1: ياكثر ماتصير هالحركه.....تدخل الاستاذه....تسلم....بنتين ينقزون ويدهرون بمسح هالصبوره..الي مافيها غير التاريخ...وبعدين استاذه..ممكن اروح اغسل يدي؟؟عاااد تحطيمه.. تغسلي ايدك ليه؟؟؟هو انا ألت لك تمسحيها؟؟روحي أعدي في مكانك بلاش لعب عيال..

2:هذا موقف بعد يتكرر يوميا وكل حصه....البنات بالاسياب تقول يرعون غنم...اول مايسمعون طقطه الكعب حق المصريه يبدا سباق الهجن...والي تبط ولا احد يمها..والي ماخذه المركز الاول..مشكله لو تطيح البنت...الشعر ينعفس والجزمه..وانتم بكرامه تسفح وتصك براس بنت ثانيه...حاااله..

3:حصه الانجليزي...هذي ورطه...خاصه اذا كانت الاستاذه سنعه وكل كلامها انجليزي من طق طق لسلامو عليكو...تقول كلمه انجليزيه بالشرق....يردون عليها بكلمه هنديه بالغرب....من كثر مايشوفون افلام هنديه...



4:بنص الحصه...هدوء الفصل ..الدرس معقد...الا وحده تكح وتكح وتكح وتكح وتكح وتكحوتكح وتكح وتكح وتكح وتكح وتكح وتكح وتكح ...الا وتقول الاستاذه ..قومي يافلانه اشربي مويه....وتنقززز ماصدقت خبر.......ترجع البنت...وتكمل الاستاذه الدرس...الا وبنت شرقانه جد وتكح بينقطع نفسها....والاستاذه مسويه ذكيه...ايه ده...انتي فاكراني ايه؟؟؟عبيطه ولا عبيطه؟؟آه عبيطه..لا يكون عبيطه؟؟؟ بس اتخررسي لا ادي لك على نافوخك... .



5: حصه رياضيات...طفش طفش ....ويعم كل الفصل..مو وحده ولا ثنتين..الكل....تبدا المعزوفات بالطقطقه على الارض بالجزم..وانتم بكرامه...تقول ايقاع عساكر...شوي ويقومون يسوون تحيه عسكريه للمصريه.



وبس..البقيه في العدد القادم