وأنا نايم بالليل والا أسمع زعاااااااااااااق عاااااااااالي ويوم قمت والا أخوي الصغير مايبي يروح للمدرسه بعدين رجعت بانام والا تجي أمي تصحيني بعد ماصحيت رحت للحمام وأنتم بكرامه يعني و ........ وبعد ماطلعت والا تعطيني أمي محاظره طويييييييييله بس عشاني قلت منيب موصل أخوي الصغير لمدرسته ويوم جينا نطلع أنا وأخوي الي ابي اوصله غصب وبعد ماطلعنا والا تشوف النسر الذهبي ( سيارتي ) كامري ذهبيه إكس ال مطيحه ومظلله وبعد ماوصلت أخوي دقيت ذا المشوار للجامعه والمشكله ان كليتنا آخر كليه ( علوم اداريه ) على العموم يوم وصلت وهي موصله معي اتش والا يجي خويي ( نص لفه ) ويضحك بوجهي وكان ودي أصطره ببوكس بس الله ستر وبعد ماشربت كاباتشينو وجيت أدفع الحساب ( غالي 5 ريال ) والا يجي خويي الطيب الرهيب الخلوق ويدفع عني وبعد كذا حسيت بنفسي اني ماشبعت فقلت لخويي وش رايك نشرب كاباتشينو ( على حسابك ) علبال ماتجي المحاظره وبعد ماروقت والا تجي المحاظره ويدخل ذا الحجازي ابو ريحه وبعد ماخلصت محاظراتي رجعت بالنسر الذهبي للبيت وأنا بالطريق والا يرن البيجر يوه قصدي الجوال وقفت عند كابينه عشان أتصل يوه قصدي رديت والا الوالده تبيني أجيب اختي من مدينة الملك عبد العزيز وأنا وصلت معي وأتلطم وأدقها بالنسر الذهبي (( 180)) وقربت من المدينه والا يوقفني الممرور ويعطيني مخالفه ويوم وصلت للمدينه والا يوقفني الجندي الي عند الباب ويدقها تحقيق (( يحسبني باجيب قنبله ذريه )) والا يجي زوج اختي ويعطي الجندي محاظره حرم يوقف واحد بعدها وبعد ماجبت اختي للبيت وأنا متوقع اني اجي والوالده مجهزه الغدا وأول مادخلت والا تعطيني أمي محاظره ثانيه عشاني نسيت أخوي وبعد ماجبت أخوي من المدرسه والا تقولي رح وخر الي يفحطون بجنب بيتنا قلتلها وين لو اني سوبر مان ماسويت كذا والا تعطيني محاظره ثالثه وبعدين قلت فكر ياسكرتريو فكر فكر والا الاقي الحل طلعت بالكامري وتلطمت وطلعت من الشباك قاعد أقول (( جت الشرطه ، جت الشرطه )) مرت ثانيه والا الشارع فاضي وبعد مارجعت وقعدت اتغدى وبعد كذا جيت أبنام والا قاعد يظن العصر قمت وتوضيت ورحت للمسجد وبعد مارجعت من الصلاة والاقي اخوي الصغير يلعب سوني اشتهيت العب سوني اسمع الناس يسولفون سوني سوني وانا ماادري وين الله حاطني قعدت العب مع أخوي ( غصب عليه ) ولا أخذني الوقت ( درايفر ، الدوري الياباني ... الخ ) ويذن المغرب رحت المسجد وصليت ورجعت وأفتح الانترنت وأفتح ايميلي وكالعاده مافي ولا رساله (( فاشل )) وأفتح ساحة الاقلاع وأناظر المواضيع والا الاقي ناس مدري من وين طلعوا وقلت بنفسي الله يخلف علي وأدخل موضوع واحد ماأعرفه والاقيه كاتب اكثر من مية موضوع قلت وين ولا وين وأنا أقترح للمرور يحط لكل واحد يكتب مواضيع محدوده موب باليوم يرد مية رد واذن العشا وبعد مارجعت من المسجد ولا الاقي أمي مسكره الكمبيوتر وتقولي شف عيال عمك شف عيال فلان وعلان ينامون مبكر على العموم رحت بأنام وقعدت أتسدح وأتقلب بالفراش 3 ساعات وكان عندي فيلم ماشفته فقمت قاعد أراقب وطلعت والا الاقي أخوي يلعب سوني خفيت عليه وقلتله ذا أحسن فيلم بالعالم وعلى العموم وحنا قاعدين نناظر والا أمي طالعتلنا بالعصا وتكفيخ وأنا أقول لامي تراني كبير وأمي ولا كأنها تسمعني وبعدين نمت ( غصب عني )
وهذي يوم من أيام البائس : أبو برغش



------------------
ابو برغش السفاح