هذه ابيات شعريه فكاهيه انتقيتها من( ديوان عابرة سبيل)..
ومن منا لايعرف هذه الشاعره ..


**
انا لي ثمان سنين متولعه واغليه...
وعلى جملة اهل الحقد والعذل محتجه
كتبت القصايد كلها ياجماعه فيه...
عليه الحشا مثل القراطيس بالعجه
عقب هالعمر يسأل قصايدك منهو فيه؟؟
ياويل قلبي ان كان نشدته من صجّه
انا ودي اطقه واخاف اتوثم فيه
هبيل بلاه الله في بنت خبله



**
دوم يعيرني ويقول: انتي متين..
" حلجك" المفتوح لازم نغلقه
هيه يادبه!! لزوم تخففين..
والاّ اثور فيك عشرين فشقه
وفي رجيمي استمريت اسنتين...
جدي اللي مات بغيت الحقه
ويش رايك؟؟ قلتها بصوت حزين..
قال:دبه وانقلبتي لي سلقه

**
لي صاحبٍ منه تبي تطلع الروح...
خبلٍ ومن هي مولعه فيه ..خبله
عامين ألمحّ له مع الجد والمزوح...
واقول ياعنتر تناديك عبله
طال المدى ثم قلت انا اغليك يالوح..
مجروحةٍ جرح مخاطره عجله
دنق وقال انا من العام مجروح...
وأشر لجرحٍ مبطي وسط رجله

**
ياخبلي الغايب... متى ترد للعين..
متى اشوفك أو تجيني رساله
صحيح بالدنيا خبولٍ كثيرين...
لكن خبالك ياحبيبي لحاله


تحياتي,,