ... يقولون اطلب العلم من المهد الى اللحد...وانا من يوم انا قدك والى


يومك ادرس وما بخلص.. الدراسة لذيذة يا ولدي .. كل يوم تكتشف شي يديد في


هالدنيا..


جابر : شو الفايدة تدرس وءاخر عمرك اتخرف ويودونك بيت العجزة...


الأب : يالعاق بتوديني بيت العجزة...


جابر : يعني وين اوديك... اسكنك وياي ويا اهلي وعيالي اتخبلهم؟؟


الأب : انت من البنت اللي بترضا فيك يالخبلة..


جابر : ابوي احترم نفسك.. دام عندي بيزات البنات يبغوني..ولا انت كيف ما خذ امي..


الأب : يا قليل الادب ..


جابر : تراك اتغلط على عمرك ابوي... انت اللي ربيتني..


الأب : حشى... هالهندي اللي يبيع السمبوسة هو اللي رباك...شوف يا ولدي.. ذاكر درسك وعيال الناس مب احسن عنك وصدقني اذا قمت تنجح ازوجك احسن بنات الفريج


جابر : والله ابوي؟


الأب : كلام رياييل...


جابر : خلاص صار....


جابر هذا لازال في الصف الاول الابتدائي... ولكن اقتنع اخيرا.... واخذ يدرس


التكملة في الحلقة القادمة...