حمود شاب سعودي ويبلغ من العمر العشرون
عندما ولدته امه بعمليه قيصريه كادت ان تودي الى وفاتها
ويرجع السبب لراسه الكبير
رسم الرسامون راس حمود ولكن رسمة الرسام الشهير "ريفالدو" هي الافضل
وقد رسم الرسام الشهير "تيمورلنك" راس حمود بهذا الشكل
7
7
(_____...يتبع)
خخخخخ

()()()()()()()()()()()()()()()

ميثه بنت ((اجل ولد ؟))
شابه عمرها ثمنطعش
ولدتها امها بعمليه قيصريه كادت ان تودي بحياتها
وكان ذلك بسبب كبر خشم هيله
وكان خشمها عباره عن مطبات و لو انها حاطته ماوس ابرك
رسم الرسامون خشمها وكانت الافضل رسمة الرسام "شكسبير"
ورسم خشم هيله على النحو التالي
7
7
|-_-_-_-_-_-_-_-_.....الى بكره |
خخخخخخخخخ

()()()()()()()()()()()()()()()

الحين حمود راااااااقد
ام حمود : قم يا وليدي ودني للسوق
حمود : والله ما اعطيك ولا ريال
ام حمود : وش رياله يا ولدي يلا قم
حمود : اقول لا تقعد تحارش
ام حمود جابت ماي وكبته على وجهه
حمود : ها هلا وش فيكم وش السالفه
ام حمود : يلا قم ودني للسوق
حمود : يا كثر ما تروحين للسوق
ام حمود : معليه يا وليدي قم
حمود : طيب الحين ابتروش وبجيس
راح حمود يتروٌش
عبٌا له ست غرشات عطر ((لزوم الصنان ))
طق الشماغ كوبرا2002 و المرزام دبٌوس

حمود : يلا يمه
ام حمود : وش هالزين يا وليدي ذكرتني بالمرحوم .. الله يرحمه
حمود صار وجهه طماطه ناشبه بحلق زيدي توه نازل من السقاله
حمود : الله يرحمه انشالله

()()()()()()()()()()()()()()()

ميثه : يمه ابروح للسوق
ام ميثه : لالا مافيه اسواق
ميثه : وش فيس يمه تكفين ابروح اشتري لي اغراض
ام ميثه : كل يوم اغراض انتي
ميثه : تكفيييييييين يمه
ام ميثه : لكن ترجعين بعد ساعه
ميثه : انشالله يمه
ام ميثه : لا يكون بتروحين بلحالس ?
ميثه : لا وش دعوى .. ابخلي الشغاله تجي معي
ام ميثه : اوكي يلا انقلعي

()()()()()()()()()()()()()()()

الحين ميثه راحت السوق
و حمود بعد بنفس السوق

حمود وامه من محل الى محل ومن دراعه الى دراعه
ميثه و الشغاله من دواره الى دواره و من قز الى قز
واتت لحظة بحلقة العيون
حمود يبحلق بميثه
ميثه عطته نظره خفيفه مع ابتسامه ((العيون صارت صينيه من كذا عرف انها ابتسامه ))
حمود راح طيران على اقرب محل بطاقات
البطاقه فيها "رقم الجوال+رقم البيت+لوحة السياره+عمه+جده....الخ"
حمود خذ البطاقه وعلى طول راح يتميلح عند ميثه
عاد حمود قط الرقم بالكيس اللي ماسكته ميثه
ميثه على طول طلعت من السوق
و رجع حمود لامه ما لقاها
راح يدورها لقاها بمركز الشرطه
وخذها من مركز الشرطه ومن شين الطبايع يعتذر لها
عاد قامت تندندر على راسه وهو يحبب براسها ويقول لها "سامحيني يا ماما "

()()()()()()()()()()()()()()()

ميثه : هلا يمه
ام ميثه : لا هلا و لا مسهلا
ميثه : وش بلاس يمه
ام ميثه : تاخرتي نص ساعه يا وجه العنز
ميثه : كان فيه حادث والاشاره اختربت
ام ميثه : اهاااااا .. الله يكفينا شر الحوادث ((يا حليلها ))
عاد حطت ام ميثه الغدا
مرقوق لحم & شوربه & لبن

()()()()()()()()()()()()()()()

حمود : يا الله يا يمه تعبتينا من ذا الشموس
ام حمود : معليه يا ولدي
حمود : متى الغدا
ام حمود : انتظر
ومرت ساعه و حمود قاعد يفكر بالبنت و متى بتتصل عليه و ... و ... و ...
ام حمود : وش فيك يا وليدي ؟
حمود : ما فيه الا العافيه .. قاعد افكر بالوظيفه ((عاش مصرف ))
ام حمود : الله يعينك يا ولدي ((يا حليلها ))
حمود : الله يسمع منس
ام حمود : يلا الغدا جاهز
وكان الغداء عباره عن كبسة دجاج & لبن & شطه تباسكو
انتهى حمود من البلع و الزط وراح غسل ايده بالماء و الصابون
ومن الجدير بالذكر ان حمود زلق زلقه مهيب صاحيه بالحمام
المهم بعد ما خلص حمود من الغسيل راح عند الكنب عشان يخمد وفي روايه يرقد
رقد حمود وجا وقت الصلاه وقومته امه عشان يروح الصلاه
و قام حمود و لبس شماغه و راح المسجد

