كل شخص منا له ربع واصدقاء .. كل واحد وربعه بالنسبه لي انا ربعي أشكال وألوان حسب شكل ولون كل واحد .. ولكن أكثر أصدقائي (كوكتيل) .. والسبب ان علاقتي محدودة حبتين ، يعني إذا مشيت مع واحد لك عليه شوي يعني بالعربي (داشر) ما تحصلني ألهث وراه كل ما سواه أسويه ،لا،أمشي معه شوي واتعرف على بعض الخلطات السرية للداشرة وأوقف !!
وإذا خاويت (طالب متفوق) في الدراسة أيضاً. أبقى كما انا يوم أحل الواجب ويوم لا !!
واتعرف - أيضا - على علاقاتي مع الأنواع هذي على الخفيف ،أخاف من الدشرة،والمتفوق شكله يخاف مني !!
المهم طلعت مرة من المراريت مع واحد من ربع الدشرة وقال لي : هاه تشرب معي كاس شاي في البيت !! حكيت شعري وقلت : ليه لا كاس شاي لا مانع .. بس على شرط : دخان معسل ما أبغى أنا ولا تشرب أنت عندي بعد !! قال : أوووه حتى أنت بدأت تشرط علينا، على العموم أنا مليت ربعي وودي تخاويني وبلاش من الكحة والدخاخين !! قلت : مشينا .
أنا طبعا يا شباب اضطريت (أطق) لطمة وأغير في مشيتي لا يشوفني أحد مع هذا الخبل ويقول الولد دشر . وشكل الرجال عرف ليش تلطمت بالشماغ لكنه طنش . وصلنا بيتهم ودخلنا . مجلسهم كان حوسه وظلم شوي وكل اللي أنتم تظنون موجود . لكن الحقيقة الرجال كان إلى حد محترم معي .. ولا أحب يحرجني بشيء جاء الشاهي صب لي وشربت وسولفت معه وعطاني علوم غريبة . اكلمكم عنها بعدين .. طبعا هو اسمه فهد لكن يوقع بأسم سبع الليل

الجزء الأول انتهى
ترقبوا الجزء الثاني قريبا اها
الموقع الأصلي للموضوع

تم ترم تم تم