تابعو معنا الجزء الثاني لمعرفة :
سر بكائي " مع اني دايم اصيح واول يعيرني ببريق صياح " ( سر يعني لغز مو السر اللي في بطني)
لماذا وجهي تفقع وصب دمة ؟
جميع هذه الأحداث في الجزء الثاني
والي يبي يشوف الجزء الأول يبغز هنا

خلصت السواليف وما دريت قام وسحب شريط (فيديو) وشغله ورجع لمكانه .. قلت : فهد إيش هذا ؟ قال : تعلم يا جاهل . واللي ما يلوحك لازم تلوحه .. قلت !! اييش قصدك ؟ . قال : شف هذا وانت ساكت ! رحت للفيديو وصار الشريط فيلم لـ(رامبو) .و(رامبو) هذا يا شباب أمريكي وبوه هندي .. وأمه الحقيقة ما أدري من وين (ابوك يا الشرح ) ..
(رامبو)هذا طول وعرض وعضلات وأي معركة يدخل فيها يكون هو الربحان .. ومثل ما يقولون المخرج المصري عاوز كده !! الحقيقة - الله لا يواخذني - شفت الفيلم وأثر الوضع غير معقول .. بقوس .. وعجاري .. وسكاكين ومسدسات . والفلم شغال وانا قاعد اناظر وادخل اصباعي بخشمي وابرمه ابرمه ( لزوم الإنسجام) المهم خلص الفلم وشكل رفيقي طولتها عليه .. قلت : عن إذنك قام هو وفتح الباب وقال وهو يناظرني : بدري !! قلت شكرا بس الحقيقة (رامبو) ماهو سهل .. قال:ولا أنا !! قلت : طبعا ولا انت يا سبع الليل !! (ايه هين بس)
مشيت من عند الرجال وبالي مشغول في قوة الخبل (رامبو) وقلت بنفسي أكيد (رامبو) بدأ من الصفر !! ويوم تعديت حارة فهد شفت ولد أصغر مني وشكله من عيال عم الرجال في الدشره .. قال لي : ايش اللي وراك ؟ التفت بسرعة .ثم قال وهو يضحك علي : واحد صفر .قلت : واحد صفر ؟؟ شكل الصفر هذا هو صفر (رامبو) .. جمعت روحي وبلعت ريقي وطقطقت أصابعي وقلت بنفسي يا الله هذي فرصتك يعني : مالك عذر .. مديت يدي على طوق الثوب وسحبته بقوة .. الولد ما سكت وصكني على الحنك الي تحت .. أنا فكيت يدي منه ودخلتها على ضروسي لا يصير أحد ضروسي طاح !! الولد ما تركني ضربني في بطني والشاهي في آخر مرحلة مع شوي خوف وتلخبط و.... (كملوا الباقي) لكن قبل ما تكملون الولد كمل علي قام ودخل رجله بين رجولي وسحبني وصرت على الاسفلت بشكل أفقي . الناس الله يهديهم تأخروا ما تجمعوا علينا مثل العادة . جاء واحد وفكنا . أقصد فكني !! وقال : رح لبيتكم يا شاطر أنا ما كذبت خبر وهات يا جري لين البيت قلت : أروح ولا يطلع شيء ثاني !! جريت للبيت والوضع لا ينشكي ولا ينبكي . دخلت البيت و(دوغري) لدورة المياه غسلت وصحت شوي ثم أخذت دش وطلعت ولا كأن جرى شيء . ما أبي الولدة وأخواني يعرفون الي صار ..
شوي الا وأختي فأجاتني بسؤال قالت : (الأبلة)اليوم تتكلم عن الغزو الإعلامي الأمريكي وقالت من ضمن الشخصيات (رامبو) من هو (رامبو) ؟ قلت (رامبو) يا اختي (بزر) تلقينه قبل حارتنا عن إذنك ابي انام ....

الموقع الأصلي للموضوع

------------------
لاينبغي أن تقول كل ماتعرف ولكن يجب أن تعرف كل ماتقول