()()()()()()()()()()()()()()()

راح حمود المسجد و توضى هناك ((هناك = حمامات المسجد ))
و دخل حمود المسجد مع الاقامه وبدت الصلاه
واذا بجوال حمود يرن على نغمة "عبد القادر "
و رن حوالي ثلاث مرات و المشكله فيه لوحه كبر قريح برا المسجد ومكتوب فيها "اغلق الجوال"
وبعد الصلاه خطب الامام و تكلم عن اللي يفتح الجوال وقت الصلاه
حمود صار وجهه طماطه
طلع حمود من المسجد وعلى طول فتح الجوال ولقى ثلاث مكالمات لم يرد عليها
حمود دق تلفون على اللي دق عليه بالمسجد

حمود : الو
ميثه : هلا
حمود : من معي ؟؟!!
ميثه : البنت اللي بالسوق قبل شوي
حمود : يا هلا و يا مرحبا .. توه جوالي ينور كانت بطاريته خربانه خخخخخ
ميثه : هههههههههه دمك خفيف
حمود : كيف حالس ؟
ميثه : بخير .. اخبارك انت ؟
حمود : انا بخير دام الغالي بخير
ميثه : من هو الغالي ??
حمود : اكيد انتي يا بعد قلبي
ميثه : ايه حسبت

الحين البنت مشفوحه و حمود مشفوح وكل واحد يبي يوضح للثاني انهم يبون يشوفون بعض

حمود : عيونس حلوه بس ما شفتها الا من بعيد ولا شفتها زين ((اقل شي بتكون حوله ))
ميثه : حتى انا ما شفت وجهك زين البرقع كان مسوي ضباب
حمود : اجل لازم اشوفس في العجيل القارب(القريب العاجل )
ميثه : اليوم المغرب
حمود : ايه بس وين ؟
ميثه : بالسوق اللي قابلتني فيه عند البوابه الرئيسيه
حمود : طيب وشلون اعرفس ؟
ميثه : زينب العسكري بتلاقيها مسنتره
حمود : يا حظي
ميثه : طيب انا وشلون اعرفك ؟
حمود : راشد الماجد بيجيس طاير
ميثه : يلا امي جات مع السلامه
((ويقولون ليه فواتيرنا غاليه )) !!

()()()()()()()()()()()()()()()

ام ميثه : من تكلمين ؟؟
ميثه : صديقتي
ام ميثه : وش تبين فيها ؟؟
ميثه : هي اللي كلمتني تعزمني عندها اليوم المغرب
ام ميثه : طيب يلا روحي تزبرقي
ميثه : طيب طيب

()()()()()()()()()()()()()()()

الحين حمود قاعد يتزبرق بالحلاق و تنظيف بشره وكل ما يجي ببالك
ميثه غرقت وجهها مكياج وصارت تسبح بس هي ما تعرف تسبح
لكن حليب السعوديه طلع سنايدي و جا انقذها خخخخخخخخ

الله أكبر .. الله أكبر <--- اذان المغرب

اتت لحظة اللقاء .. لحظة الرهبه .. لحظة الخنبقه

ميثه خلت السواق يوديها عند السوق
حمود راح عند السوق

راح حمود يدور زينب العسكري بس ما لقاها
ميثه تدور راشد الماجد ولا لقته

وش السواة ؟؟

قام حمود دق على جوالها وقال لها وينس ؟
قالت انا عند البوابه الرئيسيه
قال حتى انا
قالت له امسك ورده والا اي شي
قال لها طيب انا باخذ ورده
قاعد يتمشى حمود وبيده ورده الين ما جته البنت

راحو يتمشون بالسياره
قال لها حمود "شيلي الطرحه عن الوجه السموح "
قالت له تو الناس
قال بس على خفيف نظره صغيونونه
قالت طيب
وشالت البرقع عن وجهها
قال لها حمود :-
-
-
-
-
-
-
-
-
-
-
-
-
-
-
-
-
-
-
-
-

صبغ و ألوان تخلي العنز غزلان

@@@@@@@@@@@@@@@@@@@@@

انشالله عرفتو الهدف من الموضوع
يعني لا تجي عنز و تسوي غزال
و الاسواق تراها منتشره من هالنوعيه التايوانيه
ما اقول الا الله يهدي الجميع